Ni gute umukristo yanesha umubabaro?

Umubabaro ni amarangamutima rusange ku kiremwa muntu, umubabaro si uwa none kuko Bibiliya itubwira abatubanjirije banyuze mu mubabaro ukomeye harimo Yobu, Hana naDawidi.si abo gusa ahubwo na Yesu yarababaye bikomeye.icyakora hari icyakorwa mu rwego rwo kurwanya umubabaro.

Nyuma y’uko Lazaro apfa, Yesu yagiye mu mudugudu wa Betaniya aho bashyinguye Lazaro. Yesu yasanze Marita n’abandi baje mu kiriyo bari kurira, nawe ararira bitewe n’urupfu rwa Lazaro. igitangaje n’uko n’ubwo Yesu yari azi ko agiye kuzura Lazaro, yahisemo kwifatanya nabo mu gahinda. Mu by’ukuri Yesu ni umutambyi mukuru ubasha kwifatanya natwe.

Intambwe ya mbere yo kunesha umubabaro ni ukubanza kuwumenya neza. Mbere ya byose tuzi ko umubabaro ari igisubizo (result) karemano kivuye ku gihombo runaka. akenshi rero iyo umuntu ababaye ahita agaragaza amarangamutima ye. Ingenzi rero ni uko wiga ku mubabaro wawe ukawumenya neza n’ icyawuguteye.

Intambwe ya kabiri ni ugushyigikira intego. Mu gitabo cy’umubwiriza 7:2 haravuga ngo: “kujya mu rugorurimo imiborogo biruta kujya mu rugo rurimo ibirori” uyu murongo uratubwira ko umubabaro cyangwa agahinda bishobora kuba byiza kuko bigaruka ku mibereho yacu hano ku isi.
Intambwe ya gatatu, umubabaro udahoraho. “Ahari kurira kwararira umuntu nijoro, ariko mu gitondo impundu zikavuga” Zaburi 30: 5. Umubabaro ugira igihe, ariko ugeraho ukgashira, kurira bigira imipaka ntibiboneka

Muri byose, Imana ni iyo kwizerwa. Hari ibyanditswe byera bitwibutsa kwiringira Imana no mu gihe cy’umubababaro. Imana ihorana natwe: “naho nanyura mu gikombe cy’igicucu cy’urupfu, sinzatinya ikibi cyose kuko ndi kumwe nawe. (Zaburi 23:4) mu gihe Dawidi yari yuzuye umubabaro, yasengeye muri iyi Zaburi. Nk’uko Yesu yifatanyije n’abo kwa Lazaro ni nako Imana yifatanya natwe mu makuba yacu, kandi amarira yacu Imana iyaha agaciro. Reka twikomeze ku mana kandi tumenye ko ari yo imara imibabaro. (Zaburi 91: 1-2)

Intambwe ikomeye cyane yo kunesha guheranwa n’umubabaro ni ukuwutura uwiteka. Umwanditsi wa Zaburi yagiye atwereka ingero nyinshi z’uburyo twagomororera Uwiteka intekerezo zacu zose akaba ari we utuyobora. Imana iratwumva iyo twemeye gukorana nayo, icyo dusabwa ni ugufungura imitima yacu (Zaburi 139:2)

Indi ntambwe yadufasha kunesha umubabaro ni ukuwusangiza abandi (kubaganiriza ibyakubabaje) Yesu yaravuze ati: “mubabarane n’abababaye” (Abaroma 12: 15) akenshi iyo umuntu yihereranye agahinda, aheranwa n’ubwigunge, ariko iyo abivuze, bagenzi be baramukomeza, bakamugira inama. Ni byiza ko abantu bagira amatsinda bahuriramo bakumva bagenzi babo ndetse bagafashanya hagati yabo.

Muri macye, umubabaro ni rusange ku kiremwa muntu ariko dukwiye gufata ingamba zo kwirinda kuba imbata z’agahinda kuko dushobora kubona ubufasha bw’umwuka wera twahawe nk’umuyobozi. ibitugora byose, tubiture Yesu yakira umusanga wese.

Source: www.gotquestion.org