Ni gute umubyeyi ufite inshingano zo kurera wenyine yazubahiriza?

Ubusanzwe mu muryango tuzi ko kurera ari inshingano y’ababyeyi bombi (umugore n’umugabo) ariko hari ibibazo byinshi bishobora gutuma umwana arerwa n’umubyeyi umwe harimo urupfu rw’umwe mu babyeyi, gatanya n’ibindi. Nyamara umugambi w’Imana ku bana wari ukwitabwaho n’ababyeyi bombi.

Imana ifitiye impuhwe umubyeyi urera umwana wenyine. Amategeko y’Imana ku byerekeranye no kurera areba buri wese yaba abashakanye bombi bafatanya kurera cyangwa umubyeyi i udafite mugenzi we umufasha kurera (Abefeso 6:4)

Bamwe mu babyeyi Bibiliya itubwira bagize inshingano zo kurera bonyine harimo Hagari. yari umunyegiputakazi, umuja wa Sara. Aburahamu na Sara banyuranyije n’itegeko ry’Imana, ubwo Sara yoshyaga umugabo we ngo aryamane n’umuja kuko babonaga bashaje kandi Imana yari yarabasezeranyije ko bazabyara umwana w’umuhungu, nyamara ntibakomeza gutegereza ahubwo bicira inzira.

Hagari yabyaranye na Aburahamu umwana w’umuhungu witwa Ishimayeli, ariko mbere y’uko abyara yatotejwe na Sara. Aha umubyeyi urera umwana wenyinine yahafatira icyigisho nk’icyo Hagari yafashe igihe yatakiiraga Uwiteka nawe akamwumva akamuha amasezerano, Hagari yaravuze ati: “uri Imana ireba” (Itangiriro: 16)

Tutitaye ku mibabaro ababyeyi barera bonyine bahura nayo igihe kininini, abamenye Yesu bagomba kwibuka ko batari bonyine. Imana yasezeranye kuba se w’imfubyi n’umuvugizi w’abapfakazi (Zaburi 68:5)

Undi mubyeyi wafashe inshingano zo kurera wenyine uvugwa muri Bibiliya ni Loti. Kubera ko Umugore wa Loti yasuzuzuguye amabwiriza y’Imana, yapfuye azize uburakari Imana yasutse ku murwa wa Sodom. Loti yarokokanye n’abakobwa be babiri, nyamara n’ubwo bari abakobwa be bamukoresheje icyaha ubwo bamuhaga ibisindisha bakaryamana nawe ndetse bakabyarana.

Ababyeyi bafite inshingano zo kurera bonyine, bakwiye kwigira byinshi ku makosa Loti yakoze. Inshuro nyinshi usanga bene aba babyeyi bakunze kurambirwa inshingano zo kurera bakivovota
Ugasanga abana barerwa n’abavandimwe,abaturanyi ndetse na Leta. Ariko si ko bikwiye kugenda bajye basoma amabwiriza y’Imana bamenye uko bagomba kurera (Abefeso 6:4)
Ikintu cy’ingenzi buri mubyeyi wese agomba kumenya ni uko Imana ari yo yaremye abana bacu kandi ifite umugambi ku buzima bwabo. Ntabwo abana ari impanuka ku babyeyi cyangwa ku muryango mugari, n’ubwo hari ibibazo ku muryango, Imana yabaremye itwibutsa ko tugomba gufata inshingano zo kubarera neza no kubatoza kumenya Imana.

Mu by’ukuri, ababyeyi bifasha kurera babona ko bikomeye ugererenyije n’abafite ababafasha, ariko iyo babaye hafi y’Imana, babona ubufasha bw’abavandimwe muri Kristo bityo abana bakabaho neza. (Matayo 19: 14)

Aba babyeyi bagomba gukora ibishoboka byose kugira ngo barere abana babo neza, iyo barangwa no gukiranuka, kubaha n’ingeso nziza muri rusange. Iyi mico niyo abana babo bafata igahindura ubuzima bwabo.

Muri macye,ababyeyi bagomba kurera neza abana bashinzwe, batitaye ku mpamvu zabatandukanije n’abagombaga kubasha kurera, kandi bakaguma mu isezerano ry’Imana n’ubuntu bwayo buzabafasha kuziba icyuho.

Source: www.gotquestion.org