Ngibi bimwe mu biranga Anti-Kristo (Igice cya 2)

Icyigice cya kabiri turakomeza kuvuga kubahanuzi b’ibinyoma ndetse n’ibindi bimenyetso bigaragaza anti-christ.

Muri iyi minsi uzakunda kubona abahanuzi b’ibinyoma ahantu hagiye hatandukanye, aho usanga baza bakubeshya bakaguhanurira ibintu bitaribyo wazajya kubona ugashiduka bagutwaye amafaranga. Ubushakashatsi bwakorewe muri leta zunze ubumwe za Amerika bwagaragaje ko 70% batizera Imana ndetse benshi bakanavuga ko itabaho, biterwa nuko kuri ubu abantu bagenda bareba cyane kubivumburwa kurusha kwita kubyanditswe mu bitabo bitagatifu. Ibimenyetso byose bibanziriza kuza kwa Kristo birahari ubwicanyi mu bihugu byinshi buragaragara cyane, abantu barapfa bazira ubusa ndetse ntibanarenganurwe.

Igitabo cy’ibyahishuwe kigaragaza ko mu minsi yanyuma isi izayoborwa n’abantu batatu abo bantu bakazaza muburyo bw’ibimenyetso

• uwambere ni satani uzaba afite ikimenyetso cy’inyamanswa icira umuriro ariyo dragon
• uwakabiri ya nyamaswa yavuye mu mazi ariyo y’imitwe irindwi ariwe anti-Kristo tumaze no gusobanukirwa iyo mitwe irindwi iyo ariyo
• iya gatatu ngo ni inyamanswa ivuye mu isi ariyo dini ry’ibinyoma n’abahanuzi b’ibinyoma.

Niba se kuri ubu abantu badatinya guhindura Bibiliya bakavugako yanditswe nabi ubundi bakazana bibiliya ya satani bakayishyira ku mugaragaro ndetse bakanayiyobaka bamwe bakavugako ariyo nzira y’ukuri n’ubugingo, aha ntibyaba bisobanurako anti-Kristo yamaze kugera ku isi? Ko ndetse hashije n’igihe ki nini. Kuri ubu abahanuzi b’ibinyoma ndetse n’ibitangaza bidasanzwe birahari kubwinshi. Ubwami bugaragaza amahoro n’umutekano ku isi nyamara abantu bicana ku ibanga ibi nabyo birahari. Ibi nabyo ni bimwe mu bimenyo bigaragaza anti-Kristo, dusanga mu (1 Abatesaronike 5:3). Ikindi kandi idini risenga Imana nyamara ugasanga abenshi bafite umwuka wa anti-Kristo rirahari niwitegereza uzasanga abenshi mu bakristo b’ikigihe bakora ibyaha bagafata idini nk’ikintu cyo kubakingira.

Bibiliya itubwirako ntakizaba Imana itakimenyesheje intore zayo ziyitakira ku manywa na nijoro. Aya niyo mahirwe abantu b’Imana bafite yo kuzagendana n’ijwi ribayobora bu bihe nk’ibi bigoye by’Umwijima, bigoye kwigobotora udakorana n’Imana bya bugufi.
Ufite ugutwi niyumve ibyo umwuka Abwira amatorero. Unesha nzamuha kurya ku mbuto z’igiti cy’ubugingo kiri muri Paradizo y’Imana.

Ismael [email protected]