Menya umumaro wo kurya imbuto zitandukanye kandi zihagije

Iyi nyandiko yagufasha gusobanukirwa byinshi ku mbuto zitandukanye, umumaro zigirira uwaziriye ndetse n’ibindi by’ingenzi ukwiye kwitaho ku mbuto.

Imbuto ni bimwe mu biribwa by’ingenzi bifite umumaro ukomeye ku buzima bw’ikiremwa muntu. Abashakashatsi batandukanye bagaragaza ko abantu bamwe usanga bazikunda bitewe nuko zisa, ziryoha n’ibindi. Urubyiruko byagaragaye ko bari mu badakunda imbuto, bikagira ingaruka mbi ku buzima mu gihe umuntu ageze mu za bukuru. Uretse urubyiruko kutarya imbuto zihagije bizana ingaruka zitandukanye nkuko turi bubigaragaze.

Imbuto ni isoko nziza y’intungamubiri zitandukanye nka vitamine, imyunyungugu, ibitera imbaraga, inyubakamubiri, ibivumbikisho, uturemangingondodo n’bindi. Ibi byose bifasha umubiri guhorana ubuzima buzira umuze.

Dore ibyiza bitangaje bizanwa no kurya imbuto zitandukanye

 Kurya imbuto zihagije kandi zitandukanye bigabanya ibyago byo kurwara indwara zitandukanye ndetse zikomeye nka kanseri, Diyabete, stroke, ndetse n’izindi ndwara zitandukanye zifata umutima.
 Kurya imbuto bifasha guca ukubiri n’ibibazo bitandukanye bifata urwungano ngogozi.

 Kurya imbuto zitandukanye, ku rugero ruhagije bifasha kuringaniza ibiro, ndetse no kubigabanya ku babyifuza.
 Kurya imbuto zitandukanye kandi zihagije bifasha uruhu guhorana itoto ndetse no guca ukubiri n’ibibazo bitandukanye bifata uruhu, no kurufata neza ndetse n’umusatsi
 Kurya imbuto zihagije bifasha ubuzima bw’amagufwa ndetso no gukomera
 Kurya imbuto bitera guhorana akanyamuneza bityo ukabaho ubuzima bw’ibyishimo.
Ibyo kwitaho mu kurya imbuto.

 Bitewe nuko imbuto zifitiye ubuzima bw’umuntu umumaro ukomeye, ni byiza kwimenyereza kuzirya nibura ku mafunguro ufata ku munsi ntihaburemo imbuto, biba byiza kuzirya uzihinduranya kuko bikurinda kuzihurwa no kuzizinukwa.
 Mu gihe ugiye kurya imbuto, biba byiza iyo uriye imbuto zitarengeje iminsi ibiri zisaruwe, yaba myinshi ikaba itatu, kuko nibwo intungamubiri ziba zitarangirika ndetse zitaranagabanuka.

 Mu gihe wariye imbuto, si byiza guhita unywa amazi ako kanya, nibura uba ukwiye kuyanywa nyuma y’iminota mirongo itatu cyangwa mbere yayo.
 Ni byiza kubika imbuto ahantu hatari ubushyuhe bwinshi kuko bushobora kuzangiza, bityo intungamubiri zikabigenderamo.
Mu nyandiko itaha,tuzabagezaho imbuto z’ingenzi kuruta izindi,udakwiriye kubura ku ifunguro nibura mu minsi ibiri.

Sourc:www.organicfacts.net
[email protected]