Menya umuhamagaro wawe mu itorero rya gikristo

Kumenya umuhamagaro w’Imana mu buzima bwawe biragoye. Dukunze kubyita ko ari ukumenya ubushake bw’Iman cyangwa intego y’ubuzima bwacu.
Kugira ngo tubyumve neza twavuga ko “umuhamagaro ari ubutumire bw’umuntu ku giti cye ahabwa n’Imana ngo akore umurimo wihariye yamuteguriye mu itorero rya Kristo."

Nubwo bishobora kuba byumvikana ariko, haracyari ikibazo cy’uko umuntu yamenya igihe Imana imuhamagariyemo ndetse n’icyo imuhamagariye gukora nyirizina.
Intambwe ya mbere yo kumenya umuhamagaro

Mbere yo kumenya icyo Imana iguhamagariye by’umwihariko, ugomba kuba ufitanye na Yesu Kristo umubano wihariye. Yesu aha agakiza umuntu wese ugashaka, kandi ashaka kugirana ubucuti bwimbitse n’umwizeye wese, ariko kandi uwo Imana ihishurira umuhamagaro wayo ni uwemera Kristo nk’umwami n’umukiza.
Akenshi ibi bigora abantu benshi bityo bikabatera kwifata, nyamara Yesu ubwe yarivugiye ati, " Nijye nzira n’ukuri n’ubugingo: ntawujya kwa Data atari jye umujyanye." (Yoh 14:6)

Mu mibereho yawe umuhamagaro uzakuzanira ingorane n’ibibazo bitandukanye ndetse no gushidikanya rugeretse. Kandi koko icyo Imana ihamagarira umuntu gukora nta n’umwe wakibasha. Keretse ko umwuka wera wera azajya agenda aguha imbaraga anakuyobora muri misiyo y’Imana yaguhaye.

Kugirana umubano wihariye na Yesu Kristo biha umuntu icyizere cyuzuye ko umwuka wera abana nawe, akamuha imbaraga netse akamuha n’icyerekezo kizima.
Hatabaye kuvuka ubwa kbiri ntibyashoboka ko hanabaho kumenya umuhamagaro, kandi niwishingikiriza ku bwenge bwawe gusa bizagutera kuyoba.
Akazi/murimo ukora si wo muhamagaro wawe

Ibi kubyumva biratungurana bikanatangaza kuko akenshi usanga mu itorero umuntu umuntu akora ibintu byinshi bitandukanye. Hari n’igihe usanga umuntu umwe yenda gukora imirimo yose yo mu itorero. Ariko siko ari umuhamagaro we.
Benshi muri twe tujya duhindura akazi tugakora akandi. Ndetse tujya duhindura n’imwe mu mirimo dufata nk’icyerekezo cy’ubuzima bwacu (careers).

Urugero niba ukora umurimo w’Imana mu itorero riterwa inkunga n’undi muntu (a church-sponsored ministry), umunsi umwe rishobora gufunga bitewe n’impamvu zitandukanye. Igihe kimwe turasaza tukajya mu kiruhuko cy’izabukuru. Bityo akazi ukora siwo muhamagaro utitaye ku buryo wagakoramo bwose ndetse n’uburyo waba ufashamo abandi muri uwo murimo.

Akazi kawe cyangwa umurimo ni igikoresho kigufasha gusohoza neza umuhamagaro. Umukanishi ashobora kuba afite ibikoresho bimufasha gukanika ibyuma, ariko iyo byangiritse cyangwa bikabura abisimbuza ibindi agasubira mu kazi. Umurimo ukora ushobora kuba uhura n’umuhamagaro wawe cyangwa ntaho bihuriye na mba. Akenshi icyo dukora ni nko gushyira ibiryo ku meza bityo uyu murimo waguha umudendezo wo kuwukorera aho ari ho hose.

Na none kenshi na kenshi dukunda gukoresha akazi cyangwa umurimo mu gupima ubushobozi buturimo. Iyo twakoreye amafaranga menshi twiyumvamo ko dufite ubushobozi bwo hejuru, nyamara Imana yo ntiyita ku mafaranga mu kigendanye n’umuhamagaro.

Icyo yitaho ni uburyo ukora umurimo yaguhamagariye gukora.
Mu gihe urimo ukora uko ushoboye ngo wagure ubwami bw’Imana hano ku isi, ushobora kugira amafaranga menshi cyangwa ukanakena. Ushobora no kwibona wishyura amafaranga menshi ariko ngombwa ni kimwe Imana izaguha icyo uzakenera cyose ngo usohoze icyo Imana yaguhamagariye.

Aha hari ikintu cy’ingenzi tugomba kwibuka: Imirimo dukora iraza ikanagenda, ariko icyo Imana yaguhamagariye kigumana nawe kugeza ku munsi izaguhamagaraho ugasinzira ukazajya guhemberwa ibyo wakoze.