Menya ibitangaza 35 bibiliya ivuga Yesu yakoze n’uburyo byakozwemo (Igice cya kabiri)

Mu gihe cya Yesu akiri ku isi yahinduye ubuzima bwa benshi. Kimwe n’ibindi bikorwa byose Yesu yakoze byagiye bishimangirwa n’abagiye babyibonera imbona nkubone. Ibitabo bine by’ubutumwa bwiza bwa Yesu bigaragaza ibitangaza mirongo itatu na bitanu Yesu yakoze ,yakoze ibintu byinshi cyane kuburyo habayeho kwandika buri kimwe cyose isi Yose yabura aho ibika ibitabo.

Mugice cya mbere twari twabagejejeho ibitangaza Yesu yakoze kugeza ku cya cumi ni cyenda niyo mpamvu dukomereje kucya makumyabiri

20-Yesu akiza abantu bakoze ku myenda ye: Hano abantu bakize bari mu gihugu cya Genesareti, bakira ari uko bakoze ku nshunda z’imyenda ya Yesu (Matayo 34-35).

21- Yesu akiza umukobwa w’umunyakananikazi:
Hano Yesu yatakiwe n’umugore ngo amukirize umwana wari utewe na dayimoni, Yesu yari i Tiro n’i Sidoni (Matayo 15:21-28).

22- Yesu akiza igipfamatwi kandi kidedemanga: Bamuzaniye igipfamatwi arakihererana acira amacandwe agikora ku rurimi arakibwira ngo Efata risobanura ngo “ zibuka” (Mariko 7: 33-35).

23- Yesu ahaza abantu ibihumbi bine: abantu bari bamaranye na Yesu iminsi itatu kandi ntabyo kurya byari bihari, Yesu abitereje abagirira impuhwe. Hano ho abigishwa bari bafite imitsima irindwi gusa (Mariko 8:1-8).

24-Yesu ahumura impumyi: Iyi mpumyi yari y’I Betsayida. Bamuzanira Yesu amucira amacandwe mu maso akoza ikiganza mu maso irahumuka. (Mariko 8:22-25).

25- Yesu akiza umwana urwaye igicuri: uyu muntu bari baramuzaniye abigishwa ba Yesu ntibabasha kuvura uwo mwana. Icyo gicuri cyamuturaga mu muriro no mu mazi. Yesu yaramucyashye dayimoni imuvamo ( Matayo 17:14-20)

26- Yesu akura umusoro mu ifi: Yesu yabwiye simoni kujya ku nyanja aroba ifi ayasamuye havamo umusoro we n’uwa Yesu kugirango batabera abandi igisitaza (Matayo 17:24-27)

27- Yesu akiza umuntu wari ikiragi akaba n’impumyi: uyu muntu yari ikiragi,atanabona kuko yaratewe na dayimoni ariko Yesu aramukiza ( Matayo 12:22-23)

28-Yesu akiza umugore uhetamye: Uyu mugore yari amaze imyaka kumi n’umunani ahetamye, ubwo hari ku munsi w’isabato Yesu arimo yigishiriza mu isinagogi abona uwo mugore afite dayimoni itera ubumuga Yesu aramukiza(Luka 13:10-17)

29-Yesu akiza umuntu urwaye urushwima: Hano Yesu yari agiye kwinjira munzu y’umwe mu batware b’abafarisayo ngo basangire abona umuntu urwaye urushwima aramukiza nabwo hari ku isabato (Luka 14:1-6)

30- Yesu akiza ababembe: Hano baramubonye baramutakira ari icumi arababwira ngo nibagende bajye kwiyereka umutambyi (Luka 17:11-19)

31- Yesu akiza Lazaro: uyu Lazaro yari inshuti ya Yesu, afite bashiki be babiri Mariya na Marita batuma kuri Yesu ko Lazaro amaze iminsi ine apfuye ndetse yanutse. Yesu abyumvise araza aramuzura (Yohana 11:40-44)

32- Yesu ahumura Barutimayo: \Uyu yumvise ko Yesu agiye gutambuka arataka cyane aramuhamagara Yesu amwumvise amugirira imbabazi aramuhumura (Mariko10:52)

33- Yesu avuma umutini: Yarawuvumye uruma ako kanya kubera kuwuburaho imbuto.icyo gihe Yesu yahanyuze ashonje (Matayo 21:18:22)

34- Yesu asubiza ugutwi ku mugaragu: aha bari baje gufata Yesu, Petero aca ugutwi umwe mubaje kumufata. Yesu aragutora agusubizaho( Luka 22:50-51)

35- Yesu afata ifi ku nyanja ya Tiberiya: Yesu yarabahamagaye ntibabasha kumumenya bari kunyanja ya Tiberiya, ni nyuma y’urupfu rwa Yesu kuko abigishwa bongeye kwisubirira mu mirimo bahozemo mbere. Yesu ababaza niba bafite icyo kurya bamubwira ko ntacyo ababwira icyo bakora babona amafi menshi (Yohana 21: 4-11)

Bibiliya itubwirako Yesu yahozeho kandi yahoranye n’ Imana kandi Yahoze ari umunyembazi na nuyu munsi ntabwo yahindutse aracyakora imirimo n’ibitangaza. Uretse ahantu hamwe gusa yavumye umutini ugahita wuma ariko ahandi hose Yesu iyo yabonaga abantu bababaye yarababaraga , urugero ubwo yari amaranye n’abantu iminsi itatu ku musozi yanze kubarekura batariye kubera impuhwe yabagiriye. Ubwo nabwo yageraga kwa Razaro yasanze abayuda barira, Yesu ararira. Abakristo bakwiye kwikomeza ku mwami Yesu kuko yumva amaganya yabo kuko yita kuri buri umwe. Ntabwo Yesu Anezezwa no kukubona ushavuye.

Ismael [email protected]