Menya byinshi kuri burokoli(Bruccoli)

Muri iyi nyandiko, tugiye kubagezaho, igihingwa kitwa burokoli cyangwa broccoli mu rurimi rw’icyongereza, turavuga icyo aricyo, intungamubri dusanga muri cyo, uburyo bwiza bwo kukibika, ndetse turanavuga ku byiza bizanwa n’uko umuntu yakiriye.

Broccoli ni igihingwa cyo mu bwoko bw’amashu, kiba gifite amashami, ku mutwe w’amashami, haba hariho imboga z’icyatsi kibisi zikoze uruziga nk’indabo,Icyo gice cyo ku mutwe kigaragara mu ibara ry’icyatsi kibisi(green color), icyo gice kandi kiba gikikijwe n’amababi, kikaba ari nacyo kiribwa.Ushobora kureba ibyo bice byose ku ifoto twashyize kuri porofile( profile) y’iyi nkuru, nkuko ibigaragaza.

Dore intungamubiri zingenzi dusanga muri burokoli(Brucolli).

Broccoli ni isoko nziza y’uturemangingondodo, poroteyine(Protein), vitamin A,E, B,C na K ndetse n’imyunyungugu itandukanye nk’ubutare(Iron), manyesiyumu(Magnesium), potasiyumu(Potasium), kalisiyumu(Calcium), na seleniyumu(Selenium), ibi byose bifasha umubiri kugira ubuzima buzira umuze, nkuko turi bubigaragaza hepfo aho turi burondore imimaro yo kurya broccoli.

Dore uburyo bwiza bwo kubika Burokoli(Bruccoli)

Kimwe n’izindi mboga zose, kuzifata neza ni ingenzi, kuko iyo kuzifata neza bititaweho, kwangirika kwazo bibaho mu buryo bwihuse, kuri Burokoli(Bruccoli) rero, byagaragaye ko iyo yabitswe neza, ishobora kumara hagati y’iminsi itanu n’irindwi, itarangirika.
Ubu buryo butatu bukurikira, ushobora kubukoresha, mu gufata neza burokoli, mu gihe nta bikoreesho byabugenewe byo kubika imboga ufite nka firigo(Frigo), n’ibindi.

 Uburyo bwa mbere, ushobora kuyibikamo, ni ukuyifata, ukayishyira mu kirahure, kirimo amasi, ukayishyirmo uyihagaritse, kuburyo kiriya gice cyo hejuru kiribwa kiba kiri hejuru, aha bisaba ko, uhindura amazi umunsi ku munsi.

 Uburyo bwa kabiri, umuntu umuntu yabikamo burocoli, ikamara iminsi nibura itanu, itarangurika, ni ukiyifata, ukayizengurutsa urupapuro, rworohereye, ariko ugasiga umwanya udatwikiriye, kuburyo umwuka ubasha kwinjiramo neza.

 Ushobora kandi kuyifunga mu ishashi, byaba byiza, ishashi ibaye ibonerana, kuburyo urumuri rubasha kugera kuri burokoli, ukibuka nanone gusiga umwanya, udatwikiriye, kuburyo umwuka ubasha kwinjiramo.

Umumaro wo kurya burokoli(Broccoli)

Nkuko twabivuzeho haruguru, aho twarondoraga, intungamubiri dusanga muri burokoli, kurya burokoli, bifasha umubiri muri byinshi, muri ibyo twavugamo nko: kugabanya ibyago byo kurwara,indwara zitandukanye nk’izifata umutima, imijyana n’imgarura y’amaraso. Kugabanya urugimbu rubi mu maraso,ifasha amagufwa gukomera, ikarinda kurwara kanseri, ifasha umubiri nanone, mu kugabanya ububabare, mu gihe umuntu afite igikomere, burokoli kandi zifasha igogora rikagenda neza, zibifashijwemo na turiya turemangingondodo, tuba muri burokoli.

Reka dusoze iyi nyandiko, tuvuga uko burokoli butandukanye, waryamo burokoli: Ushobora kuyirya ari mbisi, kuyinywa mu mazi y’akazuyazi, ushobora ndetse no kuyiteka nk’izindi mboga zose, ariko biba byiza kutayihisha cyane, cyangwa ngo uyitinze ku muriro, kuko ikungahaye ku ntungamubiri zangirika vuba, iyo zimaze umwanya ku muriro cyangwa ku zuba, ni byiza kwitwarararika mu gihe cyo kuyitegura, kugirango uze kuyigeza igihe cyo kuyifungura cyangwa kuyirya, igifite ubwiza bwayo bw’umwimerere.

Source:www.whfoods.com
[email protected]