Menya byinshi ku ndwara ya cystite

Nubwo abantu benshi batazi indwara ya Cystite ariko ngo ni indwara izahaza umuntu wamaze kuyandura ku kigero kiri hejuru

Muganga HABAKUBAHO yagize byinshi asobanura kuri iyi ndwara itazwi na benshi maze avuga ko Cystite ari indwara yibasira inda yo hasi ikahazahaza ku buryo bukomeye, ahanini ngo iterwa n’imikorere mibi y’impyiko cyangwa uruhago ruba rufite ikibazo bitewe na za bacterie ziva hanze y’umubiri,

Cystite ni indwara iterwa n’ibintu bitandukanye birimo:
Isuku nke ahantu hatandukanye harimo mu bwiherero, mu myanya y’ibanga
Kuba umuntu asanzwe arwara zimwe mu ndwara zandurira mu mibonano mpuzabitsina

Muganga avuga ko bimwe mu bimenyetso biranga indwara ya cystite harimo:
Guhora ubabara mu kiziba cy’inda
Guhora wumva wokera bikomeye
Kumva uremerewe mu kiziba cy’inda ndetse unatonekara cyane
Gucika umugongo wo hasi
Kubabara mu gihe wihagarika
Gukora imibonano mpuzabitsina ubabara cyane

Ngo mu gihe umuntu ativuje neza cystite ashobora guhura n’ingaruka zirimo:
Kunanirwa gukora imibonano mpuzabitsina burundu
Kutabona imihango
Kutagira igihe cy’uburumbuke
Kurwara impyiko

Mu gihe wagize ibyago byo gufatwa n’iyi ndwara ni byiza kwihata ibyo kurya birimo imboga z’ibara ry’icyatsi ndetse no kunywa amazi ahagije wabona byanze ukajya kwa muganga kugirango ugirwe inama y’icyo wakora