Kwera imbuto zikwiriye abihannye.

MATAYO 3.7-12
7.Abonye Abafarisayo n’Abasadukayo benshi bazanywe no kubatizwa arababaza ati “Mwa bana b’incira mwe, ni nde wababuriye ngo muhunge umujinya uzatera?
8.Nuko mwere Imbuto zikwiriye abihannye.

9.Ntimukibwire muti ’’dufite Aburahamu, niwe sogokuruza’’, ndababwira yuko Imana ibasha guhindurira Aburahamu abana muri aya mabuye.
10.Ndetse ubu intorezo igezwe ku bishyits by’ibiti, nuko igiti cyose kitera imbuto nziza cyiza cyose kitera imbuto nziza kizacibwa, kijugunwe mu muriro.
11.Jyeweho ndabatirisha amazi ngo mwihane, ariko uzaza hanyuma yanjye andusha ubushobozi, ntibinkwiriye no kumutwaza inkweto. Niwe uzababatirisha umwuka wera n’umuriro.
12.intara ye iri mu kuboko kwe kandi azeza imbuga ye cyane, amasaka ye azayahunika mu kigega, ariko umurama wo azawucanisha umuriro utazima’’

Aya magambo yavuzwe na Yohana Umubatiza igihe yari mu butayu bw’ i Yudaya yigisha abantu, ababwira ko ubwami bwo mu ijuru buri hafi bituma baza kubatizwa ari benshi;

Icyo gihe hari hashize imyaka irenga 400 nta jwi ry’Imana riciye mu bahanuzi Abayuda bumva, kandi n’ubwo bari barakandamijwe n’ubwami bw’Abaroma, bari bagitegereje Mesiya (Yesaya 9.5)

Yohana Umubatiza rero yaje muri ibyo bihe, abasaba kwihana bakera imbuto nziza, bagatunganya inzira z’Uwiteka,

Bakareka kwishingikiriza ku gisekuru cyabo ngo kuko ari bene Aburahamu inshuti y’Imana,

Abamenyesha ko niba binangiye imitima bakanga kwihana, Imana ubwayo ibasha guhindura amabuye akavamo abandi bana ba Aburahamu Imana yishimira!

Ni yo mpamvu yabihanangirije, ababwira ko ikiruta byose ari ukwera imbuto zikwiriye abihannye, kuko igiti cyose cyitera imbuto nziza gitemwa kikajugunywa mu muriro;

Yakomeje abamenyesha ko n’ubwo we abatirishije amazi, inyuma ye hari undi ubatirisha Umwuka Wera n’umuriro kuko amurusha ububasha, kandi ko icyamuzanye ari ukweza imbuga ye, amasaka akayahunika mu kigega, umurama akawutwika;

Iyi si turimo rero ni yo mbuga, bamwe bakaba bagereranywa n’amasaka mazima, abandi ari urukungu;

Kugira ngo rero umuntu abashe kuba imbuto nziza, nta kindi cyabimushoboza uretse gusa kuba yuzuye imbaraga z’Umwuka Wera!
Ijambo ry’Imana duhora twumva ni cyo kibando gihura amasaka ngo kiyatandukanye n’umurama, kuko ari wo byaha bidutandukanya n’Imana;

Imbuto nzima ni yo ihabwa agaciro igahunikwa mu kigega ikabyazwa umusaruro:

Uko ni ko umukristo uri mu rugendo, ibyo akora byose n’aho anyura hose; mu magambo avuga no mu bikorwa akora, mu byiza no mu bibi acamo, arushaho kwerera abandi imbuto nziza.

Birakwiye rero ko nawe wera imbuto zikwiriye abihannye, n’abataramenya Imana bakazigusoromaho bikabatera gukizwa.

[email protected]