Kuyoboza Imana inzira muri byose.

2SAMWELI 5.12-19
19.Maze Dawidi agisha Uwiteka inama ati “Nzamuke ntere Abafilisitiya? Urabatanga ubangabize?” Uwiteka asubiza Dawidi ati “Zamuka kuko ntari bubure kukugabiza Abafilisitiya.

Burya kugisha Inama Uwiteka ni ngombwa mu buzima, kuko tukiri mu isi dufashe igihe mu ntambara, kandi Satani, umunyamayeri n’uburyarya bwinshi, ni we mwanzi wacu ukomeye!

Ibi kuko Umwami Dawidi yari abisobanukiwe, iteka yifuzaga kwinjira mu rugamba azi neza ko ajyanye n’Imana kuko ari yo mutabazi.

Kandi rero ntibikomera na gato kuba umuntu yarwana urugamba azi neza ko Uwiteka amurangaje imbere, kuko icyo gihe aba yizeye intsinzi byanze bikunze.

Kugisha inama abantu na byo ni byiza, ariko cyane cyane ujye wishimira kugisha Uwiteka inama, kuko ni yo yonyine yabasha no kwirengera ingaruka zivuye bujyanabwayo

Burya iyo wishingikirije ku nama z’abantu gusa ni wowe ubwawe wirengera ingaruka zabyo, kuko uba wakuye Imana mu migambi yawe.

Ibi bishatse kuvuga ko, nk’umuntu wizera Kristo Yesu, nta cyo ukwiye gukora utabanje gusenga ngo ugishe Uwiteka inama,

Kuko n’ubwo itasubirisha ijwi ryayo, ntibiyibuza kwinjira mu migambi yawe mu buryo bwayo kuko uba wayihaye ikaze.

Imana igushoboze kutayiheza mu migambi yawe yose, mu byo ukora byose uyiyoboze inzira.

[email protected]