Kurinda amavuta y’Umwuka wera twahawe (Igice 2) Pastor Desire HABYARIMANA

“Kera ibiti byari bigiye kwiyimikamo umwami ngo abitegeke, byinginga igiti cy’umwelayo biti ‘Ujye udutegeka.’ 9Ariko umwelayo urabibaza uti ‘Mbese narekeshwa amavuta yanjye akoreshwa ibyo kūbaha Imana n’abantu, no kujya mpungabanira hirya no hino hejuru y’ibiti? ” (Abacamanza 9:8)

Iyo urebye ibyapa bivuga amadini n’amatorero muri iki gihugu , usanga ari byinshi cyane ariko wareba ibyaha bikorwa.

Ukwiye kuba umuntu ugirira umumaro abandi bitewe nuko wahindutse ufite imbuto z’umwuka wera. Bitabaye ibyo tuzasigarana amazina meza gusa ariko tutari mu mwanya Imana ishaka. Ikindi kintu gikomeye iyo urebye anti kristo arimo, arakora mu buryo bw’amayobera kandi mu nzego zose ubuzima, politike, ubukungu, ubucuruzi, iyo urebye uburyo isi yitegura kwakira anti-kristo ariko ugasanga abakristo bo ntibiteguye kwakira Yesu nk’umwami numukiza wabo. Uko isi igenda yishyira hamwe bakoresha ifaranga rimwe , urebye ukuntu ibihugu biba bishaka kuba umwe, ibintu byose bakabikorera hamwe niko abakristo bagenda batatana. Kugirango umwuka wera amanuke mu gihe cy’intumwa bari bateraniye hamwe, bari mu mwanya umwe kandi bahuje umutima.

Ibimenyetso bigaragazako Yesu agiye kugaruka ibyinshi byamaze kuza ariko abakiristo barasinziriye basinzirijwe n’sibiryo batarabona, n’imyenda bataragura n’amazu batarubaka, ko bataramera nka barunaka ibyo nibyo abantu bahugiyemo ariko ntibiteguye ko impanda izavuga .

Bibiliya itubwira umugani w’abakobwa icumi bose baribafite icyo bahuriyeho: imyambaro imwe, uwo bategereje umwe, kandi bose bari bafite amatara gusa harimo batanu badafite amavuta kimwe na none duhuriye ku itara ry’ijambo ry’Imana, duhuriye ku ikanzu kuko twese tuvugako tujya mu ijuru.

Ikintu kidutandukanya bamwe bafite amavuta y’umwuka wera abandi ntibayafite. Turi ku ijambo rivuga kurinda amavuta no kuyagumana, Umwelayo waravuzengo ntabwo natakaza amavuta yanjye akoreshwa iby’igiciro atuma nubahwa n’Imana n’abami, nirirwe mpungabana hejuru y’ibiti ntakaze amavuta yanjye.

Umusore udatunze mwuka wera ni umusore nk’abandi bose, umugabo udatunze mwuka wera ni nk’abandi bose,umumama udafite mwuka wera ni nk’abandi bose kuko ikintu kidutandukanya n’abandi bose ni imbaraga z’umwuka wera zitubamo. Umwuka wera aradusengera, Umwuka iyo tugiye gukora ibibi atumenyesha ibyo Imana ishaka, Umwuka niwe utumenyeshako turi abana b’Imana, Umwuka wera ni umufasha, umwuka wera atunihira iminiho itavugwa, Niba utagira umwuka wera, mu mubiri gusa ntacyo uzabasha. Nubundi umubiri ni umunyantegeke kuko umubiri ushobora ibintu bike cyane kuko na mayibobo iyo agiye kurara mu kanevu abanza gushaka ikintu anywa agashaka izindi mbaraga kuko umubiri ari umunyantegenke. Gusa nuko usanga abakirisito bajya mu ijuru ibyo batarabimenya ko umubiri ubwawo utakishoboza kujya mu ijuru.

Bibiliya iravugango abahamagawe ni benshi ariko abatoranyijwe ni bake, ukwiriye gushaka kuba muri abo bantu batoranyijwe umwuka wera akadutangira ubuhamya, tukumvako turi hafi y’Imana. Kugirango Yesu atwemezeko azagaruka yadusigiye umwuka wera.

Mukomeze gushaka amavuta, mukomeze gushaka icyatuma mubana n’Imana, Mukomeze gushaka kuba mu mwanya Imana ibashakamo, Mukomeze kwezwa ku ngeso zanyu.

Fata icyemezo cyo guhinduka, saba Imana imbaraga zizagufasha gutsinda.

[email protected]