Kurinda amavuta y’Umwuka Wera twahawe (Igice 1) / Pastor Desire HABYARIMANA

“Kera ibiti byari bigiye kwiyimikamo umwami ngo abitegeke, byinginga igiti cy’umwelayo biti ‘Ujye udutegeka.’ Ariko umwelayo urabibaza uti ‘Mbese narekeshwa amavuta yanjye akoreshwa ibyo kūbaha Imana n’abantu, no kujya mpungabanira hirya no hino hejuru y’ibiti? ” (Abacamanza 9:8)

Akenshi iyo Bibiliya ivuga amavuta iba ivuga Umwuka Wera. Iyo umuntu akijijwe akaba umwana w’Imana, indirimbo yumva, ubuhamya yumva, ijambo ry’Imana yumva kuba ari mur usengero rw’abantu b’Imana ari ahantu hakamufashije kugira mavuta, ni ahantu hakamufashije kuzura Umwuka Wera. Ni ahantu hakamufashije guhinduka kuba uwo Imana ishakako aba we ,hakamufashije kwera imbuto no kuba umukristo utunganye, abantu b’Imana bagufashe gukura no guhinduka no kugera ku kigero cy’igihagararo cya Kristo Yesu.

Amavuta yakoraga ibintu byinshi: Iyo umuntu yabaga afite amavuta ya Elayo muri Isirayeli, yabaga afite amavuta akora ibintu byinshi kuko yimikaga abami, abatambyi n’abahanuzi kandi aya mavuta yomoraga ibikomere kuberako bahoraga ku rugamba iminsi myinshi. Bayomozaga ibikomere na wa muntu wakubiswe n’abambuzi wamanukaga ava Yerusalemu ajya I Yeriko bamwoje amavuta ya Elayo. Ikindi barayarya bakamererwa neza kuko atagiraga ingaruka ku buzima.

Dawidi yaravuzengo Uwiteka yansize amavuta mu mutwe igikombe cyanjye kirasesekara , Bibiliya yatubwiyeko ibiti byashatse kwiyimikamo umwami hanyuma bikabwira umwerayo ngo ubibere umwami. Ugasubiza ko utarekeshwa amavuta yawo ukoreshwa ibyo kubaha Imana n’abantu no guhungabanira hirya no hino hejuru y’ibiti, wari wiyizi neza uzi agaciro kawo, uhitamo kutarekura ibyo byose.

Ni amavuta y’icyubahiro. Muri Isirayeli uwabaga ayafite yabaga afite ikintu kinjiza amadevize, cyinjiza umutungo mwinshi, ni kimwe n’umuntu wuzuye Umwuka Wera, aba afite agaciro mu maso y’Imana. Iyo umuntu akijijwe akuzura Umwuka Wera ,Imana imufata nk’imboni y’ijisho ni umuntu Imana yitaho. Mwibuke ko Umwuka Wera ari ingwate ni ikimenyetso kitumenyesha ko turi abana b’Imana , azatujyana(uwo mwuka) no mu bwami bw’Imana.

Iyo umuntu agiye gufata amafaranga mu ma banki asigamo ingwate kandi ingwate igomba kuba ifite agaciro karuta ideni yatse. Umwuka Wera rero ufite agaciro gakomeye kuruta ibintu byose.Umukristo ntamenyekanira n’aho asengera , uko yambara ahubwo akwiye kugaragazwa nuko yuzura Umwuka Wera.

Petero agiye kwa Koloneriyo, avuga ibya Yesu mu banyamahanga batangira kuzura Umwuka Wera niko kuvuga ngo ‘Menye neza ko Imana itarobanura ku butoni mu isi yose ukora ibyo Imana ishaka imwemera’. Iyo umuntu akora ibyo Imana ishaka iramwemera ikamuha Umwuka Wera.

Tujya tubona abantu basiga amavuta ngo buzure Umwuka Wera ariko n’ubwo bagusiga ingunguru yose utarakora ibyo Imana ishaka ngo ikwemere ntizawuguha. Umwuka Wera uzazanywa nuko ikwemeye ugatungana ku ngeso, ikaguha impano yo kuzura Umwuka Wera, ntakindi wakora ngo uwuhabwe. Ikintu gituma Imana ikwemere ni impinduka z’imbere muri wowe, ukemera guhinduka ku ngeso ukareka ibyaha,ugahinduka ku ngeso za kamere nicyo kizatuma Imana ikwemera naho ibindi byose byaba ari ibihimbano.

Hari abantu binanira gukizwa no guhinduka ku ngeso bagatangira gutura amaturo menshi, akagerageza kwitanga cyane kugirango akunde yemerwe, ujye ubikora ni byiza ariko ntabwo bizatuma Imana ikwemera niba utemeye ngo uhinduke ureke ibyaha byawe, ureke ubusambanyi, kurwana,kwambura ,.. n’utabireka ntabwo Imana izakubabarira ngo nuko utura amaturo menshi, udahindutse kuri kamere yawe ntabwo Imana yakwemera.

Mika yaravuze ngo ‘ Ese niki cyatuma Imana inyemera, natanga umwana w’imfura wo igitambo, nakwitwika kugirango nemerwe, maze iramubwira ngo ‘yewe mwana w’umuntu we ko Imana yakweretse icyiza icyo ari cyo ni uko ukora ibyo gukiranuka no kugendana n’Imana no gukunda kubabarira nicyo gituma Imana ikwemera ibindi byose n’ubwo wabikora ni byiza ariko nibyatuma Imana ikwemera.

Petero aravuga ngo ‘ubu nibwo nkimenya ko Imana itarobanura abantu ku butoni ahubwo ku isi yose ukora ibyo Imana ishaka iramwemera. Iyo umuntu yemeye guhinduka uwo niwe yemera. Iyo umuntu yogejwe n’amaraso ya Yesu Kristo akuzura umwuka wera bituma Imana imwemera.

Yesu mukiganiro yagiranye n’Umusamaliya, yaramubwiye ngo igihe cyiza kandi kirasohoye ngo abasenga basengere Data mu kuri no mu mwuka, kuko Data ashaka abamusenga bameze batyo. Ni amagambo 2 dukwiye kwitondera ( mu gusengera mu mwuka no mu kuri).

Abantu bavuga ko barimo umwuka ni benshi cyane ariko iyo urebye abari mu kuri kw’ijambo ry’Imana ni bacye cyane ariko hari ubwo Yesu azabwira abazavuga ngo ‘twahanuye mu izina ryawe , twakoze ibitangaza ,.. ariko azabasubiza ati ‘ ni ukuri sinigeze kubamenya, n’ubwo mwahanuye mu izina ryanjye , mwahagurukije ibirema, mwashinze amatorero akomeye,.. ariko ntabwo nigeze mbamenya. ‘Ni ijambo ribi rikomeye kuko udashobora kugaruka ngo wihane ngo usabe imbabazi, ujye ugerageza urebe buri munsi ko usengera mu mwuka no mu kuri.

Ugerageze gukora ibiri mu mwuka kandi kuba mu mwuka kwawe ugupimishe ijambo ry’Imana kugira ngo ube uwo Imana ishaka ko uba we , utazatungurwa bakubwiye ko batigeze kukumenya.

Ntashaka abantu bafite amatorero y’ibirangirire , amazina y’ibitabashwa n’ubwo nabyo ari byiza, ashaka abamusengera mu mwuka no mu kuri kuko Yesu ni we nzira n’ukuri n’ubugingo. Iyi nzira yitwa Yesu abenshi bayirimo ariko abayigendamo mu kuri ni bake. Umutego ukomeye ku bantu batayigenzemo mu kuri , bishutse nta bugingo buhoraho bazabona.

Mu gatabo ku mugenzi , hari aho ba mukristo bageze munzira 2 imwe harimo utubuye tubabaza ibirenge hari n’indi imeze neza, bayivamo bicira mu iboroheye. Na Yesu yarabivuze ngo hari inzira ebyiri ziri kumwe: Inzira y’igihogere abantu banyuramo biboroheye , n’indi isaba kwigomwa, guhinduka ku ngeso, kugenda uko Imana ishaka , isaba kwikorera umusaraba ivunanye ariko iyo ntabwo abantu bayikunda. Abantu bakunda inzira itabagoye, ituma bagenda uko babyumva, kandi bakavuga ko bajya mu ijuru.

Icyatumye intumwa zimenyekana ni uko bagiraga amavuta y’Umwuka Wera kandi bakayarinda, ntibayatakaza imbaraga nyinshi z’Imana zari kumwe nabo bakarushaho guhamya kuzuka Yesu Kristo (Ibyakoz 4:33) ubuntu bw’Imana bukarushaho kuba ku bantu benshi., bari bakijijwe, bafite umwuka wera , bakirinda ikintu cyose cyabarangaza ngo kibakure mu mwanya wabo. Ibyo bituma barushaho guhamya Kristo kuko bagumwe mu mwanya wabo.

Umwelayo wanze kureka amavuta yawo yakoreshwaga iby’icyubahiro, kuko wari uzi agaciro k’amavuta ufite.

Ibintu biri kudusaba kureka amavuta ni byinshi cyane , ubuzima bugenda bukomera bugatuma batakaza amavuta, uko bukomera niko batakaza gukomeza kubana n’Imana, amakosa bakora mu buzima, ingorane bahura nazo ariko ubuzima ntibukwiye gutuma batakaza amavuta n’ubwo bwakomera bute, bibiliya iravuga ngo’ igaburira inyoni ikambika uburabyo ifite icyo yakora ku buzima bwawe.Yesu yaravuze ngo ntimukiganyire ibiryo, imyambaro,.. ngo ahubwo mushake ubwami bwayo no gukiranuka ibisigaye byose izabibongerera, ibikwiriye byose izabikora. Nutakaza ubuntu bw’Imana, ugatakaza amavuta y’Imana uzaba uhombye ikintu gikomeye ariko nukomeza kuba aho Imana igushaka nta cyiza Imana izakwima.

Ibintu byadukuraho amavuta ni byinshi cyane: Ubushomeri bwagukuraho amavuta ugahora wiganyira, hari ababanza gutanga ruswa ngo ubone akazi ,ibyo ni icyaha, abana b’abakobwa basambana ngo babone akazi, abacuruza ariko ntibatange ibyo bakwiye gutanga, gutanga ruswa, , kunanirwa gukiranuka kuri kimwe mu icumi n’amaturo,… Ikintu cyose cyatuma umutima ugucira urubanza , ikintu cyose cyakumenera amavuta ujye ucyirinda.ikintu cyose cyatuma utarinda amavuta yawe anezeza Imana n’abantu , atuma Imana ikwishimira ukwiye kucyirinda kuko amavuta ni ikintu gihenze, amavuta ya Elayo aboneka bigoranye niyo mpamvu akwiye kurindwa.

Buriya abakristo buzuye umwuka wera niyo mpamvu batari benshi cyane, kubona uwavutse ubwa kabiri akuzura umwuka si benshi niyo mpamvu niba ushaka guhinduka uwo Imana ishaka ukwiye kurinda amavuta yawe. Hari abandi bagerageza kugera kubyo bashaka habaye kubeshya , kuriganya ariko ntakintu na kimwe gikwiye gutuma utakaza amavuta yawe kuko kubaha Imana aribyo bifite inyungu, nibyo bizatuma ikwemera, ikakubaha.

Abantu benshi batakaje amavuta yabo basigaye babereye aho, n’ubwo ari abakristo, n’ubwo baterana, bitwa amazina meza y’abakristo ariko kuzura umwuka wera no guhinduka baragenda babishyira ku ruhande. Mu rusengero abantu baruzura ariko sibyo bigaragaza ko bakiranuka kuko bibiliya ivugango azababwira ko atigeze abamenya, abahamagawe ni benshi ariko abatoranyijwe ni bake, ukwiye kugenzura ko wahindutse, wuzuye umwuka wera uri nk’uko Imana ishaka, kuko hari umunsi umwe twese tuzanyura imbere y’intebe y’Imana buri muntu asobanure uko yitwaye mu buzima bwo ku isi niyo mpamvu ukwiye kuba umukristo wateye isi umugongo, wera imbuto zikwiriye abakijijwe, naho gutunga izina ryiza mu rusengero ariko utera imbuto, ntabwo bikwiriye umukristo ujya mu ijuru.

Yesu yavuze ngo byakumarira iki gutunga iby’isi byose ariko ukabura ubugingo buhoraho? Ntacyo byakumarira kuguha iby’isi byose ariko ukazajya muri Ghenomu, niyo mpamvu ukwiye kurinda amavuta Imana yaguhaye, ubuzima bwawe bwa buri munsi bukaba burimo amavuta y’Imana: Inyigisho dutanga, indirimbo turirimba, aho dusengera, umuntu yakwinjira akumva ubuntu bw’Imana , umuntu yatureba agasanga dufite imbuto z’umwuka wera.

Abadayimoni ntibazadutinya ko dufite amazina meza murusengero, bazadutinya kuko dufite imbaraga z’Umwuka Wera, ntibazadutinyira ko turirimba neza, bazadutinyira ko dufite umuriro w’ umwuka wera twarahindutse tumeze nk’uko Imana ishaka ko tumera.

[email protected]