Kuki twaturirana ibyaha byacu?

Abantu benshi bakunze kugira urujijo ku bijyanye no kwaturirana ibyaha hagati y’abakristo. Bamwe bavuga ko Imana yonyine ariyo bakwiye kubwira ibyaha kuko ariyo ifite ubushobozi bwo kubabarira. Nyamara kwaturirana ibyaha ni ingenzi kuko bifasha umuntu kurandura icyaha n’imizi yacyo bityo agatunga umutima uzira urwicyekwe.

N’ubwo twizera Imana kandi tukayikunda, ducumura kenshi kuko turi mu isi yuzuye ibyaha. Tukiri muri uyu mubiri,tuzakomeza kurwana n’icyaha. Rimwe na rimwe duhemukira abavandimwe bacu. Mu rwandiko rwanditswe na Yakobo 5:16 hatubwira ko tugomba kwaturirana ibyaha byacu kandi tugasabirana kugirango dukizwe. Gusenga k’umukiranutsi kugira umumaro mwinshi,iyo asenganye umwete.

Bibiliya ishimangira ko kwaturirana ibyaha ari ingenzi. Yakobo yagiriye inama abizera bari ku rugamba rw’icyaha ko ibyiza ari ugushaka umuntu wumva ufitiye icyizere kandi ukijijwe (ukuze mu by’ijambo ry’Imana) hanyuma ukamwaturira ibyaha wakoze nawe akakubera umuhuza wawe n’Imana, akagusengera akagusabira Imana imbabazi, hanyuma ugataha umutima wawe ubohotse. Dukwiriye kandi kwaturira ibyaha byacu ku Bantu twahemukiye kugirango tubone imbabazi ndetse twubakike.

Kwaturirana ibyaha hagati y’umuntu na mugenzi we muri Kristo Yesu bishobora gusenya imbaraga z’icyaha cyakorewe mu rwihisho. Guhisha icyaha nta nyungu bigira ahubwo bitera ingaruka mbi. Umwami Dawidi yigeze gukora icyaha ubwo yicishaga Uliya kugirango yigarurire umugore we, iki cyaha cyamubujije amahoro kuko yabanje kugihisha, ariko nyuma aza gufata umwanzuro aracyatura nuko Imana iramubabarira (Zaburi 32: 3-5) kwatura icyaha cyakorewe mu ibanga bisaba ubushishozi ni ukureba umuntu w’inyangaugayo mu gakiza ukabimubwira akagufasha si ugupfa kubisakuza uko wiboneye.

Ku rundi ruhande ni byiza kwaturira Imana ibyaha byacu bituma tunoza umubano wacu nayo (1Yohana 1:9) kimwe n’uko iyo dushaka kwiyunga n’Imana bidusaba kubanza kwiyunga n’abantu twahemukiye kuk nibwo Imana itubonamo ubunyangamugayo.“nuko nujyana ituro ryawe ku gicaniro ukahibukira mwene so ko afite icyo mupfa usige ituro ryawe imbere y’igicaniro ubanze ugende wikiranure na mwene so, uhereko ugaruke uture ituro ryawe (Matayo 23-24)

Yakobo kandi atwibutsa ko niba twahemukiye itorero, tugomba kwatura mu ruhame. Kwaturira mu ruhame tubisanga mu gitabo cy’Ibyakozwe n’Intumwa 19:18 “nuko benshi mu bizeye baraza batura ibyaha byabo, bavuga n’ibyo bakoze byose”
Kwaturirana ibyaha ni ingenzi kuko bidufasha kubungabunga umubano wacu n’Imana. “Mugirirane neza, mugirirane imbabazi, mubabarirane ibyaha nk’uko Imana yabababariye muri Kristo” (Abefeso 4:32).

Source : www got questions.org