Kuki Imana ishaka ko abakristo bahunga umujinya uzatera?

Abantu benshi bigishako itorero rikwiye kwitegura ibyago bizatera. Babwira abantu kwitunganya no kwiyeza kugirango batazahura n’ umujinya w’Imana ugiye gutera vuba aha, kuko abazaba biteguye aribo bazajyana na Yesu ubwo azaba aje kujyana itorero.

Bibiliya ivugako abakristo bagomba guhora biteguye kugirango bazabashe kujyana n’umwana w’Imana no kurokoka umujinya uzatera.
“Nuko rero mujye muba maso, musenge iminsi yose kugirango mubone kurokoka ibyo byose byenda kubaho, no guhagarara imbere y’umwana w’umuntu.(Luka 21:36)
“No gutegereza umwana wayo uzava mu ijuru, uwo yazuye mu bapfuye ari we Yesu,uwo uzadukiza umujinya uzatera.(1Abatesalonike1:10).
“Kuko witondeye ijambo ryo kwihangana kwanjye, nanjye nzakurinda igihe cyo kugerageza kigiye kuza mu bihugu byose kugerageza abari mu isi.(Ibyahishuwe3:10).

Ibi birerekanako Imana izakiza abazaba baritunganyije , kandi n’itorero ryiyejeje rizarokoka umujinya uzatera.Bibiliya igaragaza ko byose bizagaragarira mu bimenyetso:

Nowa n’umuryango we barokotse mbere y’umwuzure wari kurimbura abanze kumvira Imana. Kubw’izo mpamvu, Imana yategetse Nowa n’umuryango we kwinjira mu nkuge iminsi irindwi mbere y’uko umwuzure uza.(Itangiriro 7:1-10). Loti n’umuryango we barokotse Sodomu mbere y’uko umujyi usenywa. Muri rusange,Yesu yavuzeko iminsi ya nyuma izaba imeze nk’igihe cyo kwa Nowa na Loti.

Kuki Imana ishaka ko abakristo bahunga umujinya uzatera?

Imana ishakako abayizera by’ukuri bagerageza gukora ibikwiye bakamenya aho ibihe bigeze kugira ngo umunsi w’Uwiteka utazabatungura.

Yosefu ni urugero rw’itorero: yavanywe ku butaka yavukiyeho arangiriza ubuzima bwe muri Egiputa aho yari umutware. Niko n’itorero rizava mu isi rijye mu bwami bwo mu ijuru.(Ibyahishuwe3:21, 4:4).

ubukwe bw’Abayuda mu gihe cya Yesu bwagereranyijwe nibizaba:Umukwe wakoye umugeni akaba yaragiye kumutegurira aho azaba mu nzu ya Se akazagaruka kumujyana.
“Ntihakagire umuntu uboshya uburyo bwose, kuko uwo munsi utazaza kurya kwimura Imana kutabanje kubaho, kandi urya munyabugome atarahishurwa ari we mwana wo kurimbuka.(2Abatesalonike 2:3) “Kandi na none muzi yuko ikimubuza ari ukugirango azahishurwe mu gihe cye, kuko amayoberane y’ubugome n’ubu atangiye gukora, ariko ntazahishurwa keretse uyabuza ubu akuweho.( 2Abatesalonikeb2:6-7)

Igitabo cy’Ibyahishuwe cyerekana ibintu bizaba mugihe cy’isukwa ry’umujinya w’Imana . Igihe abamalayika bazoherezwa gukoranya abatorewe kujyana n’umukwe agarutse, bamwe bazatungurwa n’uyu munsi, basabwe n’umubabaro n’umuborogo.Ariko abakiranutsi bazaba nk’abamarayika, baguruke mu kirere. Bibiliya ivugako nta muntu w’umugome uzishima muri iyi minsi kuko abagomeye Imana bose bazabona ibihembo bibakwiriye. (Matayo 13:39-41,49)

Mu butumwa bwiza bwa Matayo 25:13 havuga ko Yesu azaza mugihe kitazwi. Ibyahishuwe 12:6 hagaragazako hazabaho gutegereza iminsi igihumbi magana abiri na mirongo itandatu(1260) Yesu akabona kuza.Iyo minsi izatangira igihe wa munyabugome azatangira kujya mu rusengero akiyita Imana.( Matayo. 24:15-21, 2 Abatesalonike2:4)

Bibiliya ivugako uwo munyabugome azayobora amezi 42 ari yo minsi 1260.(Ibyahishuwe13:4) Akazamarwaho ubwo Yesu azaba agarutse(Ibyahishuwe 19:20, 2Abatesalonike2:8). Urundi rugero rugaragara mu 1 Abatesalonike4:13-17, havuga ugutsindwa k’umugome uzajunywa hanze.(Matayo13:30, 49) . Kandi ibyishimo bizaba kuri bariya bari muri Yesu Kristo.(1Abatesalonike4:13-18) haduha ishusho y’ukugaruka kwa Yesu aho abantu ibihumbi b’abakristo bazazuka bagahindurwa.

Yesu yavuzeko agiye gutegurira itorero umwanya mu bwami bwo mu ijuru,akazagaruka kurijyana. (Yohana14:2-3). Ibyahishuwe 12 hagaragaza umugore ushushanya Isirayeli ,umwana mu byahishuwe 12:5 ashushanya itorero kandi uyu mwana akavugwa ko azajyanywa mu ijuru.

Ntakintu Imana yavuze kitazasohora ,ibyavuzwe byose byarasohoye n’ibindi biri bugufi.Abakristo bakwiye gufunguka amaso bakamenya iby’igihe barimo kandi bakarushaho kwamamaza ubutumwa bwiza ku isi hose.

Imana ibahe ubwenge bwo gusobanukirwa n’ibihe turimo!

[email protected]