Kuki Abisirayeli bahawe igihano cyo kuzerera mu butayu imyaka 40 ?

Ntabwo Imana ijya ihinduka mu mikorere yayo, kandi gukorana bya bugufi n’ikiremwamuntu ni umugambi wayo kuva mu iremwa ry’isi. Gusa Imana yaduhaye ubwenge kugirango tujye duhitamo icyiza gikwiye kugirango turusheho kubaho imibereho no kugira imyitwarire tugizemo uruhare kuko turi abantu dutandukanye n’inyamaswa kandi turemye mu ishusho y’Imana nicyo gituma Imana ubwayo iha agaciro amahitamo y’ikiremwamuntu. Kubagiye babana n’Imana yabahaye amasezerano irasohoza ariko kubateshutse Imana yarabataye ariko iyo bayigarukiraga yarabemeraga na nubu niko bimeze mur’ iyi minsi.

Kuzenguruka mu butayu ni igihano Uwiteka yahaye abisirayeli kubwo kwitotomba no kutizera Imana byari buzuye mu mitima yabo. Hafi imyaka ibihumbi bitatu Magana tanu irashije , Uwiteka akuye abantu be mu bucakara barimo mu gihugu cya Egiputa(Kuva1-12).

Abisirayeli bagombaga guhabwa gakondo Imana yari yarasezeranyije basekuruza babo. Igihugu cyatembaga amata n’ubuki(Kuva 3:8 ). Imana ibabwirako bazajya mu gihugu cy’isezerano kubera ubwoko bwariho icyo gihe ntibiyumvishaga ukuntu abo benegihugu bazabivamo kandi bwari ubwoko bukomeye, nubwo Imana yariyarababwiye ko bazirukana bene ibyo bihugu bendaga kujyamo, ntabwo bizeye ijambo ry’Imana, byatumye uburakari bw’Imana bubazaho bamara imyaka mirongo ine mu butayu kugeza igihe abariho icyo gihe bapfuye bagashira batageze mu gihugu cyasezeranyijwe.

Habayeho imyaka irindwi ku bwoko bw’Imana bituma bajya muri Egiputa. Bakihagera basanze Yosefu ari umuyobozi ukomeye, yari uwa kabiri uvuye kuri Farawo. “ Hanyuma haje kwima undi mwami utazi Yosefu (Kuva 1:8), mu binyejana byakurikiyeho , Abisirayeli bakoreshejwe uburetwa bw’agahato, hanyuma Uwiteka yaje kumva iminiho yabo (Kuva 2:23-25). Byatumye Imana yohereze Amosi na Aroni kurokora abisirayeli nyuma yo guteza Abanyegiputa ibyago icumi(10), ubwa nyuma Abana b’imfura bamaze gupfa nibyo byatumye Farawo arekura ubwoko bw’Imana.
Bamaze gushyika I Kadeshi y’Ibaruneya, niho hari urugabano rw’igihugu cya Kanani, Amosi yohereje abatasi cumi na babiri gutata ibihugu bendaga kujyamo(Kubara 13:18-25), Bagarutse nyuma y’iminsi mirongo ine .Abatasi icumi bazanye inkuru mbi “Ntitwabasha kuzamuka turwanye abo bantu kuko baturusha amaboko…abantu twahabonye bari barebare…twibonaga tubamezeho nk’inzige” (Kubara 13:31-33). Uretse Yosuwa na Kalebu gusa bashikamye (Kubara14:6-7) ariko abantu bizera inkuru yabo bagabo icumi , abantu barigunga , bariheba “ batera hejuru baraboroga” bitotombera Amosi na Aroni baravugango “ Iyaba twaraguye mu gihugu cya Egiputa ! cyangwa iyaba twaraguye muri ubu butayu ! Uwiteka atujyanira iki muri icyo gihugu kugirango twicwe n’inkota”(Kubara 14:1-2).

Uwiteka abwira Mose ati “ Ubu bwoko buzageza he kunsuzugura ? Buzageza he kutanyizezwa n’ibimenyetso byose nakoreye hagati muri bo? (Kubara14:11). Mose yavugiye abantu bituma uburakari bw’Imana butuza (Kubara14:13-20), nubwo Imana yabababariye ariko yababwiyeko batazinjira mu gihugu yasezeranyije basekuruza(Kubara 14:23). “Nk’uko iminsi ingana mwatatiyemo icyo gihugu uko ari mirongo ine, umunsi uzahwana n’umwaka. Ni yo muzamara muriho igihano cyo gukiranirwa kwanyu kwinshi uko imyaka ari mirongo ine, kandi muzamenya ko nabahindutse(Kubara14:34). Uwiteka yabwiye iteraniro ry’abisirayeli ko abamwitotombeye bose bafite imyaka makumyabiri n’itanu nabayisagije bose bazagwa mu butayu (Kubara 14:28-29). Kandi abo bagabo icumi babaze inkuru z’incamugogo bahise bicirwa na mugiga imbere y’Uwiteka (Kubara14:37)

Imana yabasezeranyije intsinzi mu gihugu bendaga kujyamo kandi uruhare rwari urwabo, icyo basabwaga gukora cyari kwizera no kumvira Imana gusa, ariko byarabananiye.
Imana ntishobora kutwerekeza aho tutagira aho duhurira n’imbabazi zayo cyangwa uburinzi bwayo ku buzima bwacu. Cyane ko Abisirayeli bari baramaze kubona ukuboko gukomeye k’ Uwiteka mu mirimo yayo mu gihe cy’ibyorezo no mu rugendo bava muri Egiputa. Kimwe na bandi bose , bari bayobowe n’Imana ariko batayizera “ Nta byiringiro ufite nta kintu na kimwe wakora gishobora kunezeza Imana” ( “Ariko utizera ntibishoboka ko ayinezeza, kuko uwegera Imanaakwiriye kwizera yuko iriho, ikagororera abayishaka” Abaheburayo 11:6 )

Kuri bamwe bananiwe kwizera Imana bituma badashyika mu gihugu cy’amata n’ubuki icyo Uwiteka yari yarabasezeranyije. Uku ni ukuri ntabwo guhinduka. Ibyo Imana yakoze ni byinshi bishobora kubera abandi urugero rwiza rw’uko Imana izakora n’ibisigaye.

Uwiteka abashoboze kurushaho ku mwiringira.
Source : https://www.gotquestions.org
Ismael [email protected]