Kubizera Yesu yadukijije urupfu rw’iteka

Umuntu yaremwe mu ishusho y’Imana.Muri kamere ye umuntu yari ikiremwa kiboneye rwose mu maso yayo .Ariko kubw’amahirwe make icyaha cyangije imibanire ye n’Imana maze kwijandika mu cyaha bituma basuzugura amategeko yayo ndetse abantu ibihumbi batazi Yesu batangira kugenda uko babyumva nta tegeko bakurikiza.{{}}

Imana yahaye umutimanama umuntu igihe imurema.Igihe umuntu anyuranyije n’umutimanama we ntakindi bibyara kitari ukwica amategeko y’Imana no kwigomeka ku mategeko y’abantu, ariko gukurikiza amategeko y’Imana no kugira icyizere muri Yesu Kristo nibyo bitanga buzima buhoraho.

Mu rwandiko Pawulo intumwa yandikiye Abaroma2:14-15 hagira hati “Abapagani badafite amategeko y’Imana,iyo bakoze iby’amategeko ku bwabo baba bihindukiye amategeko n’ubwo batayafite,bakagaragaza ko umurimo utegetswe n’amategeko wanditswe mu mitima yabo,ugahamywa n’imitima ihana ibabwiriza,igafatanya n’ibitekerezo byabo kubarega cyangwa se kubaregura”.

Bityo rero yaba abakiranuka n’abadakiranuka bose bafite umutimanama kandi bose amategeko y’Imana arabareba.waba wemera Imana cyangwa utayemera hazabaho urubanza ku bantu bishe amategeko yayo kandi umuntu yatangiye kwinjira mu rubanza igihe aje kuri iyi si.

Ariko nkuko Imana yiyiziye ubwayo ibinyujije mu mwana wayo Yesu Kristo yashakaga ko umuntu areka icyaha ndetse akabaho ubuzima bw’umudendezo .
Abaroma 3:23 hagira hati “kuko bose bakoze ibyaha,ntibashyikira ubwiza bw’Imana”.ariko Imana ni inyakuri kandi ikagira urukundo ,yakoze igikwiye ituma hatazabaho guhanwa kubera ibyaha byacu itanga Yesu bityo yinjira ahera rimwe kubera amaraso ye yaturonkeye ubuzima bw’iteka.

Ntibikwiye rero ko umuntu abaho adafite Yesu .umucunguzi wacu niwe wabayeho mu buzima budahemuka,anaducungurisha umubiri we.Nkatwe abanyabyaha,buri umwe muri twe akeneye amaraso ya Yesu kugira ngo tube abera rwose. Ni we nzira yonyine izatwinjiza mu muryango w’abana b’Imana no mu bwami bwayo .
Mu gihe umuntu atari muri Yesu,ntashobora na rimwe kugaragara nk’umunyakuri imbere y’Imana.Intumwa Pawulo yandikiye Abaroma 3:28 hagira hati “kuko duhamije yuko umuntu atsindishirizwa no kwizera,atari imirimo itegetswe n’amategeko”.
Ibikorwa byiza ntibifite ububasha bwo gukiza n’icyaha na kimwe uretse gusa amaraso ya Kristo ,ni we ufite izo mbaraga kandi umusaraba we waduhaye urufatiro rwo kubaho ubuzima bwa gikristu.
Abaroma3:11 hagira hati “kuko nta rundi rufatiro umuntu abasha gushyiraho keretse urwashyizweho,ari rwo Yesu Kristo.” Tugomba gukurikira Yesu kuko ari we nzira ifunganye ijyana mu ijuru.

Gukurikira Yesu bisaba kwihanganira imibabaro ukemera kuba watukwa kubwe, wapfa kubwe kuko n’intumwa ubwazo zabanye nawe zihanganiye kwenywera ku gikombe nkicye. Kunyura mu nzira nkiyo Yesu yanyuzemo bisaba guhara byose kuko Bibiliya ivugako ifunganye ntawayinyuranamo ikindi kintu kidafite aho gihuriye n’urugendo rujya mu ijuru, (Matayo 7:13-14)

Kwizera Yesu ni inzira igeza mu ijuru kandi muri we ni ho gukiranuka kose kubonerwa kandi hahirwa abamutegereza batarambirwa kuko aribo bazakira urupfu rwa kabiri. Umushaka wese yiboneze nk’uko uwo aboneye.{{}}

Source:www.christianpost.com

Sophie [email protected]org