Kubaha Uwiteka ni ishingiro ry’ubwenge

Imigani 9:10 haravuga ngo, “Kubaha Uwiteka ni ishingiro ry’ubwenge kandi kumenya Uwera ni ubuhanga.” Mbere na mbere, uyu murongo uratwigisha ko kubaha Uwiteka aribyo shingiro ry’ubwenge nyakuri, naho ubundi bumenyi n’ubuhanga bwigwa ntacyo bwaba bumaze butubakiye ku bwenge bw’Imana. Biblia igira imirongo myinshi ivuga ku kubaha Uwiteka, urugero (Zab 111:10; Imig 1:7; 14:27; 15:33) kandi yose igaragaza ko ubwenge buzanwa no kumwubaha. Mbere y’uko dusobanukirwa n’uburyo kubaha Uwiteka bituma umuntu agira ubwenge, ni byiza ko tubanza kumenya icyo Biblia yita “kubaha Uwiteka”.

Muri Bibiliya, iri jambo “kubaha”, mu zindi ndimi bivuga “gutinya” rishobora kugira ubusobanuro butandukanye. Rishobora kuvuga ubwoba umuntu ashobora kugira imbere y’ikibazo runaka cyangwa igikomeye kindi (Guteg2:25). Rishobora na none kuvuga icyubahiro(respect) cyo mu buryo umukozi atinyamo shebuja akamukorera muby’ukuri atamuryarya (Yos 24:14). Kubaha kandi byavuga icyubahiro kigaragajwe no gutinya umuntu agira iyo ageze imbere y’umuntu ukomeye cyangwa ahantu hakomeye, hera cyangwa hatagatifu (Yes 6:5). Bityo ijambo “kubaha Uwiteka” rikubiyemo ibi byose tumaze kuvuga.

Kubaha Uwiteka, muri make, bisobanuye ko “ duhora tuzirikana ko Imana data irimo kutureba kandi ko inagenzura buri kintu dutekereza, tuvuga, ndetse n’icyo dukora cyose” (Mat12:36; Zab 139:2; Yerem 12:3). Nkuko Yesu yabwiye buri torero ryo muri arindwi mu gitabo cy’Ibyahishuwe 1—2, ati “Nzi imirimo yawe.” Nta kintu na kimwe kikinga ijisho ry’Imana.

Kugira ngo tubashe kubaho ubuzima bwo kubaha Imana, tugomba kumenya Uwiteka uwo ari we. Tugomba kumenya tuyobowe n’umwuka, imbaraga z’Imana, Ubushobozi, ndetse n’ubwiza bw’Imana ishobora byose, (Ibyah11:17; Hos12:5-6; Yes 6:1–5). Abubaha Uwiteka baramuzi, baramutinya, kandi bashaka igihe cyose kumwumvira.

Imigani 1:7 havuga ngo, “Kubaha Uwiteka ni ishingiro ryo kumenya, ariko umupfu asuzugura ubwenge n’ibibwirizwa.” Uyu murongo urushijeho kudusobanurira cyane bagaragaza itandukaniro riri hagati y’ubuzima bw’umunyabwenge n’ubw’umupfapfa. Umunyabwenge arangwa no gutinya Imana /kuyubaha/no kuyumvira; naho umupfu ahinyura inyigisho z’Imana, ni ikigenge ntabwirwa icyo gukora ngo yumve. Umunyabwenge ni umunyabwenge kuko yatangiriye ahakwiriye gutangirira; naho umupfu nta rufatiro rw’ubwenge yigeze yubakiraho ubwe.

Abaroma1:21–22 havuga abantu “batubahirije Imana habe no kuyishima, ahubwo bahinduka abibwira ibitagira umumaro, maze imitima yabo y’ibirimarima icura umwijima, bayise abanyabwenge bahinduka bapfu.” Uru ni urugero rw’abantu bagerageje gushaka ubwenge ariko birengagiza Imana—Ntibishoboka ku mpamvu y’uko Uwiteka ariwe utanga ubwenge.

Ntabwo dushobora gutunga ubwenge mu gihe tukiremera izindi mana cyangwa Imana tukayishushanya bigendanye no kwifuza. Abantu benshi bafata Imana mu ruhande rumwe ko rwo kugira neza ariko bakirengagiza ko inubahwa, igatinywa kuko iteye ubwoba. Ariko nituyifata nk’Imana ibereyeho gutuma tugubwa neza, kuduha umugisha byonyine ikanaduha gusa ibyo twifuza,ntituzayubaha mu buryo buyikwiriye. Imana irenze uko benshi bayifata, kandi icyubahiro no gutinywa kwayo gutangira iyo twumva ubutware n’imbaraga byayo (Ibyah4:11; Yob 42:1–2) Uwiteka yamenyesheje Yobu ndetse natwe twese imbaraga ze mu gitabo cya Yobu 38—41 igihe yavugaga ku budahangarwa bwayo kubyo ku kintu icyo aricyo cyose.

Niba kamere y’Imana yaraduteye kuyubararira tukayubaha icyubahiro, bityo turi mu nzira nziza yo kuronka ubwenge. Kugira ubwenge bw’ukuri ni ukubona Imana mu buzima bwa buri munsi kandi ko ari yo soko y’ibyo dutunze natwe ubwacu. Ubwenge buhebuje byose, kanditubwirwa kubushakana kuburutisha ibindi byose (Imig3:13; 16:16).

Ntitwabasha kugira ubwenge buva mu ijuru igihe tutaragira ubusabane bwuzuye hagati yacu n’Imana (Yak3:17). Mu gihe tutubashye Uwiteka tunamutinya, dushobora kugira ubwenge bw’isi budutera gufata ibyemezo bikomeye ariko bigana gusa mu isi, nyamara tukaba tubuze ikintu cy’ingenzi cyerekana umuntu w’umunyabwenge (Zab 14:1; Kuv 20:3; 34:14; Yerem 25:6; Mat 22:37). Mu mugani w’umukungu wari ufite imirima irumbuka cyane, uyu mutunzi yari afite ubwenge bugendanye no guhunika ubutunzi bwe ariko Imana iramubwira iti “Wa mupfu we!” Kubera iki? Kubera ko imigambi ye ntiyarimo gutekereza Imana imenya byose kandi ikamenya ejo hacu (Luk12:16–21).

Iyo tutubaha Imana, dufata imyanzu twishingikirije ku buhanga bwacu gusa bwuzuyemo kwibeshya n’amakosa atandukanye (Imig 3:5–6). Ariko iyo twubashye Imana tukayinjiza mu mibereho yacu, bituma dufata ibyemezo bihura n’uko ishaka. Bityo tukabaho dutunze ubwenge bw’Uwiteka umuremyi wacu, we ubona, umenya kandi akagenzura imigendere yacu ya buri munsi bityo bigatuma dukora ibyo ishaka (Zab 139:1–4).

Iyo dutinye gukomera kw’Imana bidutera kuyubaha (Zab 29:2). Iyo twishimiye imbabazi ze no kugira neza kw’Uwiteka bidutera kumukorera (Zab2:11; 107:15). Kandi kumenya ko ari Imana y’imbabazi kandi ikaba Imana ifuha bidutera kuyitinya nabyo bigatuma twirinda ibyaha (Abarom1:18; Imig8:13). Icyaha in ubupfu naho gukiranuka ni ubwenge. Iyo tubahayeho mu gukiranuka, tuba turi mu nzira y’ubwenge, kandi buri wese bikatuzanira inyungu (Imig13:20; 19:8).

Yobu 28:28 ati “Kubaha Uwiteka nibwo bwenge kandi kuva mu byaha niko kujijuka”. Bityo bene data mureke twubahe Uwiteka, tujye kure y’ibyaha n’ibibi byose maze turonke ubwenge bwose bwo mu ijuru. Tubushake kandi tuburutishe byose kuko buhebuje byo

By BYIRINGIRO Jean Dominique