Kubabarira, urufunguzo rw’umugisha w’Imana.

Ukurikije imiterere n’imibanire y’abantu, kubababarira uwaguhemukiye ukaba wamugirira neza ukirengagiza inabi yakugiriye, ntibyoroshye bisaba kuyoborwa n’Imana. Ariko iyo uteye intambwe ukababarira uba ugomoroye imigisha y’Uwiteka ku buzima bwawe.

Bibiliya itwigisha kubabarira,nk’uko tubisoma mu butumwa bwiza bwanditswe na Matayo 6:15 “Ariko nimutababarira abantu, na so nawe ntazabababarira ibyaha byanyu”

Ibyo dukenera byose Imana ihora yiteguye kubiduha,iyo tugendeye mu nzira zayo kandi tugakurikiza amategeko y’Imana. Muri ayo mategeko y’Imana harimo ko tugomba kubabarira.

Keith Butler aradusangiza ubuhamya bwe n’uburyo yababariye uwamugiriye nabi hanyuma we akamugirira neza, byamuviriyemo umugisha ukomeye cyane.
“Mu myaka myinshi ishize, ubwo nakoraga muri Minisiteri umuntu yarampemukiye bikabije ndetse antera igikomere. Nyuma nashatse kwihorera ariko Imana irambuza, ahubwo integeka kumugirira neza. Nubashye Imana n’ubwo byari bikomeye.

Namusinyiye sheke (cheque) y’amafaranga ashimishije.Byari bikomeye kubyiyumvisha ariko kubabarira byanzaniye umugisha udasanzwe uvuye ku Mana.
Muri icyo gihe, itorero ryacu ryateye imbere vuba vuba ku buryo twari dukeneye kubaka urundi . Twakoze imbanziriza mushinga dusanga habura amadorali 30.000 kugirango twubake urusengero rumeze neza. Twari twarahawe itariki ntarengwa yo kugira ngo tube twamaze kwishyura amafaranga yose yaburaga, bitaba ibyo twari guhomba ntitubone uko twubaka urusengero.

Mu masaha macye mbere y’uko nagombaga kujyana amafaranga yose twasabwaga kuri banki, nakiriye telephone y’umugabo wigeze kudusura ku rusengero rwacu. Yambwiye ko Imana yamusabye ko yafasha itorero ryacu. ambaza n’umubare w’amafaranga dukeneye. Nahise musubiza nihuse. Yahise asinya cheque y’amafaranga yose akenewe nuko mpita njya kuri banque.

Nyuma y’igihe gito, Uwiteka yambwiye ko iyo ntaza kubabarira kandi ngo mfashe wa muntu wampemukiye, sinari kwakira igitangaza gikoeye gutyo. Mu by’ukuri kubabarira bifungura inzira z’umugisha uvuye ku Mana”
Mukingure urugi rw’umugisha w’Imana mu buzima bwanyu mubabarira ababakomerekeje. Niba Imana ikubwiye kugenda ugakorera umuntu igikorwa runaka, ubaha kandi ubikore ubikunze maze wirebere imigisha Imana izasuka ku bugingo bwawe.

Source: topchretien.com