Inzira yose yananiye mugenzi wawe mbere yo kuyikandagizamo ikirenge cyawe icare ubanze wige icyamunaniye? / Dr Apotre Gitwaza Paul


Iyi nyigisho Dr Apotre Gitwaza , yayitanze avuga ku nkuru y’abasikare bagiye gufata Eliya abatwikisha umuriro kubera kutamenya uwo bagiye kurwana nawe, byatumye basiga impfubyi n’abapfakazi. Dr Apotre Gitwaza agenda atanga ingero nyinshi zo mu buzima busanzwe , anasangiza abantu ubunarirobonye afite mu buzima mu buryo abantu babana n’abandi neza kandi mu mahoro bicisha bugufi badaseka ahubwo bubahana nk’abana b’Imana.

Iyi nkuru y’abatware umwami Ahaziya yatumye kuri Eliya, akabatwikisha umuriro hamwe n’ingabo zabo kubera kudaca bugufi n’ubwishongozi imbere y’umuhanuzi Eliya, iboneka mu gitabo 2Abami 1:10 “Eliya asubiza umutware w’ingabo mirongo itanu ati “Niba ndi umuntu w’Imana, umuriro nuve mu ijuru ugutwikane n’ingabo zawe uko ari mirongo itanu.” Ako kanya umuriro uva mu ijuru umutwikana n’ingabo ze mirongo itanu”

2Abami 1:13-14 “Umwami arongera atuma undi mutware utwara ingabo mirongo itanu ari kumwe n’ingabo ze. Uwo mutware wa gatatu araza apfukama imbere ya Eliya aramwinginga ati “Yewe muntu w’Imana, ndakwinginze, amagara yanjye n’ay’abagaragu bawe uko ari mirongo itanu akubere ay’igiciro cyinshi. Ubwa mbere umuriro wavuye mu ijuru utwikana abatware bombi n’ingabo zabo uko ari mirongo itanu, ariko noneho amagara yanjye akubere ay’igiciro cyinshi"

Avuga ku bagabo bagiye gufata Eliya, umwami abatumye yavu ze ati “ Kubera kugendera ku muhanda wo kutamenya, ntibari bazi uwo bagiye kurwana nawe uwo ariwe, bari bazi ngo ni akagabo kibereye aho, ntibari baziko bari kumwe n’umuntu urikumwe n’Imana. Ikindi ntibari barasomye amateka, ntibamenye ko uyu yigeze yica abahanuzi magana ane na mirongo itanu(450), ntibamenyeko yamanuye umuriro ukaza, ntibamenyeko ariwe watumye igihugu kigira imyaka itatu n’igice imvura itagwa, yagendeye ku mateka arimo ubujiji. Nujya gukora ibintu ntuzahimbe ibyawe hari abandi babikoze, genda wigire kukunanirwa kwabo kugrango uzatera imbere, muri iyi myaka ntawugihimba ugendera ku by’abandi bakoze ”

Dr Apotre Gitwaza yakomeje avugako hari umuntu ushaka kwerekana ko afite imbaraga agahimba ibye , kugirango yerekana ubwenge no gukomera uhubwo ugasanga akoze ibintu bitarimo ubwenge, ukoze ibyo aba agiye kwicisha abantu . Ikosa umuntu akoze byibura hari abantu ijana inyuma yawe bagiye kugwa, iyo witwaye nabi mu bintu , hari abantu bari bagufitiye ikizere bose bagwa hasi. Mu buryo bwose turi ingingo, turasa n’imashini isohora ikintu kimwe kikavaho hakaza ikindi, iyo kimwe gihagaze ibindi biraza bikurirana niko muri ubu buzima tumeze, iyo umuntu atari gukora icyo Imana yaguhamagariye gukora, ateza ambutiyaje mu muhanda hakaba agisida(accident) mu muhanda wejo hazaza. Yakomeje gusaba abantu kudakemurana ibibazo ubuswa.

Yavuze ijambo riboneka muri Hoseya 4:6 “Ubwoko bwanjye burimbuwe buzize kutagira ubwenge. Ubwo uretse ubwenge, nanjye nzakureka we kumbera umutambyi. Ubwo wibagiwe amategeko y’Imana yawe, nanjye nzibagirwa abana bawe.” Icyo utazi kira kwica kandi ubujiji burica, hari abishwe n’ubujiji benshi . Umuntu agakandagira igisasu (mine) ataziko ihari, ugakandagira mu cyobo gisasheho ubwatsi ukagirango ni ubutaka, hari abishwe n’ibyo.

Umisirikare wagiye gufata Eliya yari injiji, hamwe nuwa mbere , akenshi abantu baje mu kintu bwa mbere baba bafite ubujiji niyo mpamvu bisaba ko mbere yuko utangiza ikintu ugomba gufata umwanya uhagije wo kukiga no kukimenya. Abazungu bashaka gukoreneza afurika babanje kohereza abantu babanza kuhareba , baraza , babaha amafaranga , umwami wa porotigare yahaye amafaranga Christophe clomb kugirango azajye kumurebera Amerika , aba rero batanze amafaranga kugirango babazanire raporo, babereke uko ibintu bimeze. Byari byorohereye abazungu kwicara berlin bagatemagura Afurika bakavuga ngo uru rubaye u Rwanda , iyi ibaye congo , bigabanya i berlin bagabana Afurika kuko bari babifite ku mpapuro .

Muri make rero ntabwo uriya mutware wa kabiri yagombaga kwitwara nk’uwa mbere, niba Eliya yahamagaye umuriro ukamanuka. Hari ikintu yagombaga gukora yagomba kumenya icyatumye abandi bapfa, yarangiza akamenya ese Eliya ninde ? agasoma mu bitabo by’abami , akamenya ibyo Eliya yakoze ku ngoma ya Ahabu hanyuma akajya gufata umuntu yamaze kumenyera amakuru , uyu mugabo ahageze arapfa we n’abantu barikumwe azize gusuzugura umugabo utagira Titire(Eliya), uyu mugabo ni mu mufate, nta n’imyambaro agira, niba bariya ba mbere bapfuye ni ubungare bwabo. Apotre Gitwaza yavuze ati “ Siko bimera ibyananiye mugenzi wawe , jya wicara ubanze ubyitondere, biroroshye kwicara ugatuka umuntu ngo byaramunaniye ariko iyo bagushyize muri iyo ntebe niho usanga hari amagume, biroroshye kwicara kuri televisiyo ukavugango uriya ntabwo yashyizemo igitego neza ariko iyo bagushyize hariya no kwiruka bira kunanira, iyo umuntu atazi icyananiye undi agira ngo iyo nzira we yayicamo, inzira yose yananiye mugenzi wawe mbere yo kuyikandagizamo ikirenge cyawe icare ubanze wige icyamunaniye, , ntugasuzugure umuntu uwo ariwe wese kuberako yakwigisha”

Icyatumwe uriya mugabo atsindwa nuko yasuzuguye imbaraga ziri muri Eliya, ikindi ntiyigeze yigira mu kunanirwa kwa Mugenzi we. Bibiliya iravuga , mu 1Abakorinto 10:6 “Ariko ibyo byababereyeho kugira ngo bitubere akabarore, ngo tutifuza ibibi nk’uko bo babyifuje” Impamvu Imana yemeyeko byandikwa mu gitabo , ni ukugirango igihe cyose ujye wiga amateka .

Nugera muri biro nshya ntuzasuzugure abo uyisanzemo banza uce bugufiya ubabwire ngo bene data nje gukorana namwe , apana kuza uvuye i Butare , waje utanabonye menshi , uraje tu bakugize Diregiteri(Director) ahantu , hari abagore bagize imyaka mirongo itatu n’itanu mu kazi , kuva u Rwanda bwabona ubwigenge ntibarakavamo , wahagera ukahasanga abacecuru bahakoropa , nawe ukaza ngo uvuye i Butare , ngo nje guhindura ibintu, ukabaza umwe ngo yize anagahe ! akakubwirako yize ane abanza ati “ mama umwanya wawe turawushyiramo abize muri kaminuza, witegura nko mu by’umweru bitatu tuziga affaire yawe” abantu ukabahahamura muri biro (bureau) icyo gihe abantu bose bagukorera inama bagahamagara umuriro wo mu ijuru , ugatangirana biro n’imbabura, iyo biro ukayigiriramo ibibazo ukibaza niba ari Imana yayigutumyemo cyangwa ari satani.

Inzira yose yananiye mugenzi wawe mbere yo kuyikandagizamo ikirenge cyawe icare ubanze wige icyamunaniye? / Dr Apotre Gitwaza Paul