Inshamake y’igitabo cya1 n’icya 2 cy’Abami

Inyandiko z’Abayuda zemera ko Yeremiya yanditse ibi bitabo, ariko bo bagifataga nk’igitabo kimwe. Abahinduye Isezerano rya Kera mu kigiriki ni bo bagabanyijemo ibitabo bibiri. Abahanga muri Bibiliya basanga ari umwanditsi umwe wabyanditse, yifashishije inyandiko zinyuranye z’amateka.

Havugwa nk’izi nzandiko: ibikorwa bya Salomo, ibyo ku ngoma z’abami b’Isirayeli (inshurolV), n’Abayuda (inshuro 15). Ibyinshi bivuga inkuru z’intambara, ibyabayeho mu butegetsi (Politique) n’imirimo y’inyubako abo bami bakoze. Ibyo bisa n’ibyo dusanga mu bihugu byo muri aka karere nko mu Basiriya. Na none benshi mu bahanga ba Bibiliya bavuga ko ibi bitabo byanditswe ahagana mu kinyejana cya 7 MK. Ibyo babishingira ko muri ibi bitabo havugwamo amavugurura y’umwami Yosiya

Basangaga rero byaranditswe mbere ya 586, umwaka urusengero rw’i Yerusalemu rwasenywaga n’ab’i Babuloni. Inkuru zisoza igitabo cy’Abami cya kabiri basanga ari umugereka wanditswe n’undi muntu. Na none ibitabo by’Abami bifite byinshi bihuriyeho n’ibitabo byombi bya Samweli: umuntu akaba yakwemeza ko bikurikirana inkuru z’ amateka bikanasoza ibivugwa ku bwami bwombi bw’Abisirayeii n’Abayuda bwitandukanyije.

Uko ibitabo by’Abami bigabanyije
1 Abami: Ibice

• 1-11: Kwimikwa n’ingoma bya Salomo.
• 12-16: Kwigabanya k’ubwami n’ingoma ya Ahubu.
• 17-22: Umuhanuzi Eliya.
2 Abami: Ibice
• l-2: 11: Iherezo rya Eliya
• 2: 12-25; 3-13: Elisa
• 14 -17 : Gusubira inyuma no gukurwaho k’ubwami bwo mu majyaruguru (Isirayeli)
• 18-23 : Kuva kuri Hezekiya kugera kuri Yosiya
• 24-25 Iminsi ya nyuma y’ubwami bwa Yuda (Ubuyuda)

Inyigisho y’ingenzi iri mu bitabo by’Abami

Umwanditsi w’ibitabo byombi yashoboye kuvuga inkuru z’ubwami bw’Isirayeli n’ Ubuyuda.Inkuru ye ayihera ku mwami wa mbere w’Isirayeli akageza ku wa nyuma, akurikizaho abami b’ i Buyuda. Kimwe mu biranga buri gitabo ni uko ku iherezo rya buri mwami, umwanditsi agira icyo amuvugaho mu kubaha Imana kwe. Rimwe aramugaya (Abami l5:34), cyangwa akamushima (2Abami 18:4-7), ubundi agasa n’uhigimye ntiyerure ariko bigize icyo birengurizaho (2Abami 12:2-3).

Amwe mu makosa atungwa agatoki ni nko kudasenya ibicaniro byo ku tununga no gusuzuguza amategeko y’imihango. Umwanditsi agenda asubiramo ko abami babi b’Isirayeli "bagendeye mu nzira mbi ya Yerobowamu, mwene Natani, wacumuje ubwoko bw’Abisirayeli", naho "abami beza b’Ubuyuda bagendeye mu nzira za Dawidi" (lAbami 15:11). Ashimangira ubwami bw’uruhererekane bwa Dawidi bwubaha Imana. N’ubwo ibitabo by’Abami bivuga amateka yabayeho, intego yabyo y’ibanze ni iy’iyobokamana.

Ni yo mpamvu umwami Amuri, umwe mu bami bakomeye b’Isirayeli adafata umwanya munini mu gitabo. Intego y’umwanditsi si uguhina amateka y’abami b’Isirayeli. Azi ko hari ibindi bitabo byabivuga kurushaho. We icyo yibandaho ni ibijyana n’uko Imana yubahirizwa. Ibitabo by’Abami bivuga ibyabaye nko mu binyejana bine, mu gihe ibitabo bya Samweli bivuga ibyabayeho mu kinyejana kimwe. Inkuru igenda ivuga iby’ingenzi, abantu b’imena bakibandwaho.

Humvikana intambara hagati y’ikibi n’icyiza, yashojwe n’akaga mu buryo bubiri. Icya mbere, mu majyaruguru i Karumeli, Eliya yahanganye n’abahanuzi ba Baali, ikigirwamana cy’Abanyasidoni; icya kabiri, mu majyepfo mu gihe Yehoyada yakizaga ubuzima bw’Umwami Yowasi akiri Umwana .Yehoyada yashoboye gutsinda Ataliya, umugabekazi washakaga kwinjiza gusenga ikiginvamana cy’Abafenisiyani.

Icyo gihe cyari igihe gikomeye cyane ubwo abantu bari ku mavi basenze cyane ngo kubaha Imana gukomeze. Igitabo cy’Abami gisobanura neza igihe abahanuzi b’Imana bo mu kinyejana cya karindwi nka Yeremiya bahanuyemo. Muri ibyo bihe, ubuhanuzi bwari bwarateye intambwe. Umuhanuzi ntiyari gusa ugenda akora mu izina ry’Uwiteka, ahubwo yari n’uwigisha agatangaza atanyuze kuruhande ugushaka kw’Imana. Ibyanditswe icyo gihe byashimangiraga ubutware bw’Uwiteka bikanaburira abantu (2Abami 22:23).

Muri icyo gihe, abantu nka Amosi, Hoseya na Yeremiya n’ubwo rimwe na rimwe batavugwa mu mazina, bakoze umurimo munini mu kubwiriza gukiranuka n’urukundo rw’Imana , ubushake bwayo mu kuvugurura amasezerano mashya n’ubwoko bwayo, ibyo bitabo by’Abami turushaho kumenya ibihe binyuranye Imana yashatse kwihishura ibinyujije mu bagaragu bakuru bayo.

[email protected]