Inshamake y’igitabo cya mbere n’icya kabiri cy’ibyo ku ngoma

Muri Bibiliya y’igiheburayo ibitabo byo ku Ngoma byari igitabo kimwe. Byose hamwe na Ezira Nehemiya ntibyabarirwaga mu bitabo by’amateka (Cyangwa se Abahanuzi ba mbere). Ibyo bitabo byabarirwaga mu gice cyiswe Inyandiko zera (Kelubemu mu giheburayo na Hagiyogarafe mu kigiriki).

Ni igice cyasozaga Bibiliya yemewe y’Abayuda (Canon Juif). Mu giheburayo, "Ibyo ku Ngoma" byitwa"Amagambo y’iminsi"mu yandi magambo ni "Ikinyamakuru cya buri munsi". Itsinda ry’Abasobanuzi Mirongwirindwi (LXX) bagihimbye "Ibyibagiranye" (Les Omissions) babivuga ko ibyanditswemo biza byuzuza ibitabo bya Samweli n’Abami.
Umuhanga mu iyobokamana witwa Yeronimu niwe wakise «Ibyo ku Ngoma »
(Chroniques).

Umwanya w’ibitabo mu byiswe "Inyandiko zera" werekana agaciro kabyo
mu iyobokamana aho kwibanda ku mateka. Icyo umwanditsi yibandaho si ugukomeza
inkuru zacumbitswe mu bitabo by’Abami, ahubwo kwari ukongera gushimangira mu
bundi buryo inkuru zivugwa mu bitabo by’amateka.

Umwanditsi ntasubiramo byo gusubiramo, Ahubwo arobanura ibyabaye bifite icyo byigisha mu iyobokamana, ariko
cyane cyane ibijyanye n’ubutambyi.

Ibyinshi byibanda ku bwami bw’i Buyuda. Iki gitabo
twakigereranya n’Ubutumwa bwiza uko bwanditswe na Yohana hamwe n’ubundi
Butumwa bwiza butatu : Twakwiyibutsa ko Yohana yibanda cyane ku byabereye i
Yerusalemu.

Ntibyoroshye kwemeza igihe iki gitabo cyandikiwe. Ibyo ari byo byose, cyanditswe mbere yo kujya mu bunyage kw’Abayuda (586MK) na nyuma ko abo mu bwami bw’amajyaruguru banyagwa n’Abasiriya (722 MK).

Uko igitabo cy’ibyo ku Ngoma kigabanije

1 Ngoma Ibice
Incamake y’amasekuruza.
Urupfu rwa Sawuli.
Ingoma ya Dawidi, abantu be b’intwari. Isanduku y’isezerano ishyirwa ahayo.
Imana iha Dawidi amasezerano; Dawidi atsinda intambara. Kubara abantu.
Dawidi ategurira Salomo kwima ingoma. Kubaka urusengero no gukomeza gusenga Uwiteka.

2 Ngoma: Ibice
Isengesho rya Salomo. Kubaka no kumurikira Imana Urusengero.
Umugabekazi w’i Sheba. Urupfu rwa Salomo.
Ubwami bwigabanyamo kabiri.
Ivugururwa rya Hezekiya no gutabarwa uburetwa bw’Abasiriya.
Ubwami bubi bwa Manase.
Kuvugururwa rya Yosiya, Gusomerwa Igitabo cy’Amategeko ya Mose no kuziririza Pasika.
Imyaka y’Imperuka y’Ubwami bw’Ubuyuda.
Inyigisho y’ingenzi iri mu byo ku Ngoma, Ibitabo byo ku Ngoma bigabanijemo ibice bine by’ingenzi.

Aha dufite urukurikirane rw’amasekuruza, uhereye kuri Adamu.Ayo masekuruza agendana n’insobanuro z’amateka. Nyamara uruhererekane rw’urubyaro rwa Dawidi n’umutambyi mukuru biraza bikageza nyuma y’igihe cy’ubunyage, mugihe cya Ezira. Aho imiryango ya Yuda, Lewi na Benyamini yiganjemo abagarutse bava mu bunyage niyo ivugwa.

Guhera ku gice cya 10 (kivuga urupfu rwa Sawuli) icyo gika kivuga inkuru y’ingoma ya Dawidi. Umwanditsi ntakurikiza umurongo ku wundi ibyanditswe muri 2 Samweli: we yibanda ku byabaye byaranze ingoma ya Dawidi cyangwa bihereranye n’imisengere ya rubanda rwa giseseka .Aha niho yerekana urutonde rw’amazina atari azwi.

Ibyo bice bidusobanurira ibyaranze ingoma ya Salomo, ariko bikavuga ku by’urusengero rw’i Yerusalemu ni ibyarukorerwagamo (culte).

Aha dusomamo iby’amateka y’ubwami bw’i Buyuda guhera mu icikamo kabiri ry’ubwami bw’Isirayeli ukageza mu gihe cy’ubunyage. Ibyerekeranye n’ubwami bw’amajyaruguru bivugwa iyo hari icyo birebana n’ubwami bw’amajyepfo bw’I Buyuda. Aha muri ibi bitabo Eliya na Elisa basa n’abatazwi, uretse Elisa ukomozwaho mu gice cya 21: 12 - 15.

Umwanditsi (umutekereza w’ibwami) yibanda ku ngaruka zo guhemukira Uwiteka by’abami b’i Buyuda mu kudasenga Uwiteka uko bikwiriye. No mu gihugu cy’Isirayeli (mu majyaruguru) ingero ntizibuze zo kugandira Uwiteka, ariko umwanditsi yashatse kwerekana ingero za bugufi mu Buyuda .Yego abami bamwe bagize umurava mu kumvira Uwiteka, ndetse babiherewe umugisha.

Abacumuye bo barahanwa bikomeye. Ngiyo intego y’igitabo. Abami babi baranengwa ko baramije ibigirwamana bagasuzugura amategeko y’ Uwiteka, abami beza barashimwa ko bagendeye mu nzira z’Uwiteka bakamugarurira abantu ngo bamusenge (2 Ngoma 14:2-4; 33:3, 4).

Umwanditsi w’igitabo arerekana gukomera kw’Imana (transcendance de Dieu) 1 Ngoma 29: 11-13). N’ubwo Imana ikomeye, ntiyirengagiza isi. Imana yitegereza isi kugira ngo ikomeze abayerekejeho umutima (2 Ngoma 16:9). Iyo icyago cyugarije ubwoko bwe, yaba inkota, yaba inzara, cyangwa kurumbya, nta kindi bakwiriye gukora uretse kwihana bakagaruka mu nzu y’ Uwiteka gusenga bakabona kumvwa no gutabarwa (2 Ngoma 6:24-31; 20:9).

[email protected]