Inshamake y’igitabo cy’Itangiriro

Iki gitabo cyitwa itangiriro kuko kigaragaramo itangiriro ry’ibintu byose birimo kuremwa kw’isi n’ibiyiriho, n’itangiriro ry’umuntu n’uburyo yaguye mu cyaha, kikatwereka n’itangiriro ry’ishyanga rya Isiraheli.

Itangiriro ni igitabo cyanditswe na Mose, kuko tubona uko Imana yari yaramutoranije akiri muto ikamurinda urupfu rwari rugenewe abana b’abahungu b‘abisiraheli mw’Egiputa, Bibiliya rero itwereka uko Imana yamuhamagaye.

Abanditsi batari bamwe bagerageza guhakana ko ibitabo bitanu byitiriwe Mose atari we wabyanditse cyane cyane bavuga igitabo cy’Itangiriro ko yaba yaranditse igice kimwe cyacyo ikindi ko atari we wacyanditse ko cyanditswe n’undi ariko abandi bashakashatsi kuri Bibiliya batugaragariza impamvu idutera kwemera ko Mose ari we wanditse biriya bitabo bitanu:

1)Ubushakashatsi bugaragaza ko Mose yari yarize, afite ubumenyi buhagije yigiye ibwami muri Egiputa bwamuhesheje kwandika biriya bitabo.

2)Yari yarigishijwe neza amateka y’abakurambere be (Aburahamu, Isaka, Yakobo) n’uburyo bubahaga Imana n’uko yavuganaga na bo, ibyo akaba yarabyigishijwe n’abasogokuruza be ba bugufi.

3)Mose yari yarigishijwe n’Imana imaze kumumenyesha umuhamagaro wo kujya gukura bene wabo mu buretwa muri Egiputa (igihe cy’imyaka mirongo ine mu butayu). Benshi bibaza uko Mose yaba yaranditse iby’urupfu rwe mu gitabo cyo Gutegeka kwa kabiri ariko ashobora kubyandika: kuko mbere y’uko apfa Imana yari yaramuhishuriye iby’urupfu rwe ibyo bikamuhesha kubyandika.

4)Ikindi n’uko Yosuwa wamusimbuye ariwe waba yaranditse iby’urupfu rwa Mose n’ibyabaye nyuma y’urupfu rwe.

5)Mose avuga neza iby’igihugu cya Egiputa n’ubutayu bwa Sinayi nk’umuntu wabaye aho hantu hombi

Abashakashatsi bagerageje kureba igihe itabo cy’itangiriro cyanditswe maze basanga cyaranditswe nko mu mwaka w’1410 (MK) kugeza ubu rero twavuga ko kimaze imyaka igera ku bihumbi 3400 .

Uramutse ushaka kwiga neza igitabo cy’Itangiriro wakigabanyamo ibice birindwi ari byo:

1) Kuremwa kw’ibintu byose Itang. Ibice 1-2
2) Uko icyaha cyaje mu isi 3-4
3) Imana ihanisha abanyabyaha umwuzure 5-9
4) Iby’umunara w’i Babeli 10-11
5) Imana ihamagara Aburahamu 12-25
6) Imibereho ya Isaka 25-28
7) Ibya Yakobo n’urubyaro rwe 28-50

Mu nyandiko ikurikira tuzabagezaho igitabo cyo Kuva

[email protected]