Insengero eshanu(5) zabayeho, n’uburyo zagiye zisenyuka(Igice cya III)

Nkuko twari twabibasezeranije, tugiye kubagezaho iby’urusengero rwa kane(4), turakomereza ku byaruranze, umwihariko warwo ndetse tunavuge uko rwasenyutse, hanyuma turasoza tuvuga ku rusengero rwa gatanu(5)

Urusengero rwa kane(4) n’uko rwasenyutse.


Ubwiza bw’iyi nzu bwo hanyuma buzaruta ubwa mbere, ni ko Uwiteka Nyiringabo avuga, kandi aha hantu nzahatangira amahoro.” Ni ko Uwiteka Nyiringabo avuga(Hagayi2.9)

Iri ni ijambo Imana yabwiye umuhanuzi Hagayi ngo abwire Zerubabeli ko urusengero bagiye kubaka ruzarusha ubwiza urwa Salomo kuko ibyaha byarukorewemo byarubujije amahoro bituma rusenyuka;

Urwo rusengero rero rwari i yerusalemu, ninarwo umwami Herode yavuguruye,imyaka mirongo ine n’itandatu (Yohana 2.20); rwari urusengero rw’amateka, runini, ninarwo Yesu yaruhukiyemo, kuko byari byarahanuwe ko Yesu azaza ari Umwami w’amahoro (Yesaya9.5)

Dore bimwe mu biranga amateka yarwo:


⃣Ni muri rwo umutambyi Zakariya yahuriyemo na malayika wamuhaye isezerano ryo kubyara Yohana (Luka 1.13)
⃣Ni ho habaga umusaza witwaga Simiyoni wari warabwiwe ko atazapfa atabonye umucunguzi Yesu (Luka 2.25).
⃣Ni ho habaga umukecuru w’umuhanuzikazi witwaga Hana (Luka 2.36)
Ni ho agakiza kabonerwa muri Kristo Yesu kabonekeye (Luka 4.18)
Ni ho Yesu yakorewe imihango yose ya Kiyuda (Luka 2.22)
Ni ho ubutambyi bwarangiriye, umwenda wari ukingirije ahera cyane h’urwo rusengero utabukamo kabiri (Matayo 27.51)
Ni ho hari intebe ya Mesiya wari utegerejwe (Luka 2.46), ku bw’ibyo, ni ho amasezerano yose Imana yatanze yasohoreye (Yohana19.30)

Dore icyatumye rusenyuka:


Rwari rwarahindutse isoko aho kuba ahantu ho gusengera, bibabaza Imana (Yohana 2.14); Yesu yarahageze amena ifeza z’abaguraga maze biba intandaro yo kumugambanira ngo yicwe;

Hanyuma mu mwaka wa 70 nyuma y’ivuka rya Yesu ni bwo Yerusalemu yatwitswe, n’urwo rusengero rurasenywa ntihasigara ibuye risigara rigeretse ku rindi nk’uko Yesu yari yarabivuze (Mariko 13.2)

Nyuma y’imyaka 952 ni bwo Abisilamu baje bubaka umusigiti muri icyo kibanza, kandi na bugingo n’ubu ni wo uhari.

Ubuhanuzi busigaje gusohora ni uko hazabaho imirwano ikomeye hagati y’Abisirayeli n’Abisilamu, hakongera hakubakwa urusengero kuko ngo n’ibikoresho byarateguwe.

Ibi byose bizaba ari ukugira ngo ubuhanuzi busohore, kuko nta rundi rusengero ruzongera kubaho, nk’uko Yesu yabivuze, ati ’’Igihe kiraje ndetse kirasohoye, ubwo abasenga by’ukuri basengera Data mu Mwuka no mu kuri, kuko Data ashaka ko bene abo ari bo bamusenga’’(Yohana 4:23).

Urusengero rwa gatanu(5)

Mbese ntimuzi yuko imibiri yanyu ari insengero z’Umwuka Wera uri muri mwe, uwo mufite wavuye ku Mana? Kandi ntimuri abanyu ngo mwigenge (1Abakorinto 6.19)

Nkuko twavuze ku nsengero enye(4), ubu tugiye kuvuga ku rusengero rwa nyuma, arirwo rwa gatanu: Umutima w’umuntu; emerera Yesu yinjire kuko ari ku rugi arakomanga (Ibyahishuwe 3.20).

Uru rusengero rugizwe n’ibice bitatu( 3 ).

1.Umubiri(Body):iyo umuntu apfuye urabora, ari na yo mpamvu umubiri udakwiriye kuba intandaro yo kwanduza inzu y’Imana (Luka 12.4).

2.Umwuka (Spirit):tnawo urawugendana, ni yo mpamvu niba ukijijwe, umwuka wawe uzajya muri paradizo, ariko niba uri umunyabyaha uzajya muri Gehinomu.

3.Ubugingo(Soul) : ni imyumvire y’umuntu;iyo apfuye, ubugingo buzima bujya ku Mana, naho ubufite ibyaha buba bwarapfuye, butegereje kuzarimbuka.

Nk’uko rero twabibonye, icyaha ni cyo kintu cyonyine kibasha gusenya urusengero rw’Imana, ari na yo mpamvu ukwiye kurinda umutima wawe kuruta ibindi byose birindwa, kuko arimo iby’ubugingo bikomokaho (Imigani 4.23).

[email protected]