Indangagaciro 7 wakigira kuri Yozefu mu gihe cy’ubuzima bugoye

Waba wari wahura n’ingorane mu buzima bwawe? Wenda ukarengana, ukitabwaho nabi ? Ukajyanwa mu rubanza ubeshyerwa? Amakuba n’ibyago mu buzima ntibibura, ubuzima bugerageza kenshi kugukubita hasi ?Kenshi kunyura mu buzima burimo ibibazo byinshi ntitubiha agaciro kuko biba bibabaza ariko hari amasomo meza benshi batibandaho binyuze mu buzima bukakaye banyuramo.

Dore uko Yozefu yasubije bene se bagiye kumusaba imbabazi z’uko bamuhemukiye yarababwiye ati “Ku bwanyu mwari mushatse kungirira nabi, ariko Imana yo yashakaga kubizanisha ibyiza, kugira ngo isohoze ibi biriho none, ikize abantu benshi urupfu. None mwe gutinya, nzajya mbagaburirana n’abana banyu bato.” Arabahumuriza ababwira neza.”(Itangiriro 50:20-21)

Uburyo witwara mu bigeragezo nibwo bwerekana uwo uriwe, kandi bigaragaza umubano ufitanye n’Imana uko ungana. Ingorane uhura nazo zose zikwiye kuguha amahirwe yo kugaragaza uko uri mu Mana.
Mu Itangiriro ibice 37, hatubwirako Yozefu afite imyaka kumi n’irindwi yari umushumba aragirana na bene Zilupa na Biluha ba muka se, kuko se Yakobo yamukundaga kurusha abandi bana bose, yari yaramudodeshereje ikanzu ndende.

Yozefu yakunze kujya arota inzozi ze akazibwira bene se bituma bamwanga bagerageza kumwica ngo baburizemo inzozi ze, bashaka ku muta mu rwobo ariko umwe muri bene se ba Yozefu aburizamo uwo mugambi ubwo yabumvishagako kumugurisha n’Abanyegiputa aho kumwica.

Uwiteka yari kumwe na Yozefu

Yozefu yatekerezagako ibye birangiye, ariko Uwiteka yabanye mu rugendo yakoze, kuko Yozefu ageze muri Egiputa ku bw’ukuboko kw’Imana yaje guhinduka umugaragu kwa Potifari, arakundwa. Gusa Yozefu yaje kubeshyerwa n’umugore wa Potifari kuko Yozefu yanze ko baryamana bituma ajyanwa gufungwa.
Hano wakibaza impamvu Imana itatumye Yozefu areka kujyanwa mu nzu y’imbohe?
Kujyanwa mu nzu y’imbohe kwa Yozefu byari inzira yo kuzagera iBwami kuko yahuriyeyo n’abatware b’umwami bafungwanwa nawe, abasobanurira inzozi zirasohora, Uwiteka akomeza kubana nawe.

Ibigeragezo nibiza, ntuzajyee ubyitaho nk’ibije kugusenya ahubwo jya ubiha umwanya nk’umwarimu. Ujye ureba uko ibyiringiro byawe bihagaze kugirango urusheho kugaragaza ukwihangana. Gira gukomeza kumaramaza, uzaguka kugera kukigero gishyitse. Imana igushaka nk’umuntu wayo watojwe.
“Bene Data, mwemere ko ari iby’ibyishimo rwose nimugubwa gitumo n’ibibagerageza bitari bimwe, mumenye yuko kugeragezwa ko kwizera kwanyu gutera kwihangana. Ariko mureke kwihangana gusohoze umurimo wako, mubone gutungana rwose mushyitse mutabuzeho na gato.” (Yakobo 1:2–4)

Nyuma y’imyaka ibiri bamwe bafunganwe ya Yozefu bafunguwe, n’ubwo umwe yavuye mu nzu y’imbohe akicwa nk’uko bari babisobanuriwe, umwe nawe akomeza imirimo ye ibwami. Kuko ukuboko k’Uwiteka kwari kuri Yozefu, Umwami yaje kurota inzozi habura uzisobanura mu bapfumu no mubakonikoni ariko Yozefu arazisobanura, Bitumwa umwami Farawo amukunda amugira umuntu ukomeye ibwami:

Iyo nama inezeza Farawo n’abagaragu be bose. Farawo abaza abagaragu be ati “Tuzabona hehe umuntu umeze nk’uyu, urimo umwuka w’Imana?” Farawo abwira Yosefu ati “Kuko Imana ikweretse ibyo byose nta wundi munyabwenge w’umuhanga muhwanye, nguhaye gutwara urugo rwanjye kandi abantu banjye bose bazumvire icyo utegetse, ku ntebe yanjye y’ubwami yonyine nzagusumba.” Farawo abwira Yosefu ati “Dore nkweguriye igihugu cya Egiputa cyose.” Farawo yiyambura impeta iriho ikimenyetso yo ku rutoki rwe ayambika Yosefu ku rutoki, amwambika imyenda y’ibitare byiza, amwambika n’umukufi w’izahabu mu ijosi” (Itangiriro 41:37)

Kubera ubwenge bwa Yozefu yagiye arokora abantu benshi. Si muri Egiputa gusa kuko yarokoye bene se mu gihe cy’inzara ikomeye.
Mu byago no mu bakuba bitandukanye Yozefu yahuye nabyo, yagaragaje ubunyangamugayo, ubupfura, ubutwari, imirimo ye yose yagaragazaga icyizere afitiye Imana.

Ni ayahe masomo twigira ku buzima bwa Yozefu ?

1. Imigambi y’Imana isumbye kure uko dutekereza
2. Imana iha umugisha umuntu wese wamaramaje kuyikurikira
3. Umubabaro ku bantu b’Imana si mubi buri gihe! Imana ishobora gukoresha umubabaro wawe ishaka gusohoza umugambi mwiza
4. Imana iha agaciro ukwihangana no gutegerereza mu byago
5. Haranira kuba inyangamugayo
6. Umuntu w’Imana wese arangwa iteka no kubabarira n’ubwo bigoye
7. Bigira agaciro iyo wirinze mu mibereho yawe.

Nubwo waba ubabaye aka kanya ariko girira Imana icyizere kuko hari ibyo yakoze

[email protected]