Incamake y’ ishusho y’igitabo cy’Ibyahishuwe (Igice 5) Rev Pastor Antoine RUTAYISIRE

Mu isomo twarangirijeho twari twabonyeko buri mujyi wagiraga ikigirwamana usenga , twaritwabonye ko muri Efeso basengaga aruteme cyangwa diyane mu kigiriki, naho muri Simuruma basengaga umwami wa mbere wategetse Roma akaba yaritwaga Tiberiyusi ibi byose byaberaga ibisitaza abakirisito bicyo gihe.

Iyi mijyi yose yari imijyi y’abagiriki ariko mu gihe cy’ubutegetsi bwa Roma

Uyu munsi rero turakomeza tureba uko ubuzima bwo mu yandi matorero bwari bumeze ku bakirisito.

Muri Perugamo: Niwo wari umurwa mukuru wa Aziya ni ukuvuga aho iriya mijyi yose yari iri, ntabwo ari Aziya iyi iriho tumenyereye y’ubushinwa n’ibindi bihugu. Ubu ni mu bugiriki bw’uno munsi, kera Aziya yabaga hariya iriya mijyi yari iri. Perugamo rero niyo yari umurwa mukuru , ubwo niho ibintu byose byahuriraga. Urusengero rurini rwari ruhari rwari urw’ikigirwamana kitwaga asikoripiyosi yari imana y’ubuvuzi , ingoro yayo yabagamo inzoka bakuyemo amenyo zitarumana. Ababaga barwaye indwara zitandukanye baragendaga bakarya mu ngoro ya asikoripiyosi ni njoro wagira imana imwe muri izo nzoka ikakunyuraho igendagenda ikamenyango imana yagukozeho ubwo burwayi bwawe bwagiye.

Mujya mubona biriya birango biboneka ku byapa biba ku mafarumasi (Phamarcy) ariko ntabwo ari inzoka zose, izo muzabona hariho agakoni babikuye kuri yayindi ya mose yamanitse mu butayu abayirebye bagakira ariko abandi bakoresha iyo nzoka ya asikoripiyosi hari Farumasi uzabona iyo nzoka idafite iyo nkoni, kuko byose byabaga bishingiye kuri iyo mana y’ubuvuzi. Ku bakirito na none inzoka yari satani kumva wagiye kwivuza kwa asikoripiyosi, abakirisito bari bafite ibibazo bikomeye kumva iyo barwaraga ntibakire igishusho cyari gihari ni uko nabo bagendaga kwivuza mu ngoro ya asikoripiyosi. Kandi nuno munsi mujya mubibona hari igihe umuntu afatwa n’abadayimoni akajya mu bapfumu cyangwa mu barangi bakakubwirango ariko hariya baravura kurusha n’abanyamasengesho.

Kubera hari mu murwa mukuru hari n’ingoro ya Diyese, yari imana nkuru yabo n’ikindi kigirwamana kikigore kitwaga tena izo zombi zari imana nkuru z’abagiriki. Diyese niyo yari imana nkuru y’abagiriki kandi yari ingabo. Perugamo yari iya kabiri kuri simuruna twabonye mu kuramya umwami kuko nabo bari bafite aho bajya gufatira amaseritifika(Certificate) muri kino gihe Yohana yandikaga.

Muri Tuwatira: Wari umujyi muto ariko muri tuwatira niho bari bafite amashyirahamwe menshi y’ubucuruzi bivugango abakirisito bari batuye i tuwatira byarabagoraga kuhakorera kuberako ni umujyi w’ubucuruzi kandi kugirango ucuruze ugomba kuba mu ishyirahamwe. Mu buryo bw’ibigirwamana tuwatira ntacyo yari ifite ariko mu buryo bw’ubucuruzi yari ihambaye.

Muri Sarudi: Iyo usomye mu mateka ya sarudi, sarudi wari umujyi ukomeye mu buryo bwa gisirikare kandi wariwubatse ahantu ku musozi hejuru nonesho kubera n’ubukire bwinshi baribafite no kuba udashobora gufatika byoroshye mu buryo bwa gisirikare byatuma haba abantu badamaraye. Mumujyi wa sarudi nta bindi bintu byinshi cyane bihari , ntacyo bawuvugaho mu buryo bw’ibigirwamana n’ingoro zindi, muraza no kubibona itorero ry’i sarudi ntabwo ryari rifite ikibazo cy’ibigirwamana, iri dini rifite ikindi kibazo, iyindi mijyi itorero ryari rifite ibibazo biturutse hanze ariko i Saruda bari bafite ikibazo gituruka mo imbere uko umujyi wari umeze ni nako itorero ry’ i sarudi ryari rimeze bari badamaraye mu byaha. Sarudi yo n’undi mujyi muzi muri Bibiliya witwa Korinto bari bameze nk,i Sodoma na Gomora, iyo umuntu yavugaga ngo agiye i Sarudi cyagwa agiye i Korinto , barakubazaga ngo ese ugiye Sarudi kunywa no gusambana ? Korinto ho yari yarabaye iciro ry’umugani ku buryo kuko n’inshinga mu kigiriki ivuga gukora ibyaha birenze urugero bayitaga Gukorintiza mbese gukora ibyaha nk’abanyekorinto. Korinto bari bazwiho kwenga inzoga nyinshi.

Muri Filadelifiya: wo wari umujyi uba mu mubande hafi n’ikirunga , burya ubutaka bw’iburunga bukunda kweramo imizabibu, ikigirwamana cy’ i Filadelifiya mushobora kukigenzura mukakimenya, kuberako bagiraga divayi nyinshi kuko bari bafite imizabibu, cyitwaga diyonizosi yari Imana ya divayi ni nayo yabyaye gutambagiza isakaramento kuberako iyo babaga bejeje imizabibu abagiriki bakoraga icyo bitaga karinavare bo n’abanyaroma. Karinavare rero nkabimwe twabonye by’urusengero rwa diyane cyangwa aruteme gusa karinavare byo ntibyakorerwaga mu rusengero , byakorerwaga ku karubanda , abantu barahagurukaga mu gitondo bakagenda bagaheka diyonizosi (Imana ya divayi ) bakayitembereza ariko uko bayitembereza niko babyina, niko banywa, uwo munsi byari byemewe gusambana n’uwo ushaka wapfaga kuba ufite umugore mwahuye , babaga banyoye bahejeje, Filadelifiya ni aha ngaho bari bari. Mu gihe cya diyonizosi abakirisito nabo bajyaga banyuzamo nabo bakajya muri karinavare, noneho kiliziya irabireba iravuga ngo reka mu gihe batambagije imana ya divayi , natwe tujye dutambagiza umucunguzi wacu, aho kugirango abakirisito bajye bajya kwifatikanya n’abapagani, mu gihe aba pagani bari mu byabo , twe tujye duca iyindi nzira tujye gutambagiza umwami wacu uko niko isakarameno ryavutse. Gutambutsa isakarameno byavutse ari ugusimbura gutambagiza diyonizosi mu gihe cya karinavare, burya na Noheli n’indi minsi mikuru yagiye ivuka. Ikindi kintu cyabaga muri filadelifiya habaga ingoro z’imana z’abagiriki zose.

Akantu keza kabaga hano filadelifiya , iyo umuntu yabaga yaragize umumaro muri societe, batoranyaga imwe muri izo ngoro z’ibigirwammana bakamushyiriramo inkingi bakandikaho izina rye. Muraza kubibona Yesu abwira abakirisito ngo namwe uzihangana akageza imperuka nzamugira inkingi mu rusengero rw’Imana yanjye kandi nzandikaho izina rye. Ni ukubabwira ngo mwijya muri biriya namwe nzabagira inkingi mu rusengero rwanjye ibyo tuzabigarukaho.

Muri Lawodikiya: Uyu mujyi wari uzwi cyane, warizwiho amabanki menshi iyo washakaga cashi wajyaga Rawodokiya , ikindi Lawodokiya yarifite uruganda rukomeye rw’imyenda , bari bafite uruganda rukomeye rw’imiti muraza kubibona mu bigereranyo Yesu akoresha abwira abantu b’i Lawodokiya yubakira kuri biriya bintu bitatu bari bakungahayeho : amabanke menshi, uruganda rw’imyenda, n’uruganda rukora imiti ivura amaso.

Iyi mijyi yose uko ari irindwi nidusubira inyuma , muraza gusanga buri torero ryarahawe ubutumwa bujyanye naho riri n’ibibazo bihari ariko hari ibibazo amatorero yose yahuriragaho uretse iry’i Sarudi , Yesu yabwiyeko bameze nk’umujyi batuyemo, ugaragara ufite izina ariko nturiho. Andi matorero yose yarafite ikibazo cy’amanikorayiti.

Ibihe byose birasa, ibyabaye byongera kubaho kuko uzitegerezo ibibazo bari bafite nuyu munsi turabibona mu itorero, twamaze kubibona mu mujyi y’abagiriki bari bafite ibibazo bitatu: Ikibazo cy’ibigirwamana by’abagiriki, kuramya umwami ikindi bari bafite umuco wo gusambana no kunywa ibisindisha , ikibazo cyabayeho ni igihe ubukirisito bwaje buvugango ntibakwiye gusinda, ntibakwiye gusambana, ntibagomba no gusenga ibigirwamana, nta n’umuntu wakwiye gupfukamira , noneho hatangira kuza abigisha batangira kwigisha baravugango mureke tujye tugenza buhoro ibyo aribyo byose ntacyo bitwaye kujya mu ngoro y’ikigirwamana, batangira no kuvugango n’ibintu byo gusambana ntimukabikabirize , ati twese dufite umubiri kandi dukizwa ku buntu, no gusambana ntabwo Imana izabiguhora kuko irabiziko ufite umubiri , hamwe izi nyigisho bazita iz’abanikorayiti zagera i tiwatira bakazita iza Yezebeli kuko zose zarasaga zigishaga abakirisito kurya intonorano no gusambana kubera iki nicyo kibazo cyari mu bugiriki .

Ikibazo dukwiye kwibaza:ese uyu munsi ntibyaba ariko bimeze ? kuberako uko isi igenda ihinduka usanga rimwe na rimwe iyo abakirisito batitonze niko bagenda.

Tuzakomeza ubutaha, tubararikiye kuzakomeza kumva igice kizakurikira kandi Imana ibakomeze murusheho kuyumva no kuyumvira ndetse no gushyira mu bikorwa ibyo usabwa.