Impamvu Imana yemerako ibihe bikomeye bikugeraho

Akenshi ibihe bikomeye ni amahirwe akwiye guhumura amaso abantu. Reka turebe nk’ikizamini cyo ku ishuri, ibyo bihe bigoye bisuzuma niba twarasomye n’ubushobozi twagaragaje mu kubitsinda. Imana na yo ikoresha ibi bihe kugirango itwubakemo imbaraga no gukomera biruse uko twari dusanzwe tumeze.

Dawidi , Imana yahamije ko afite umutima ishaka(1Samweli13:14, Ibyakoz13:22), yanyuze mu bihe bigoye , yabaye umurwanyi wari ukomeye watsinze intambara nyinshi n’ingabo zikomeye gusa igitangaje n’uburyo izo ngabo zari zaratojwe, mugihe Dawidi atabonye n’ikigo atorezwamo ariko yajyaga arwanaga n’intare n’idubu iyo zabaga zije kurya abana b’intama ba se.(1Samweli17:34-37)

Dawidi ubwe muri zaburi yagize ati: “Ni nde Mana itari Uwiteka? Ni nde Gitare kitari Imana yacu? Ni yo Mana inkenyeje imbaraga, Igatunganya inzira yanjye. Ni yo ihindura ibirenge byanjye nk’iby’imparakazi, Impagarika ku misozi yanjye. Yigisha amaboko yanjye kurasana, Bituma amaboko yanjye afora umuheto w’umuringa. »(Zaburi18:32-35)

Dawidi yari azi nezako nyuma y’ikigo umuntu yatorezwamo, Imana ikoresha ibihe bikomeye kugirango itoreze abantu bayo umurimo ukomeye w’ahazaza.

Ese uri guhura n’ibihe bikomeye bikomeye gusohokamo? Izi ni impamvu Imana ikoresha ibihe bikaze kugirango igutoze uzavemo ukomeye:

1. Ibihe bikomeye byongera ukwizera

Gideyoni yizeko imibare myinshi y’ingabo itavuze gutsinda igihe igiye ku rugamba kuko Imana ari yo itanga insinzi. Mu gitabo cy’Abacamanza dusomako Imana yahamagaye Gideyoni kuyobora ingabo nke zari zatoranijwe mu Bisirayeli ngo zirwane n’ingabo zitabarika z’Abamidiyani.

Imana ntiyashakagako Abisirayeli bazabona urwitwazo batsinze bakumva ari imbaraga zabo , ahubwo yatumye bumva ko atari bo ubwabo birwanirira, maze igabanya imibare y’ingabo zabo baba 300. Imana yabahaye kunesha nyuma y’uko Gideyoni agize kwizera, akiringira Imana.

2. Ibihe bikomeye bihindura imyitwarire yacu icitse intege

Twese tuziko igihe Yesu yafatwaga agafungwa, Petero yamwihakanye inshuro eshatu. Tuzi kandi ko abandi bigishwa be bamutaye bagahunga uretse Yohana wamugumye iruhande. Iyo dusomye mu rwandiko rw’Abagalatiya tuhasanga Pawulo akebura intumwa zagaragaje intege nke zisangira n’abanyamahanga ariko nyuma zikabanena kuko zatinyaga abakebwe.

“ Kuko intumwa za Yakobo zitaragerayo yasangiraga n’abanyamahanga, ariko zigezeyo ariyufūra, arabanena kuko yatinyaga abakebwe.”(Abagalatiya2:12)

Imana ikoresha ibihe bikomeye kugirango ihindure imyitwarire yacu icitse intege bityo dushobore gukora neza. Ntituri abamarayika, ariko Imana ni iyo kwizerwa kandi iduhindurira gusa nka Kristo. “Icyo nzi neza rwose ntashidikanya, ni uko Iyatangiye umurimo mwiza muri mwe izawurangiza rwose, kugeza ku munsi wa Yesu Kristo”(Abafilipi1:6)

3. Ibihe bikomeye biduha imbaraga zo guhumuriza abari mu makuba

“ Iduhumuriza mu makuba yacu yose kugira ngo natwe tubone uko duhumuriza abari mu makuba yose, tubahumurisha ihumure twahawe n’Imana, kuko nk’uko ibyo Kristo yababajwe byadusesekayeho cyane, ni ko no guhumurizwa kwatugwijijwemo na Kristo….(Abakorinto1:3-11)

Pawulo yavuzeko mugihe duhura n’ingorane, Imana iduhumuriza kugirango natwe tubashe guhumuriza abandi bari mu makuba. . Kubw’izo mpamvu, dukwiye kwigisha no gukomeza abahura n’ingorane zitari zimwe.

Sophie @agakiza.org