Impamvu 6 zituma Imana yemera ku kunyuza mu bigeragezo

1.Imana yemerako tugeragezwa kugirango isuzume ubukiristo bwacu: Imana ikoresha ibigeragezo kugirango ipime ikigero cy’ubukirisito tugezeho. Yesu yaciye umugani w’umubibyi, ashaka gusobanura uburyo butandukanye ibigeragezo ari bibi iyo hatabayeho kubyihanganira.

“Umubibyi ni ubiba ijambo ry’Imana. Izo mu nzira aho iryo jambo ribibwa, abo ni bo bamara kumva, uwo mwanya Satani akaza agakuramo iryo jambo ryabibwe muri bo. N’izibibwe ku kāra na bo ni uko, iyo bumvise iryo jambo, uwo mwanya baryemera banezerewe, ariko kuko batagira imizi muri bo bakomera umwanya muto. Iyo habayeho amakuba cyangwa kurenganywa bazira iryo jambo, uwo mwanya birabagusha. Abandi bagereranywa n’izibibwa mu mahwa, abo ni bo bumva iryo jambo, maze amaganya y’iyi si n’ibihendo by’ubutunzi, n’irari ryo kwifuza ibindi, iyo bibinjiye mu mutima biniga iryo jambo ntiryere. Kandi abagereranywa na za zindi zabibwe mu butaka bwiza, abo ni bo bumva iryo jambo bakaryemera. Ni bo bera imbuto, umwe mirongo itatu, undi mirongo itandatu, undi ijana, bityo bityo.” (Mariko 4:14-20 )
Abumva ijambo ry’Imana bakaryemera ntibagushwa ns’ibigeragezo, amaganya y’ubuzima, kwifuza ubutunzi. Iyo tugeragejwe nkuko bidukwiye, byemeza neza ko dufite indangagaciro zikwiye abizera krisito.

2.Imana yemerako tugeragezwa kugirango isuzume ukwizera byacu: Ibigeragezo biza kugirango bisuzumeko ukwizera dufite gusumbye agaciro izahabu, kuko izahabu nayo itunganywa n’umuriro hanyuma ikajya yarabagirana imaze gutunganwa kuko biyizanira agaciro n’icyubahiro. “ Kugirango kwizera kwanyu kugaragare ko kurusha izahabu igiciro cyinshi (kandi nubwo izahabu ishira igeragereshwa umuriro) kandi kugirango kwizera kwanyu kugaragare ko ari uk’ukuri,ameherezo kuzabaheshe ishimwe n’ubwiza n’icyubahiro ubwo krisito azahishurwa (1 Petero 1:7).

3.Imana yemerako tugeragezwa kugirango irebe kumaramaza kwacu " Bene Data, mwemere ko ari iby’ibyishimo rwose nimugubwa gitumo n’ibibagerageza bitari bimwe, mumenye yuko kugeragezwa ko kwizera kwanyu gutera kwihangana. Ariko mureke kwihangana gusohoze umurimo wako, mubone gutungana rwose mushyitse mutabuzeho na gato. "(Yakobo 1:2-4).

4.Imana yemerako tugeragezwa kugirango irebeko twubaha: "Indi mpamvu yanteye kubandikira ni iyi: ni ukugira ngo mbagerageze menye ko mwumvira muri byose." (2 Abakorinto 2:9).

5.Imana yemerako tugeragezwa kugirango itwigishe kuyiringira " Bene Data, ntidushaka yuko mutamenya amakuba yatubereyeho muri Asiya, ko twaremerewe cyane kuruta ibyo dushobora ndetse bigatuma twiheba ko tuzapfa, twibwira ko duciriwe ho iteka ryo gupfa kugira ngo tutiyiringira, ahubwo twiringire Imana izura abapfuye. Yaturokoye urupfu rukomeye rutyo na none iracyaturokora, kandi twiringira yuko izakomeza kuturokora, namwe mufatanije natwe gusenga kugira ngo impano twaheshejwe na benshi, benshi bayishimire Imana ku bwacu. " (2 abakorinto 1:8-11).

6.Tugeragezwa kugirango ukubuko kw’Imana kuzigaragaze kuri twe " Ikakugaburirira manu mu butayu, iyo ba sekuruza banyu batigeze kumenya, kugira ngo igucishe bugufi, ikugerageze ibone uko izakugirira neza ku iherezo ryawe." (Gutegeka kwa kabiri 8:16).

Ngaho nimwisuzume ubwanyu, mumenye yuko mukiri mu byo twizera kandi mwigerageze. Mbese ntimwimenya kandi ntimuzi yuko Yesu Kristo ari muri mwe? Keretse ahari mubaye abagawa. Ariko niringiye yuko muzamenya ko twebweho tutari abagawa. Nuko ndasaba Imana kugira ngo mutagira ikibi mukora, icyakora si ukugira ngo duse n’abemewe, ahubwo ni ukugira ngo mukore neza nubwo twasa n’abagawa. (2 abakorinto 13:5-7).

Hari abo kwihanganira ibigeragezo byananiye bava mu by’Imana, ariko Yohana yabivuzeho" Abo bavuye muri twe, icyakora ntibari abacu by’ukuri, kuko iyo baba abacu baba baragumanye natwe, ariko icyatumye biba bityo ni ukugira ngo bagaragare ko atari abacu rwose."(1Yohana 2:19 )

Umuririmbyi niwe waririmbye aravugango “ Ni hehe abizera bazajya kuba ? Muri iy’isi ntaho tuzakirira. Nta hantu hatagerwa n’umubisha,: ibibi nta hantu twabihungira . nta ho, ntaho , mw’isi ntaho mw’ijuru niho Iwabo w’abizera kandi tuzimuka mu isi tugere iwacu n’ aheza twubakiwe n’umukiza akomeza avuga ko mu ijuru hari amazu meza yubakanye isuku tutarabona, niho niho niho iwacu ni ubuturo bwiza tuzahoramo. Ndakwifuriza kuzataha ijuru.(Indirimbo 396)

Agakiza ni impano y’Imana ariko iyo ubuzima ubayemo butagaragaza ibimenyetso by’Imana ikorera muri wowe ntabwo uba warigeze kwakira iyo mpano.

Source: www.newlife.com.

[email protected]