Imirongo ya bibiliya igaragaza ko Imama ari yo itubeshaho atari amafaranga

Bibiliya itubwirako Imana ari umubyeyi n’umufasha wacu mwiza.Dukwiye buri gihe kumwizirikaho ndetse tukamusanga k’ubufasha bwose dukenera bwa buri munsi. Twisanga mu bibazo byinshi bihungabanya ubukungu bwacu. Abenshi muri twe twumva duhangayitse ndetse tukagira ubwoba iyo turebye ibyo dukeneye ndetse n’iby’ahazaza.

Bimwe mu bibazo birimo kubura akazi, imishinga yacu yahombye, ibishoro byacu bitungutse, abajura baducucuye ibyacu , ibiza bitateganyijwe dutakazaho amafaranga, indwara n’ibindi. Buri bibazo bidutera guhangayikira ibyo dutunze, ndetse bikarangira twibaza niba tuzabasha kubona ibyo dukeneye byose.Birashoboka ko twanatekereza izindi nzira twabonamo ibindi bintu bitwunganira kugirango tubashe kubona ibyo dukeneye.

Mu by’ukuri twibagirwa ko Imana ihora ishaka kuduha ibyo dukeneye kandi ikaba umufasha wacu. Icyo dukeneye gukora ni ukuyizera kandi tukayisaba ibyo dukeneye byose.

Iyi ni imwe mu mirongo ya bibiliya idufasha gushyira ibyiringiro byacu ku Mana , tukizera ko izaduha ibyo dukeneye byose.

Abafilipi4:11-13, 19-20

“Ibyo simbivugiye yuko nakenaga, kuko uko ndi kose nize kunyurwa n’ibyo mfite. Nzi gucishwa bugufi nzi no kugira ibisaga, n’aho naba ndi hose n’uko naba ndi kose, nigishijwe uburyo bwo kwihanganira byose, ari uguhaga, ari ugusonza, ari ukugira ibisaga cyangwa gukena. Nshobozwa byose na Kristo umpa imbaraga… Kandi Imana yanjye izabamara ubukene bwanyu bwose, nk’uko ubutunzi bw’ubwiza bwayo buri muri Kristo Yesu. Icyubahiro kibe icy’Imana yacu, ari yo Data wa twese iteka ryose, Amen. ”(Abafilipi4:11-13, 19-20)

Matayo6 :25 :34

“Ni cyo gitumye mbabwira nti: Ntimukiganyire ngo mutekereze ubugingo muti ‘Tuzarya iki?’ Cyangwa muti ‘Tuzanywa iki?’ Ntimwiganyire ngo mutekereze iby’umubiri wanyu ngo ‘Tuzambara iki?’ Mbese ubugingo ntiburuta ibyo kurya, umubiri nturuta imyambaro? Nimurebe ibiguruka mu kirere: ntibibiba, ntibisarura, ntibihunika mu bigega, kandi So wo mu ijuru arabigaburira na byo. Mwebwe se ntimubiruta cyane? 27Ni nde muri mwe wiganyira wabasha kwiyunguraho umukono umwe?

None se ikibaganyisha imyambaro ni iki? Mutekereze uburabyo bwo mu gasozi uko bumera: ntibugira umurimo, ntibuboha imyenda, kandi ndababwira yuko Salomo mu bwiza bwe bwose, atarimbaga nk’akarabyo kamwe ko muri ubu. Ariko Imana ubwo yambika ubwatsi bwo mu gasozi ityo, buriho none ejo bakabujugunya mu muriro, ntizarushaho kubambika mwa bafite kwizera guke mwe?

“Nuko ntimukiganyire mugira ngo ‘Tuzarya iki?’ Cyangwa ngo ‘Tuzanywa iki?’ Cyangwa ngo ‘Tuzambara iki?’ Kuko ibyo byose abapagani babishaka, kandi So wo mu ijuru azi ko mubikwiriye byose. Ahubwo mubanze mushake ubwami bw’Imana no gukiranuka kwayo, ni bwo ibyo byose muzabyongerwa. Ntimukiganyire mutekereza iby’ejo, kuko ab’ejo baziganyira iby’ejo. Umunsi wose ukwiranye n’ibibi byawo. »(Matayo6 :25 :34)

Yeremiya29:11-13

“Erega nzi ibyo nibwira nzabagirira! Ni amahoro si bibi, kugira ngo mbareme umutima w’ibyo muzabona hanyuma. Ni ko Uwiteka avuga. Kandi muzanyambaza, muzagenda munsenga nanjye nzabumvira. 13 Muzanshaka mumbone, nimunshakana umutima wanyu wose.”(Yeremiya29:11-13)

Abakristo ntibakwiye guhangayikira iby’ubu buzima ahubwo bakwiye gushyira ibyiringiro byabo ku Mana kuko niyo itanga byose kandi byiza.

[email protected]