Imirongo 5 ya bibiliya iguhumuriza mu gihe ubuze ukugaragariza urukundo

Nta muntu n’umwe wifuza kudakundwa cyangwa kujugunywa. Uretse n’ibyo abenshi bafite ubuhamya bw’ukuntu bagiye bakomereka mu buzima bwabo bwa buri munsi, bikaba byaragize n’ingaruka mu mibereho babayemo.

Ikintu cyiza ni uko gukira ibikomere kuboneka muri Yesu Kristo. Muri we dushobora kuhumvira urukundo rw’Imana, urukundo nyakuri rwuzuye, urukundo rukiza rugatanga ubuzima bw’iteka.Uru rukundo ruza ku muntu wihannye, kandi ntirusubiza inyuma uje afite kwizera, kandi ruvura abantu bose bakomerekejwe nuko batabonye urukundo.

Ese wabuze urukundo, nta we ukwitayeho? Aha hari imirongo ya bibiliya igufasha kumva imbaraga z’urukundo rw’Imana maze ukongera kugira ubuzima bushya n’ibyishimo:

1.Abaroma8:31-32

“None ubwo bimeze bityo tuvuge iki? Ubwo Imana iri mu ruhande rwacu umubisha wacu ni nde? Mbese ubwo itimanye Umwana wayo ikamutanga ku bwacu twese, izabura ite kumuduhana n’ibindi byose?(Abaroma8:31-32)

2.Abaroma 8:35-39

“Ni nde wadutandukanya n’urukundo rwa Kristo? Mbese ni amakuba, cyangwa ni ibyago, cyangwa ni ukurenganywa, cyangwa ni inzara, cyangwa ni ukwambara ubusa, cyangwa ni ukuba mu kaga, cyangwa ni inkota?
Nk’uko byanditswe ngo “Turicwa umunsi ukīra bakuduhōra, Twahwanijwe n’intama z’imbagwa.”

Oya, ahubwo muri ibyo byose turushishwaho kunesha n’uwadukunze, kuko menye neza yuko naho rwaba urupfu cyangwa ubugingo, cyangwa abamarayika cyangwa abategeka, cyangwa ibiriho cyangwa ibizaba, cyangwa abafite ubushobozi, cyangwa uburebure bw’igihagararo, cyangwa uburebure bw’ikijyepfo, cyangwa ikindi cyaremwe cyose, bitazabasha kudutandukanya n’urukundo rw’Imana ruri muri Kristo Yesu Umwami wacu.( Abaroma 8:35-39)

3.Zefaniya 3:17

“Uwiteka Imana yawe iri muri wowe imbere, ni intwari kandi irakiza. Izakwishimana inezerewe. izaruhukira mu rukundo rwayo, izakunezererwa iririmba.’

4.Yohana 3:16-17

“Kuko Imana yakunze abari mu isi cyane, byatumye itanga Umwana wayo w’ikinege kugira ngo umwizera wese atarimbuka, ahubwo ahabwe ubugingo buhoraho. 17 Kuko Imana itatumye Umwana wayo mu isi gucira abari mu isi ho iteka, ahubwo yabikoreye kugira ngo abari mu isi bakizwe na we.”( Yohana 3:16-17)

5. Abaroma 5:6-11

“Tukiri abanyantegenke, mu gihe gikwiriye Kristo yapfiriye abanyabyaha. Birakomeye kugira ngo umuntu apfire umukiranutsi, nkanswe umunyabyaha. Icyakora ahari byashoboka ko umuntu yatinyuka gupfira umunyangeso nziza, ariko Imana yerekanye urukundo rwayo idukunda, ubwo Kristo yadupfiraga tukiri abanyabyaha. Nkanswe none ubwo tumaze gutsindishirizwa n’amaraso ye, ntituzarushaho gukizwa umujinya w’Imana na we? Ubwo twunzwe n’Imana ku bw’urupfu rw’Umwana wayo wadupfiriye tukiri abanzi bayo, none ubwo tumaze kūngwa na yo, ntituzarushaho gukizwa ku bw’ubugingo bwe? Ariko si ibyo byonyine, ahubwo twishimira Imana ku bw’Umwami wacu Yesu Kristo ukiduhesha kuzura na yo na bugingo n’ubu.”(Abaroma5:6-11)

Kwizera Yesu kristo niho honyine hakiza ibikomere twatewe n’abatwanga , tukahakura ubuzima bwishimye , buhorana umunezero.

[email protected]