Imirongo 16 muri bibiliya igaragaza uko Imana itekereza ku bapfakazi

Abantu benshi bitewe n’ubuzima babayemo harubwo bibaza koko niba Imana ibafata kimwe n’abandi. Hari n’abahura ni byago bakagira ngo n’ igihano Imana ibahaye. Ese koko Imana iha abantu agaciro kangana ? Ese ibibazo by’ubuzima byatuma Imana itagukoresha ? Bitewe nuko Gupfakara ari kintu kigora ubuzima niyo mpamvu twifuje kwifashisha urugero rw’a bapfakazi.

Mu mutima w’Imana harimo umwanya wihariye w’abapfakazi, impfubyi n’impunzi kuko nibo akenshi baba badafite uruvugiro. Kuko iyo hatabayeho ingamba zihamye , amafaranga ahoraho cyangwa se ubwishingizi mu mishinga yabo ,usanga barenganywa bakabyazwa umusaruro badafitemo inyungu.

Biranejejeko Imana ubwayo ihitamo umupfakazi yerekana amahame akwiye y’ubwami bwayo. Twifashishije igisekuru cya Yesu , tubona abapfakazi Imana yatoranyije ikabakoresha ibikomeye bakagaragara no mu gisekuru cya Yesu ariho twese dukomora gucungurwa .Muri bo harimo Tamari, Rusi , Batisheba na Mariya.

Twibukeko ari umupfakazi wagaburiye Eliya. Umupfakazi ni we wamenye ko Yesu ariwe Mesiya bwa mbere ubwo bazanaga Yesu mu rusengero amaze iminsi umunani avutse (Luka 2:36). Umupfakazi niwe washimwe na Yesu ubwo yaturaga bike bivuye ku mutima (Luka 21:1-4). Kandi Yesu yakoresheje inkuru y’umupfakazi watitirije ubwo yashakaga kwigisha intumwa ze gusenga ntizirambirwe (Luka 18:1-7).

Hari isomo rikomeye twakwigira kubo tubona nk’abatishoboye muri twe. Ibintu bike biba bihagije iyo bitanganywe umutima ukunze.

Imirongo 16 muri bibiliya igaragaza uko Imana itekereza ku bapfakazi

1. Ntihakagire umupfakazi cyangwa impfubyi mubabaza (Kuva 22:21)

2. Icira impfubyi n’abapfakazi imanza zibarengera, ikunda umusuhuke

w’munyamahanga ikamugaburira ikamwambika (Gutegeka kwa 10:18)

3. Nusarura umurima wawe ukibagirwa umuganda muri wo, ntuzasubireyo kuwenda, uzabe uw’umusuhuke w’umunyamahanga n’uwimpfubyi n’uwumupfakazi, kugirango Uwiteka Imana yawe iguhere umugisha imirimo ukora yose (Gutegeka kwa 24:19)

4. Ugoreka urubanza urubanza rw’umusuhuke w’umunyamahanga, cyangwa rw’impfubyi cyangwa rw’umupfakazi, avumwe (Gutegeka kwa 27:19)

5. Haguruka ujye I Sarefati h’Abasidoni abe ari ho uba, hariyo umugore w’umupfakazi ni we ntegetse kugutunga (1Abami17:9)

6. Imana iri mu buturo bwayo bwera, ni se w’impfubyi n’umucamanza urengera abapfakazi (Zaburi 68:6)

7. Uwiteka niwe urinda abasuhuke, aramira impfubyi n’umupfakazi ariko inzira y’abanyabyaha arayigoreka (Zaburi 146:9)

8. Uwiteka azasenya urugo rw’umwibone, Ariko azakomeza urubibi rw’umupfakazi (Imigani 15:25)

9. Mwige gukora neza, mushake imanza zitabera, murenganure abarengana, mucire impfubyi urubanza, muburanire abapfakazi (Yesaya1:17)

10. Siga impfubyi zawe nzazirera, n’abapfakazi bawe banyizere (Yeremiya 49:11)

11. Yicara yerekeye isunduku y’amaturo, areba abantu batura amakuta bayashyiramo, abatunzi benshi bashyiramo menshi. Umupfakazi wari umukene araza atura amasenge abiri, ari yo kuta. Ahamagara abigishwa be arababwira ati” Ndababwira ukuri yuko uriya mupfakazi atuye byinshi kuruta ibyo abandi bose batuye. Kuko bose batuyeb ibibasagutse ariko we mubukene bwe atuye icyo yari asigaranye, ari cyo yari atezeho amakiriro.(Mariko12:41-44)

12. Hariho n’umuhanuzi kazi witwaga Ana, mwene Fanuweli wo mu muryango wa Asheri , yari umucecuru wa kera. Amaze gushyingirwa yamaranye n’umugabo we imyaka irindwi. Noneho amara imyaka mirongo inani n’ine ari umupfakazi. Yahoraga mu rusengero aramya Imana, yiyiriza ubusa, asenga ku manywa na nijoro(Luka 2:36-37)

13. Ageze hafi y’irembo ry’umudugudu ahura n’abikoreye ikiriba . Uwari wapfuye yari umwana w’ikinege kandi nyina yari umupfakazi, abantu benshi bo muri uwo mudugudu bari bamuherekeje(Luka 7: 12)

14. Muri uwo mudugudu harimo umupfakazi, aramusanga aramubwira ati ndengera ku mwanzi wanjye (Luka 18:1-8)

15. Wubahe abapfakazi bari abapfazi by’ukuri (1Timoteyo5:3)

16. Idini ritunganye kandi ritanduye imbere y’Imana Data wa twese ni iri : Ni ugusura impfubyi n’abapfakazi mu mibabaro yabo, no kwirinda kutanduzwa n’iby’isi (Yakobo1:27).

Imana ntabwo ijya itererana umuntu nkuko bamwe babyibwira. Mwibukeko isi atari paradizo ingero twabonye zatweretse abapfakazi Imana yakoresheje badafite abagabo nubwo bibiliya itabivuga inatange ingero kuri aba bapfakazi, burya urugo rutarimo umugabo abenshi bazi uko rufatwa na rubanda n’imibereho yarwo. Ariko Imana yakomeje kubakoresha ibikomeye umwe yagaburiye umugabo ukomeye cyane witwa Eliya undi nawe yiberaga mu nzu y’Imana ku manywa na n’ijoro asenga kandi yiyiriza, ntukananirwe byose, ntukabure byose ibaze kubura ubutunzi bw’isi ukabura n’umubano mwiza n’Imana. Nubundi ntabwo mu ijuru hazaboneka amakamba yababaye mu bigeragezo ahubwo hazaboneka amakamba yababibayemo bakabitsinda. Imibereho myiza ya hano mu isi si igihembo cyo gukiranuka gitangwa n’Imana kuko nabadakiranukira Imana ari abatunzi mu by’isi ahubwo icyo Imana iha agaciro ni ijuru no kubana nayo mu munezero udashira.

[email protected]