Imana iduhamagarira kuba abagabo nyabagabo mu byo dukora

Mu buzima bwacu bwa buri munsi umuntu akenera guhindura amazina ajyanye n’icyerekezo, ni ukuvuga ibyo yenda kugeraho ndetse nibyo yagezeho ibyo byose yifuza kubyitirirwa. Nta muntu ujya wifuza kwitirirwa ibyo yagerageje kugeraho bikamunanira. Hari n’abiyitirira abakomeye ibyo bakumva bibanejeje gusa ijambo ry’Imana riravuga ngo:icyakora koko kubaha Imana iyo gufatanyije no kugira umutima unyuzwe kuvamo inyungu nyinshi (1Timoteyo 6:60){{}}

Mu bisanzwe uwabashije gufata intego nziza akayigeraho yitwa Umugabo, naho uwo byananiye akitwa ikigwari, uyu ni umuntu utabasha gufata icyemezo ngo akigumeho, ahora ahinduka kubyo yiyemeje, bene uwo ntabwo abasha kunezeza Imana. Uwo bita umugabo ni umuntu ubasha guhagarara ku cyemezo yafashe kiza ku buryo yanagipfira. Bibiliya ivuga ko umuntu wari warizeye akabivamo, ibyo yizeye bita agaciro ko biba bipfuye ubusa.

Dukwiye gushaka uko twamera nkuko Imana ibishaka,uko umubyeyi arera umwana akifuzako akura abe umugabo ,Imana nayo iraturera ikatugaburira kugirango tube abagabo. gusa Imana yita cyane ku mikurire y’umuntu w’imbere (2abakorinto 4:16.Imana yaduhaye mwuka wera kugirango adufashe gukura.

Imbere y’abatubona dukwiye kuba abagabo. Pawulo yabisabye ab’I Korinto ngo Mube maso mukomere mubyo mwizeye, mube abagabo nyabagabo mwikomeze ibyo mukora byose mubikorane urukundo (1abakorinto 16:13). Kandi Dawidi yaraze umwana we Salomo kuba umugabo kuko aricyo cyonyine yabonaga cyari kuzamufasha kuyobora ubwoko bw’Abisirayeli.(1abami2:2).

Bibiliya igarazagaza ibyiciro byinshi by’abagabo. Abahuje n’Imana iberekana nk’abagabo nyabagabo ariko abanyuranyije nayo iberekana nk’ibigwari.

1.Umugabo w’inkurumbanya: uyu aba asa nk’umuntu wo kugishwa inama ariko iyo umusanze aragushuka 1abami13:3) Yonadabu yashutse Amunoni bituma apfa.

2.Umugabo w’indarikwa: uyu avuga ibinyoma kandi azi ukuri kugira ngo abone amaronko.(gutegeka 19:18)

3.Abagabo b’ibigoryi: aba bagabo ntibibuka uwabagiriye neza barirengagiza, Bibiliya yerekana Nabali nk’umwe muri abo bagabo. Uyu Nabali yirengagije Dawidi kandi barabanye mu bihe bigoye (1samweli 25:3). Nanone bavuga ibinyoma. Bibiliya nanone ivuga abagabo babeshyeye Naboti w’iyezereli kugirango yicwe na Yezebeli kubera kwanga gutanga uruzabibu rwe.(1abami21:10)

4.Abagabo b’inzererezi: aba bateza imivurungano kandi aba ntibashira.Ntakiza bareba bareba inenge(defaut ) ntibashima bahora bareba ibitagenda gusa kandi hari n’ibyiza byo gushima. Bagira amakuru y’amadini ariko ntiwababaza amakuru yo kuri Yesu aba bagendana n’abanyeshyari.(ibyakozw 17:5)

5.Umugabo nyamugabo: uyu mugabo atandukanye n’abandi bose kuko avuga ukuri nkuko kuri mu mutima we, agendera mu bitunganye , akora ibyo gukiranuka, ntagirira nabi mu genzi we, ntashyushya inkuru (zaburi 15:2-3)

Abigishwa ba Yesu bamaranye imyaka itatu nawe abigisha, ibitangaza byose yakoraga babaga bari kumwe, ariko amaze kugenda bose barababuze babivamo barigendera. Yesu mumarana imyaka itatu ariko iyo muburanye iminsi itatu uragenda. Kugira ngo abigishwa bongere kugaruka, bamaze iminsi 40 Yesu abategura arangije abaha imbaraga z’Umwuka wera, nibwo babashije kuba abagabo nyabagabo bo guhamya kugera ku mpera y’isi. (Ibyakozwe n’intumwa 1:8).


Dukwiye guhora dusenga uko bwije nuko bukeye tugasaba mwuka wera akabana natwe kuko niwe wenyine uzadushoboza kunesha ibiduhindura
uko tutaridukwiye gusa ngo tugaragare duhesha Imana icyubahiro.

Ismael KAYISHEMA @Agakiza.org