Ikirango cy’inyenyeri kigaragara mu ibendera rya Isirayeli, abantu benshi bita inyenyeri ya Dawidi, gisobanura iki ? (igice 1)

Inyenyeri ya Dawidi, na none izwi cyane nk’ingabo ya Dawidi. Ni ikimenyetso cyakoreshejwe imyaka myinshi cyane n’Abayuda.Ibuye rishushanyijeho inyenyeri ya Dawidi riri ku rusengero i Galileya, ryashyizweho mu kinyejana cya 3 .

Inyenyeri ya Dawidi yakoreshejwe mu mwaka 1108.Inyenyeri ya Dawudi yakoreshejwe bwa mbere mu kinyejana cya 11 nk’izina “Imana ya Isirayeli” , aho Imana bayifataga nk’umurinzi ukomeye w’umwami Dawidi.

• Mu kinyejana cya 12, inyandiko, ndetse no kumategeko 10 y’Imana hagaragaragaho ikirango cya Dawidi.
• Mu kinyejana cya13 , Ibiceri byashirwagaho inyenyeri ya Dawidi.
• Inyenyeri ya Dawidi yakoreshejwe ku nyandiko zose(medieval Tanakh) z’ikesipanyole(Spain).

Hagiye havugwa byinshi ku nyenyeri ya Dawidi,ariko yakoreshwaga nk’ikirango cy’umwami Dawidi, ikaba kandi cyari ikimenyetso cyabaga ku mpeta y’umwami Salomo. Abayoboye Ubuyuda igihe bigobotoraga ingoma y’abaroma bavuze ko icyo kimenyetso gifite imbaraga zidasanzwe. Muri make nta bisobanuro byimbitse bigaragaza neza inkomoko y’ibiyivugwaho.

Iyo nyenyeri igizwe na mpandeshatu zisobekeranye: Imwe ireba hejuru bavugako ari ku Mana nindi ireba hasi bivugwa ko ireba ku bantu bishushanya isano iri hagati y’ababiri: “imikoranire y’ubwo bwami 2((source: Franz Rosenzweig, Star of Redemption, 1912).

Impuzampembe 6 nk’uko byavuzwe na Rosenzweig ziri kuri izi mpandeshatu 2 yavuze ko zisobanura :Iremwa,guhishurirwa,gucungurwa, kubana n’Imana,Isirayeli, n’isi. Ibi ni ibyashingiweho n’umuhanga Eder ,ubwo yasobanuraga buri gahande ku bijyanye n’Umwuka n’uko muri Yesaya habivuga.

“Umwuka w’Uwiteka azaba kuri we, umwuka w’ubwenge, n’uwubuhanga, umwuka wo kujya inama n’uw’imbaraga, umwuka wo kumenya Uwiteka n’uwo kumwubaha.”Yesaya11:2)

Impuzampembe 6 zerekanaga ko ubushobozi bw’Imana bugaragara mu bice 6 aribyo: Amajyaruguru, Amajyepfo, Iburasirazuba,Uburengerazubas, mu ijuru ndetse no mu isi).Inyenyeri kandi ifite imirongo 12 ku mpande z’izi mpande 3 zisobanura imiryango 12 ya Isirayeli.

Ikimenyetso cyagaragaweho gifite icyo kimenyetso, n’ibuye ry’Abayuda ryari mu butaliyani ryashizweho mu kinyejana cya 3 cyigaragara ku gikuta cy’urusengero mu kinyejana cya 6 no kunkuta za Isirayeli. Cyakomeje gukoreshwa cyane kugeza ubwo cyemezwa n’Abayuda ko gikoreshwa byemewe,nyuma y’imyaka myinshi cyaje gukoreshwa nk’ikirango cy’igihugu cya Isirayeli mu mwaka 1948. Kuva icyo gihe rero inyenyeri ya Dawidi yamamaye ku isi hose imenyekana nk’ikirango cy’Abayuda,Isirayeli.

Igisobanuro cy’inyenyeri ya Dawidi ikoreshwa n’Abayuda

Ikimenyetso cy’inyenyeri ya Dawidi kibutsagako uretse imbaraga zacu dukoresha muri iyi si, Imana yari yarateganije ko umwami Dawidi yari kuzanesha,agatsinda intwaro zikomeye, n’amahanga. Ku bw’ibyo natwe dufaswa n’Imana kugirango tugere kubyo dukeneye.
Niyo mpamvu tuvuga ngo “umugisha uturuka kuri wowe Mana, bwihisho bwa Dawudi.”
Kuva Isirayeli yaba igihugu mu 1948, ibendera rya Isirayeli ryakoresheje icyo kimenyetso, kuva ubwo inyenyeri ya Dawudi ihinduka ikimenyetso cy’Abayuda, ihinduka kandi ikimenyetso cya Isirayeli

Mu gihe cya jenoside yakorewe Abayahudi, Abayuda babaga ku butaka bw’Abanazi , bategekwaga kwambara inyenyeri y’umuhondo ya Dawidi handitseho ngo “Umuyuda” kugirango bamenye Abayuda abo ari bo.Iyo Umuntu uturuka mu Buyuda yagaragaraga mu ruhame adafite iyo nyenyeri, yahanwaga bikomeye cyangwa akicwa.Kwambara inyenyeri ya Dawidi cyari nk’ikimenyetso cyo gusuzugura Abayuda cyangwa utumviye Hitireri n’amategeko ye. Abanazi kandi bakoreshaga icyo kimenyetso uu bayuda mu rwego rwo kubamenya iyo bageraga ku mipaka yabo.

Icyo kimenyetso rero cyagiye kiba ikirango ku isi hose ku bantu batandukanye b’i Siyoni, n’abatuye ku nkengero z’Ubuyuda .

Inyenyeri ya Dawidi, yaba ari ikimenyetso cy’abapagani?

Ni iyihe nkomoko y’inyenyeri ya Dawidi? Ese ni cyo kimenyetso cy’ukuri cy’ingabo y’umwami Dawudi? Ese gituruka ku mwami Salomo? Ni ibihe bisobanuro bya mpande 2 zihuriranye, imwe ireba hejuru indi hasi? Ese ni he mu by’ukuri iki kimenyetso cya kera gikomoka? Kuki ikikimenyetso gifite agaciro mu gihugu cya Isirayeli y’uyu munsi?
Ushobora gutungurwa n’ibibazo .

Urubuga rw’Abayuda Orthodox rutubwirako”Ingabo ya Dawidi” nk’uko izwi cyane nk’ ‘inyenyeri ya Dawidi) ari ikimenyetso gikoreshwa cyane n’Abayuda muri iki gihe. Bivugwako gikoreshwa mu kwerekana ingabo y’ubwami bw’umwami bwa Dawidi(ikimenyetso cye) Mu by’ukuri, ikimenyetso nticyakunze kugaragara mu nyandiko z’Abayuda .

Abanditsi batandukanye nka Franz Rosenzweig bagiye bagira gusesengura ibisobanuro by’iki kimenyetso. Nk’ urugero bamwe bavuga ko mpandeshatu ireba hejuru yerekeza ku Mana, mu gihe iyo hasi ireba mu isi ari yo si yacu.Abandi bavugako guhura kw’izi mpande eshatu bituma zidatandukana bishushanya Abayuda.
Abandi bavugako impande 3 bivuga ubwoko butatu bw’Abayuda:Abatambyi,Abalewi n’Ab’ Isirayeli. Abandi bavugako ifite impande 12, eshatu eshatu kuri buri mpandeshatu bisobanura imiryango 12 ya Isirayeli.

Mu kinyejana cya 17 hamamaye gushyira ikimenyetso ku nsengero z’Abayuda mu kwerekana ahagomba gusengerwa nk’uko umusaraba ushyirwa ku nsengero z’abakristo bikerekana ahakwiye gusengerwa.
Uyu munsi, inyenyeri ya Dawidi, yamamaye ku isi hose nk’ikimenyetso cy’Abayuda,ikaba igaragara no ku ibendera ry’igihugu cya Isirayeli, bakavugako inkomoko yacyo itari iyanyayo.

Tuzakomeza ubutaha kugirango tuzarebere hamwe icyo Bibiliya ibivugaho.

[email protected]