Igihingwa cy’umwumbati, umuti ukaze utari uzi

Umwumbati ni igihingwa kiboneka hafi mu gihugu cy’u Rwanda hose, cyane cyane mu bice bikunze kugira ibihe by’imvura bidahindagurika cyane, nko mu Ntara y’Amajyepfo.

Iki gihingwa ni ingenzi kuva ku mizi yacyo kugeza ku mababi yacyo. Tugiye kurebera hamwe muri make umumaro w’iki gihingwa ku buzima bw’umuntu.

Ibibabi by’imyumbati bizwi ku izina ry’ISOMBE, ni ibyo kurya biryoha cyane. Biratungangwa bikaribwa nk’imoga zisanzwe, abenshi barya Isombe kubera ko ibaryohera gusa, ariko tugiye kureba muri make icyo imarira umubiri.

Abahanga mu by’imirire bagaragaza ko ibibabi by’imyumbati (Isombe) ari ikiribwa cy’agaciro cyane kandi cy’ingenzi ku mubiri w’umuntu. Isombe ikize bihebuje ku ntungamubiri A na C (Vitamin A et C). Isombe itunganije neza yajya muri ½ cy’itasi, yifitemo ½ cya vitamin A zose umubiri w’umwana muto ukenera.

Vitamine A ni ingenzi cyane ku buzima bw’umwana, ituma akura neza kandi vuba, ituma abona neza ikamurinda n’indwara nyinshi harimo n’iz’amaso. Ni ikiribwa cy’ingenzi umuntu yakabaye abona ku kigero gihagije.

Vitamin C nayo ni ingirakamaro cyane kuko ifite ibyubaka umubiri bituma amagufwa akomera ndetse agakura ku kigero gishimishije. Ikindi yongera ubuhehere mu mubiri w’umuntu (Humidité). Uzasanga abantu babura iyi vitamine ku kigero gikwiye bakunda kugira ibibazo by’amazi makeya mu mubiri, gusarara n’ibindi. Iyo ufata isombe ku kigero kinini uba wirinda ibi byose.

Imyumbati n’ibibabi byayo byifitemo ubundi bushobozi bwinshi bwafasha umuiri w’umuntu.

Urugero :

1. Igihe cy’ubushye, wakumisha n’izuba ibibabi by’imyumbati, hanyuma ukayikuramo agafu, ukakaminjagiza hejuru y’ahahiye. Ako gafu kanyunyuza amazi yose anyenya mu bushye hagahita huma n’igisebe kigakira vuba.

2. Igihe ufite uburwayi bwo kunanirwa kw’amaso, igihe usanga amaso azamo amarira, kureba bikakunanira (Conjonctivite), ushobora gufata ikibabi cy’umwumbati ukagikata, ya mazi kizana asa n’amata ukayatonyangiriza muri buri jisho ukaba muzima.

3. Mu gihe ufite ikibazo cyo kutagira ubushake bwo kurya (Manque d’appétit), ushobora gufata umwumbati ukawuhonda neza n’isuku, amazi avuyemo ukavangamo isukari ukanywa ayo mazi, ukabikora mu gihe cy’iminsi 7, ikibazo kirakemuka ukagira apeti.

4. Mu gihe ufite umuntu ufite ikibazo cy’amaraso makeya (Anemie), wafata ibibabi by’imyumbati, ukabitunganya neza, ukabisekura ugakamurira amazi yabyo mu kirahure ukayayungurura. Hanyuma ukavangamo amata y’umwimerere (Adafunguye) ukajya uha umurwayi ikirahure kimwe cy’iyo mvange ku munsi, umuntu aba muzima.

5. Umuntu urya ibibabi by’imyumbati (Isombe) ku kigero kiri hejuru, umubiri we uba ufite ubudahangarwa buhagije ku ndwara ya Malaliya, ntabwo ipfa kumufata mu buryo bworoshye. Isombe ni nziza cyane mu kurwanya umuriro uzahaza umubiri mu gihe umuntu arwaye malaliya (Fièvre).

Gufata isombe nibura inshuro ebyiri ku munsi, bigabanya ubushyuhe bw’umubiri, ibi kandi bifite ubushobozi bwo kurinda umubiri wawe gufatwa n’indwara y’Impiswi (Diarrhée) kimwe no kubabara mu gifu.

Komeza ubane natwe, Imana iguhe umugisha!

Vedaste [email protected]

S: www.afiquefemme.com