Icyo twakwigira ku muhanuzi Elisa?

Elisa, izina rye risobanura “Uwiteka ni agakiza,” niwe wakurikiye Eliya mu murimo wa gihanuzi muri Israheri (2 abami 5:8). Ihamagarwa rye ngo akurikire Eliya turisanga 1 Abami 19:19, hanyuma bamarana imyaka ya nyuma amukorera kugeza Eliya yimuriwe mu ijuru. Kuva icyo gihe, Elisa yatangiye umurimo w’ubuhanuzi, wamaze imyaka 60 (c. 892-832 M.K), ku ngoma ya Yehoramu, Yehu, Yehowahazi na Yowasi.

Elisa yasohoje misiyo eshatu Imana yari yahaye Eliya yenda kumwimura mu isi 1 Abam 19:15-16, ariyo kuba umuhanuzi wa Israheri mu cyimbo cya Eliya. Ni ku gihe cya Elisha kuramya bayari byahagaze (2 Abam 10:28). Mu buhanuzi bwe, Elisa yabaye umujyanama w’abami batandukanye, abana n’abantu basabzwe, ndetse aba inshuti y’Abisraheri ndetse n’abanyamahanga.

Ibitangaza Elisa yakoze byari ibyo kugiraneza ugereranyije na Eliya, nko guhumanura amazi y’i Yeriko (2 Abam 2:21), kuzura umuhungu w’Umushunemu (2 Abam 4:18-37), ndetse no gukiza Naaman ibibembe (2 Abam 5). Hari n’ibitangaza Elisa yakoze byenda gusa n’ibyo Yesu yakoze mu isezerano rishya, nko gutubura imigati 20 igahaza abagabo 100 barahaga baranasigaza (2 Abam 4:42-44; Mat 16:9-10).

Mubyo twakigira kuri Elisa harimo guca bugufi nk’umuhanuzi cyangwa undi mukozi w’Imana (2 Abam 2:9), urukundo yakundaga abantu b’Imana (2 Abam 8:11-12), ndetse no gukiranuka mu murimo w’Imana mu buzima bwe bwose.
Ibi ndetse n’ibindi nawe wamwigiraho uko urushaho kwinjira mu bye neza, byafasha cyane twebwe nk’abakristo ndetse n’abakozi b’Imana muri rusange. Abahanuzi, abavugabutumwa, abanyempano mu buryo butandukanye bakeneye guca bugufi nka Elisa maze Uwiteka agakorana nabo iby’ubutwari. Bakeneye kandi gukorana uyu murimo gukiranuka ndetse bakawukorana urukundo bakunze umwami wacu n’abantu be.
by Jean Dominique BYIRINGIRO,