Ibyo usabwa kugira ngo ugumane amavuta y’Umwuka Wera.

MALAKI 3:16
Maze abubahaga Uwiteka baraganiraga, Uwiteka agatega amatwi akumva, nuko igitabo kikandikirwa imbere ye cy’urwibutso rw’abubahaga Uwiteka bakita ku izina rye.

Uwiteka Nyiringabo aravuga ati"Bazaba abanjye umunsi nzakoreraho bazaba amatungo yanjye bwite, nzabababarira nk’uko umuntu ababarira umwana we umukorera.

Dore ibintu bitatu(3), bituma amavuta y’Umwuka Wera aguma ku muntu w’Imana.

1.Gusoma ijambo ry’Imana ukanashyira mubikorwa icyo rigusaba
2.Gukunda gusenga
3.kugira ibiganiro ku ijambo ry’Imana ukirinda ibiganiro by’amanjwe.

Mu bintu Imana ikunda kurusha ibindi, ni abantu baganira ibiganiro bijyanye n’iby’Imana, nibyo bikora ku mutima w’Imana,bikayihagurutsa ikaza ikabategera ugutwi, maze ibitabo by’urwibutso bikabumburwa bakita Ku izina rye.

Nuko uwo munsi babiri muri bo bajyaga mu kirorero cyitwa Emawusi. (Kuva i Yerusalemu kugerayo ni nka sitadiyo mirongo itandatu.)

Nuko baganira ibyabaye byose,bakiganira babazanya,Yesu arabegera ajyana na bo,ariko amaso yabo arabuzwa ngo batamumenya,arababaza ati"Muragenda mubazanya ibiki?" bahagarara bagaragaje umubabaro,baramubwira bati ni wowe wenyine utazi ibyabaye batangira kumubwira ibyabaye byose .

Yesu nawe arababwira ati"Mwa bapfu mwe, imitima yanyu itinze cyane kwizera ibyo abahanuzi bavuze byose, none se Kristo ntiyari akwiriye kubabazwa atyo, ngo abone kwinjira mu bwiza bwe?"

Atangirira kuri Mose no ku bahanuzi bose, abasobanurira mu byanditswe byose ibyanditswe kuri we.

Bageze bugufi bw’ikirorero bajyagamo, agira nk’ushaka kugicaho,baramuhata bati"Se waretse tukagumana kuko bwije kandi umunsi ukaba ukuze?" Nuko arinjira ngo agumane na bo.

Yicaye ngo asangire na bo, yenda umutsima arawushimira, arawumanyagura arawubaha, amaso yabo arahumuka baramumenya, maze aburira imbere yabo ntibongera kumubona.

Baravugana bati"Yewe, ntiwibuka ukuntu imitima yacu yari ikeye, ubwo yavuganaga natwe turi mu nzira adusobanurira ibyanditswe?"Benedata burya iyo muganira iby’Imana, nayo ibatega ugutwi bityo bikakongerera amavuta kandi ikimenyetso kitwemeza ko Imana ihari nuko mugira umunezero, impamvu yo kuba Yesu yarabegereye nuko ibiganiro byabo bavugaga ku Mana.

Reka turebe ibituma amavuta ameneka:

1.Kudasoma ijambo ry’Imana
2.Kuba udasenga
3.Ibiganiro by’amanjwe biterekeye ku Mana

Kudasoma Bibiliya kenshi: abantu babura umwanya wo gusoma ijambo ry’I mana ariko bakabona uwo kureba amafilime,imipira, za internet,bakirirwa muri WhatsApp n’ibindi umwanya wogusoma Bibiliya ukabura.

Gusenga byaburiwe umwanya, ahubwo usanga bavuga bati cyera twarasengaga,amavuta yavahe umuntu adasenga?
Abariribyi bamena amavuta kubera kuvuga abandi ku cyumweru bakaririmba nta mavuta, abayobozi babavuga bakitotomba bakayobora bamennye amavuta, burya mu itorero hari intumwa za satani zazanywe no kumena amavuta y’abakozi b’Imana bakabwiriza amavuta yamenetse.

Ibiganiro by’amanjwe byo gusebanya kuba mu iteraniro ryo kunegurana, abantu bamennye amavuta nibo bamenya abantu badakijijwe, nibo bamenya abatabwirije neza, nibo birirwa bavuga abakozi b’Imana, mbese ibiganiro byabo nta Mana ibamo.

Mu busanzwe abantu bafite amavuta, iyo bahuye bibukiranya baganira ku Ijambo ry’Imana, bagahana ubuhamya bw;ibyo Imana yakoze, bakabwirana ubwiza bwa kamere y’Imana, Imana ikabatega ugutwi ibitabo by’urwibutso bikabumburwa

Mbifurije guhorana amavuta kdi reka nkubwire wowe umena amavuta ngo bakuvuze bisuzugure kuko ayo magambo ntuyasanga kwisahani ngo akubuze kurya cyangwa ngo uyasange mumashuka ngo akubuze kuryama ihangane byekukumenera amavuta.

[email protected]