Ibyo Mama Tereza yatangaje ku rukundo, amahoro no ku bukene

Si ibyacu kurimbura ibyo Imana yuduhaye oya oya nimureke ibitekerezo byanyu ndetse nibyo mwifuza bihinduke iby’Imana ndetse bimere nk’ibyo Imana ishaka. Umuntu afite imbaraga zitangaje! Uziko umuntu afite imbaraga zishobora kuzana intambara isi yose ikaba umuvurungano? Uzi se ko ashobora kubaka amahoro arambye abantu bagatekana?

Ndabinginga bavandimwe duhitemo inzira y’amahoro!

Sinigeze mba mu ntambara ariko nabonye abantu bicwa inzara mbona n’abantu benshi bagwa mu ntambara abenshi muri bo ni inzirakarengane ntibaba bazi iyo biva niyo bijya, ndibaza nti ” umuntu wicana aba atekereza iki mu mutima we koko iyo arimo abikora?” njye simbyumva! Bose ni abana b’Imana mbese kuki bahemukirana bakamarana?.

- “Nahitamo kubana n’abakene, abatabona, abamugaye, mbese abitwa ko badakenewe mw’isi abadafite aho baba mbese bamwe isi yita ko bayibereye umuzigo byatuma nabo babaho mu rukundo bafite ibyishimo.

- Nta muntu uhitamo imibabaro cyangwa se kubaho mu buzima bugoye nyamara Imana ishobora kwemera ko ahura nabyo, bavandimwe ni byiza ko twiga kubana n’abababaye.

- Niba uzi neza urukundo Imana igukunda imbabazi ikugirira n’ibyiza byose yagukoreye warukwiye kubaho ubuzima bukunda Imana ndetse n’abo yaremye ukabagirira neza utarobanuye.

- Sibyiza gukoresha amabombe n’amasasu kugirango dutsindire isi nimureke dufatanye twese abumva ubu butumwa dufatanye dukoreshe inzira y’urukundo, kugira neza no kwihangana maze murebe ngo amahoro arasagamba.

- Ejo harahise n’ejo hazaza ntihazongera kugaruka, dukwiriye kubaho buri munsi nkaho ari amahirwe yanyuma duhawe yo kongera kubaho.

- Tugomba kubaho twiteguye ko isaha n’isaha Imana yaduhamagara, tugategura imitima yacu mu buryo bukwiriye mbese mbabaze: Akakanya wisanze kumarembo y’ijuru umutima wawe ukwemeza ko ibikorwa byawe byaguhesha kuharenga ukinjira ukagera imbere y’Imana cyangwa wasanga udakwiriye kuharenga? Twite kubyo dukorera muri iyi si Imana yaduhaye kuko ibibi cyangwa ibyiza twayikoreye mo Imana izabitubaza.

- Njyewe ubwanjye sinabasha guhindura isi ariko nkuko nshobora kujugunya ibuye mu mazi hakabaho impinduka akanyeganyega nyamara turi benshi hashobora kubaho n’umuraba, ninako njye nawe twumva ibi ibintu kimwe twahinduza isi amahoro n’urukundo.

Mugire amahoro.

@Claire Umumararungu