Ibintu icumi(10) bitangaje ku nkeri.

Inkeri kimwe n’izindi mbuto zitandukanye, zigirira umumaro ubuzima bw’umuntu waziriye, zikagabanya kandi ibyago byo kugira umubyibuho ukabije ndetse no gukenyuka. Inkeri zifite umwihariko, akaba ari nayo mpamvu twabateguriye iyi nyandiko ,aho tugiye kugaragaza ibintu byiza bizanwa no kurya inyeri.

Inkeri zikungahaye ku binyabutabire bitandukanye bifasha umubiri muri byinshi. Ntabwo ari ibinyabutabire gusa dusanga mu nkeri, zigira n’izindi ntungamubiri zitandukanye nkaza vitamine ndetse n’imyunyu ngugu itandukanye nk’ubutare, potasiyumu, manganese, manyeziyumu ndetse nuturemangingo ndodo.

Ibintu icumi byiza bizanwa nuko wariye inkeri.

 Zigabanya ibyago byo kurwara indwara z’umutima nkuko tubikesha ubushakashatsi bwakozwe n’ishuri rikuru ryitwa Harvard. Ryagaragaje ko kurya inkeri ku kigero gihagije bigabanya ibyago byo kurwara indwara zifata umutima ku kigereranyo cya 32% ku bana, ndetse no ku bagore bakuze. Ibi inkeri zibishobozwa nuko zikungahaye kuri potasiyumu ndetse n’uturemangingo ndodo (Fibres).

 Zigabanya ibyago byo kurwara Diyabete kuko zifitemo ubushobozi bwo kuringaniza isukari mu mubiri, zikungahaye kandi kuri fibres ndetse nyuma yo kuzirya zifasha mu kuringaniza isukari mu maraso.

 Ni ingenzi ku bagore batwite kuko zikungahaye ku butare zifasha kurinda indwara zifata urwungano rw’imyakura nka spina bifida indwara ifata abana bakiri mu nda.

 Zifasha mu guca ukubiri n’indwara y’agahinda (Depresion) kuko ubutare buba mu inkeri buhagarika kwiyongera k’umusemburo witwa Homocysteine kuko uyu musemburo iyo wabaye mwinshi utangira amaraso ndetse n’intungamubiri ntibibashe kugera mu bwonko ndetse ugira uruhare mu kugabanya akanyamuneza.

 Zifasha mukongera ireme ry’ubudahangarwa bw’umubiri bitewe nuko ikungahaye kubinyabutabire bitandukanye ndetse na vitamin C, kurya inkeri bifasha guca ukubiri n’indwara zitandukanye zizanywa nuko ubwirinzi kamere bw’umubiri bwacitse intege

 Zifitemo ubushobozi bwo gufasha ubwonko kutananirwa vuba ndetse no gukora neza
 Zifasha mu kugabanya ibiro kuko zikungahaye ku ntungamubiri. Zifasha umuntu guhora yumva ahaze bityo agatakaza ubushake bwo kurya buri kanya
 Zifasha mu kuringaniza umuvuduko w’amaraso bitewe nuko inkeri zikungahaye ku myunyungugu nka potasiyumu sodiyumu na manyeziyumu iyi myunyungugu ifasha mu kuringaniza umuvuduko w’amaraso.

 Zifasha mu kugabanya uburibwe cyangwa se ububabare nk’ ahantu wariwe n’uruyuki cyangwa hari ikibyimba runaka, ibi zibishobozwa nuko zikungahaye kubyo bita antioxidant
 Zirinda kurwara impatwe (constipation) bitewe n’uko yifitemo amazi menshi ndetse na fibres ingenzi mu kurinda ubu burwayi.

Ibi ni bimwe muri byinshi inkeri zifasha umubiri w’umuntu, ushobora kuzirya ukizisarura wazikoreye isuku kandi zitarumagara cyangwa se ukaba wazitegura kuri salade, ushobora kandi kuzikoramo umutobe nta bindi bintu uvanzemo.

Source: www.medicalnewstoday.com
[email protected]