Ibintu 8 wakora mu gihe uri kubabara amenyo

Abantu bigeze kugira ikibazo cy’amenyo bazi uburyo ababaza ndetse ku buryo burenze uko wabyiyumvisha, hariho nabavuga ko aryana kurusha uko igise kirya umugore ugiye kubyara cyangwa ubundi bubabare twakwita ndengakamere.

Iyo umuntu afite bene ubu buribwe bamwe bamugira inama yo kwihutira kureba umuvuzi w’amenyo ngo arikuremo, nyamara hari n’igihe biba ufite ibindi uri gukora kujya kwa muganga bitari guhita bishoboka, hakaba nigihe wagera kuri muganga nawe afite abarwayi benshi wenda atari buhite akugeraho ako kanya.

Uyu munsi Agakiza.org twabateguriye uburyo 10 ushobora kwifashisha mu gihe wumva ko amenyo atangiye kukubabaza

1.Amazi y’akazuyazi arimo umunyu

Ubu buryo bwemejwe n’abaganga b’amenyo ko bufasha kandi bworoshye. wabukoresha mu gihe utarabonana na muganga, uretse no kuba bugabanya uburibwe ni nuburyo bwakorohera buri wese aho yaba ari hose.
Fata ikirahuri cy’amazi yakazuyazi ushyiremo ibiyiko 2 by’umunyu uvange kugeza umunyu uyenze utegereze akanya gato, uyajundike ucire ubikore nibura inshuro 8 kandi ubisubiremo nyuma y’amasaha make, ububabare buragabanuka rwose.

2.Koresha barafu

Ahanini iyo ufite ubu buribwe hari n’igihe usanga uruhande ruribwa rufite ubushyuhe, icyo gihe ufata Barafu ukayishyira mu kintu cya purasitike ugashyira mu gasume(Essuis- main) ukarambika hamwe hari uburibwe, ibi binatuma utagira ikibazo cyo kubyimbirwa cg haba habyimbye hakabyimbuka

3.Tungurusumu

Tungurusumu ni uburyo bwiza bufasha mu kugabanya uburibwe ndetse n’umwanda waba wagiye mu menyo wasanga ari nawo waba uri kugutera ubwo buribwe, ifasha mukurwanya udukoko dushobora kwibasira amenyo.
Fata amavuta ya tungurusumu uyashyire kugatambaro ukinjize mu kanwa kuri ya menyo ababara use nuhasigiriza utsindagira ku menyo ababara ugumisheho kugeza ububabare bushize

Iyo tuvuze amavuta ya tungurusumu aha tuvuga ko ushobora no kuyisekura urya mushongi wayo ukaba wavanga mo amavuta ya olive ubundi ukomeka kuri ya menyo ababara rwose ntibitinda ububabare burashira, ubundi rero ubikora kenshi kugeza igihe wumva nawe ko hari impinduka.

4.Igitunguru

Igitunguru ni umuti utangaje kuburyo udashobora kumva cyane cyane igitukura cyangwa icy’umuhondo
Fata igitunguru ukateho igice gito ubundi ugihekenyere mu ruhande rubabara, umere nkuri guhekenya shikarete, ubaye utabibashije karaba neza intoki ubundi ugende ugitsindagira buhoro buhoro hamwe hababara wirinda kuba wakwinbabaza buhoro buhoro wumva impinduka ku buribwe.

5.Ibisate bya kokombure(Cocombre)

Urashaka ikindi kintu cyagufasha kitari igitunguru? Igisate cya kokombure gishobora kugukiza ububabare, nubwo kidashobora kurwanya imfegisiyo(Infection) nkuko igitunguru cyabikora ariko ububabare irabugabanura .

Fata kokombure ukatemo uduce udushyire muri firigo. Iryinyo niritangira kukurya ufate agace 1 uhite ugashira hamwe iryinyo riri kubabara. Ubukonje buva muri kokombure na kokombure ubwayo bizirukana uburibwe usigare wumva umeze neza.

6.Agapaki k’amajyane(Tea Bag)

Amajyane ni ikintu dukoresha kenshi mu rugo inzobere zarakoze kutubonera ko ashobora gufasha mu kuvura ububabare bw’amenyo.
Fata igikombe cy’icyayi kidashyushye ushyiremo agapaki k’amajyane(Tea Bag) shyira muri Firigo, mu gihe iryinyo rikuriye fata kagapaki ugakure mu gikombe hanyuma ushyire ku ruhande ruri kubabara, ibi nabyo birafasha bigabanya uburibwe

7.Ibibabi by’amapera(Guava Leave )

Niba ugira amenyo akubabaza ibibabi by’amapera birakubera inshuti, ibibabi by’amapera byifitemo Anti-spasm bifite ubushobozi bwo kurwanya bagiteri na infegisiyo biroroshye, ufata ikibabi ugahekenya gahoro ,gahoro, umutobe uvuyemo igihe urimo guhekenya niwo ugufasha mu kurwanya uburibwe kandi ntibyakubuza kuwumira.

Ikindi nuko ushobora gufata ibibabi hagati ya 5-7 ukabiteka mu mazi bikabira iminota 5 ubundi ayo mazi yamara guhora akaba ariyo ukoresha woza amenyo

8.Ifu ya gikukuri

Ifu ya gikukuri ikuraho byoroshye ububabare bw’amenyo,
Fata ifu ya gikukuru uvange na korogate mu gakombe hanyuma ubivangiremo, nurangiza ubishyire kuri rya ryinyo ririmo kukurya, mu minota mike ntuzaba wumva bwa bubabare uzaba worohewe rwose.

Inama zagufasha

Tubibutse ko isukari ari umwanzi ukomeye w’amenyo ndetse burya n’ibintu bikonje cyane byangiza amenyo ku buryo bukomeye, ibyiza ni ukubyirinda
Ikindi ni ukwibuka koza amenyo buri uko urangije gufata amafunguro.

Ibi tumaze kubabwira ni ibyagufasha mu gihe udahise ubona uko ujya kwa mu ganga ariko kandi twababwira ko kureba muganga biba biri mu byihutirwa nyuma yo gukoresha ubwo buryo kugirango arebe ikiri gutera uburibwe.

Source: https://www.absolutedental.com