ISURA NYAKURI YA YESU KRISTO by Paul Calzada

….Ishimwe no guhimbazwa n’icyubahiro n’ubutware bibe iby’iyicaye ku ntebe n’iby’umwana w’intama iteka ryose. (Ibyahishuwe 5.13)

Yesu umwana w’intama utagira inenge araduhamagarira kumukurirkira mu nzira yo gucishwa bugufi.

Dore isura nyakuri yo guca bugufi kwa Yesu: Ni iy’umwana w’intama. Uko Biibiriya ibigaragaza, umwana w’intama ni ikiremwa kidafite kwirwanirira. Cyitangiye gutambwa nkuko tubibona mw’isezerano rya kera.

Abana b’intama 2 bafite umwaka, badafite inenge, bagombaga gutambwa buri munsi kandi kikaba igikorwa gihoraho., Babiri na none ku munsi w’isabato, barindwi ku ntangiriro z’ukwezi kandi bikaba uko na none mu minsi mikuru yose y’Uwiteka.
Mu minsi mikuru y’ingando hatambwaga abana b’intama barindwi buri munsi n’abandi umunani ku munsi wa munani.

Ishusho y’umucunguzi wabambwe igaragara imeze nk’iyumwana w’intama nk’uko Yesaya yabihanuye: “ Yararenganye ariko yicisha bugufi ntiyabumbura akanwa ke amera nk’umwana w’intama bajyana kubaga… " (Yesaya 53.7)
Mw’isezerano rishya, Yohana Batista agaragaza neza ishusho ya Yesu ameze nk’umwana w’intama w’Imana. “ …Nguyu umwana w’intama w’Imana ukuraho ibyaha by’abari mw’isi.” (Yohana 1:29)

Petero amwita : “ Ahubwo mwacungujwe amaraso y’igiciro cyinshi nk’ayumwana w’intama utagira inenge cyangwa ibara, ariyo ya Kristo.”: (1 Petero 1.19).
Intumwa Yohana mu gitabo cy’ibyahishuwe ,abona Umwana w’intama watambwe hagati ya ya ntebe na bya bizima bine na ba bakuru, bamwikubita imbere.(Ibyahishuwe 5.6-14)

Icyo gishushanyo gifite icyo kivuze cyane. Ku bw’ibyo, imbaraga nubutware by’uwo mwana w’Intama biri mu kuba yaratambwe.

Ubwami bwe ntabwo bushingiye ku mbaraga cyangwa ku guhutaza, oya ahubwo bushingiye ku guca bugufi no kwiyoroshya. Ngiyo impamvu ituma ibihumbi n’ibihumbi by’abamalayika bimuramya.. (Ibyahishuwe 5.13) Kandi natwe tuba dushaka kumuramya

Ku kinyuranyo cya Yesu, we wigaragaza akoresha ubutware bukomoka ku Mwuka wo kwitanga, mu byahishuwe tubonamo indi nyamaswa mbi isa n’umwana w’intama ariko ivuga nk’iyikiyoka : "Nuko mbona indi nyamaswa izamuka iva mu butaka.Iyo yo yari ifite amahembe abiri nk’ayumwana w’intama, ivuga nk’ikiyoka.” (Ibyahishuwe 13.11) . Icyo kinyoma cy’umwana w’intama gishushanya Satani.

Buri gihe ahora ashaka kwishushanya na Malayika w’umucyo. Ariko ikimutenguha ni imvugo ye. Imvugo ye irimo uburiganya, ubwoba, amategeko akaze n’ubugiziz bwa nabi.

Yesu umwana w’intama uzira inenge aduhamagarira kumukurikira mu nzira yo gupfa kwa kamere yacu. Mu nzira yo kureka ibibi, mu nzira yo guca bugufi. Ni muri iyo miharuro tuzamenyera imbaraga z’ukuri ndetse natwe tukakira ubutware bw’ukuri buzira icyaha.

.Dusenge.
Mwami Yesu, cyitegererezo cyanjye, ndashaka ko imvugo yanjye ihura neza n’imico yawe myiza kandi yoroheje ikurangwaho. Reka Umwuka w’Umwana w’intama w’Imana wuzure umutima wanjye kugira ngo imbaraga zawe n’ubutware bwawe, imico yawe myiza kandi yoroheje bigaragare muri jye.

Paul Calzada