Hari icyo waba uzi ku nkomoko y’ibitabo byahishwe? (Apocryphes)

Mbere yo kuvuga kuri ibi bitabo turabanza gusobanura icyo iri jambo “Apocryphe“ rivuga. Iri jambo riri mu rurimi rw’ikigiriki APOKRUPHA risobanura“ibintu bihishwe cg bitazwi“, iri zina rero ryahawe ibitabo biboneka mu Isezerano rya Kera ariko bikaba byarashidikanijweho ko bitabonekamo impumeko y’Imana kubabyanditse.

Ibi bitabo ntibiboneka muri Bibiliya y’Abaheburayo. Mu kinyejana cya kabiri (MK) habayeho gahunda yo guhindura Bibiliya y’Abaheburayo mu rurimi rw’Ikigiriki ku Bayuda babaga hanze ya Palestina. Abo Bayuda bo bavugaga ururimi rw’Ikigiriki arirwo rurimi rw’amahanga bari baratataniyemo nyuma y’aho Yerusalemu isenyewe mu mwaka wa 587 MK.

Ubwo nibwo bongeyeho ibindi bitabo bitaboneka muri Bibiliya y’Abaheburayo. Icyo gikorwa cyo kwandika Bibiliya mu rurimi rw’Ikigiriki cyabereye ahitwa Alekisandiriya (Alexandrie) mu gihugu cya Misiri(Egypte) aha habonekaga Abayuda benshi ba Kigiriki. Iyo Bibiliya bayita mu gifaransa”Version SEPTANTE”(LXX) maze iza gushyirwa mu rurimi rw’Ikiratini ariyo bitaga“VULGATE“ yakoreshejwe cyane na Kiliziya Gatorika.

Ibyo bitabo byahishwe (Apocryphes) byaje gushyirwa muri Bibiliya zimwe na zimwe twavuga ko byakozwe n’abagabo 70 b’Abayuda bishyize hamwe, bari mu bihugu by’abanyamahanga (by’Abagiriki), bahindura Bibiliya mu rurimi rw’ikigiriki kugira ngo n’abana babo bari bavukiyeyo ariko batari bazi Igiheburayo, babashe kujya basobanukirwa n’Ibyanditswe, Imana ya basogokuruza babo nk’uko byanditswe. Maze baboneraho no kongera muri Bibiliya n’ibindi bitabo byandikiwe mu gihugu cy’ubusuhuke. Ibyo bitabo byanditswe na bene wabo

Ahagana mu myaka ya 90 (N.K) nibwo Abayahudi bateraniye iwabo ahitwa: JAMNIA muri Palesitina, bakoze umurimo wo gukora ibyo bise CANON bishaka kuvuga uburyo bagenzuye ibyanditswe, kugira ngo barebe ibitabo by’ukuri bibonekamo impumeko y’Imana (ibitabo bibonekamo amagambo y’Imana bemera) baje gusanga ibyo bitabo bidakwiye kujya muri Bibiliya nk’ibyahumetswe n’Imana kubera izi mpamvu:

1) Inama yayoboraga isinagogi ya Kiyuda, ntiyigeze ibyemera nk’ibyahumetswe n’Imana.

2) Bamwe mu banditsi babyo bahakana ko bitahumetswe n’Imana nk’uko biboneka (1Makabe 4:16; 2 Makabe2:23; 15:58; 1Makabe 9: 27. mu gihe cya MAKABE Imana ntiyari ikivugana n’Abisiraheli.

3) Muri ibi bitabo nta Mwuka w’ubuhanuzi ubibonekamo kandi inyigisho y’imyizerere ibibonekamo zitandukanye n’iziboneka muri Bibiliya y’Igiheburayo kimwe n’iziboneka mu Isezerano Rishya.

[email protected]