Gukomera ku munsi mubi birashoboka.

ABEFESO 6.10-14

13. Nuko rero mutware intwaro zose z’Imana, kugira ngo mubashe gukomera ku munsi mubi, kandi murangije byose mubashe guhagarara mudatsinzwe.

Ku bw’iri jambo, Imana irashaka ko muri iki gihe uhagarara ugakomera, ntutsindwe n’uburiganya bwa Satani.
Paulo Intumwa wanditse iri jambo, yitanzeho urugero rw’uko guhagarara ugashikama ku munsi mubi bishoboka, umuntu abifashijwemo n’imbaraga z’Imana, kuko na we ubwe yabashije kwihanganira byose (Abafiripi4.12).

Mu gusenga ubudasiba, habamo imbaraga zo kunesha, hari n’ibindi byagufasha mu rugendo rwo gukomera ku munsi mubi:

Ntukite ku majwi y’urucantege wumva.

Iyo dufatiye urugero ku batubanjirije, tubona ko Saduraka na bagenzi be igihe bari mu bunyage i Babuloni batitaye ku byo babwirwaga, ahubwo bakomeye ku Mana yabo maze bemera kujugunywa mu itanura ry’umuriro ugurumana, ariko Imana ntiyigeze ibatererana (Daniyeli 3.14)

Gukomera byabaviriyemo intsinzi, Umwami Nebukadinezari wabatotezaga afashe icyemezo cyo kogeza Imana yabo, ku bw’ibyo bayihesha icyubahiro (Daniyeli 3.30).

Nawe rero ntukite ku majwi y’urucantege wumva, ahubwo ukomeze ukundishe Uwiteka Imana umutima wawe wose ni bwo imigambi yawe izakomezwa;

Iteka ujye uharanira kuba umusirikare mwiza wa Kristo (2Timoteyo 2.3), witwaza intwaro zose z’Imana, ni bwo uzabasha guhagarara udatsinzwe kandi ukagira agaciro.

Umuririmbyi yabize neza, avuga ko:Intwari y’umwami, itita ku byisi, uko ariko ijya imera kugira ngo ibashe kunesha satani.