Ese uzi icyatuma Imana yagura imishinga yawe?

Abakristo kimwe n’abandi bose ntawutifuza kubona imishinga ye cyangwa ubucuruzi bwe butera imbere.Iyo bwaguka ni nako bubyara inyungu nyinshi, kandi birakwiyeko uko inyungu yiyongera,agomba kugira icyo aha abakene nk’uko Imana ibisaba.

Nta n’umwe wifuza gutangira umushinga ngo bise nko guta umwanya cyangwa gupfusha ubusa amafaranga.Imana ntiyaturemeye gupfusha ubusa imibereho/ubuzima bwacu mu bintu bidafite akamaro,ahubwo yaturemye kugirango tugire ububasha busumbye ibintu byose yaremye:

“Imana iravuga iti “Tureme umuntu agire ishusho yacu ase natwe,batware amafi yo mu nyanja,n’inyoni n’ibisiga byo mu kirere, n’amatungo n’isi yose, n’igikururuka hasi cyose.”(Itangiriro 1:26).

Imana yashakagako ibyo yaremye byose byaguka kandi bikunguka kandi yahaye umuntu ubwo bushobozi .Imana ni Imana y’ubukungu n’imigisha kandi yifuza kuduha ku mugiha wa yo iyo dukoze ibiyinezeza:

“Uwiteka azagukomereza kumubera ubwoko bwera nk’uko yakurahiye,niwitondera amategeko y’Uwiteka Imana yawe,ukagenda mu nzira ikuyoboye. Amahanga yo mu isi yose azabona yuko witiriwe izina ry’Uwiteka,agutinye.Kandi Uwiteka azakugwiriza ibyiza by’imbuto zo mu nda yawe,n’ibyiz’amatungo yawe, n’iby’imyaka yo ku butaka bwawe,mu gihugu Uwiteka yarahiye basekuruza banyu yukoazaguha.Uwiteka azagukingurira ijuru,ububiko bwe bwiza bwiza ngo ajye akuvubira imvura mu bihe byayo,ahe umugisha imirimo ikuva mu maboko yose.Uzaguriza amahanga menshi, maze ntuzayaguzaho.Uwiteka azaguhindura umutwe ntazaguhindura umurizo,uzaba hejuru gusa ntuzaba hasi,niwumvira amategeko y’Uwiteka Imana yawe ngutegeka uyu munsi ukayitondera,ntuteshuke iburyo cyangwa ibumoso ngo uve mu byo ngutegeka uyu munsi byose,uhindukirire izindi mana uzikorere.(Guteg: 28:9-14).

Ushaka guhabwa umugisha n’Imana ukabona inyungu mu byo ukora ?,niba ubyifuza usabwa gukora ibi bikurikira:

1. Ubaha ijambo ry’Imana

Mu mirongo twasomye mu Gutegeka kwa Kabiri 28:9-14 ,twabonyeko ntitugendera ku mategeko y’Imana,tuzahabwa umugisha nayo.Iyo dukoze iby’ukuri mu maso y’Imana, nta mpamvu yayibuza kuguha umugisha.

Gukora ibiyishimisha mu maso yayo, harimo no kuba inyangamugayo mu bucuruzi bwawe.Ntidukwiye gutangira imishinga yacu ngo niturangiza dukore ibinyuranyije n’ijambo ryayo.

2. Gira icyo uha abakene

Mu gitabo cy’imigani hatubwirako ubabariye umukene aba agurije Uwiteka,Na we azamwishyurira ineza ye.(Imigani 19:17). Ibi bivuze ko ugiriye impuhwe umukene,Imana izamwishyura icyo yatanze.

Abakristo bakwiye gutanga bagaha abakene nta muntu wundi ubimenye.Yesu yavuzeko umuntu akwiye kugira ubuntu yiherereye maze Imana ireba ibyiherereye ikazamugororera.

“Ahubwo wehoho nugira ubuntu,ukuboko kwawe kw’ibumoso kwe kumenya icyo ukw’iburyo gukora,ahubwo ugire ubuntu bwawe wiherereye.Nuko So ureba ibyiherereye azakugororera.( Matayo 6: 3-4).

3.Senga usaba Imana kwagura ubucuruzi bwawe.

Ikintu cy’ingenzi ukwiye gukora niba ushaka ko Imana iha umugisha ubucuruzi bwawe,ntagikwiye kukubuza kuyisaba guha umugisha ibikorwa byawe ariko kandi ntishobora kuguha ibyo usaba niba usabye ibijyanye n’irari ryawe.

“Murasaba ntimuhabwe kuko musaba nabi mushaka kubyayisha irari ryanyu ribi.” (Yakobo:3:4).
Imana ihishurira abantu ko yiteguye kubaha ibyiza nibakora iby’ishaka.
“Musabe muzahabwa,mushake muzabona,mukomange ku rugi muzakingurirwa.Kuko umuntu wese usaba ahabwa,ushatse abona,n’ukomanga agakingurirwa.Mbese muri mwe hari umuntu umwana we yasaba umutsima akamuha ibuye? Cyangwa yamusaba ifi akamuha inzoka?Ko muri babi kandi mukaba muzi guha abana banyu ibyiza,none So wo mu ijuru ntazarushaho guha ibyiza ababimusabye?(Matayo7: 7-11).

Abakristo ntibakwiye guhangana n’abandi bacuruzi bagenzi babo bashaka ibijyanye n’irari ryabo ahubwo bakwiye kubahisha Imana n’ubwami bwayo mu byo bakora byose maze na yo ikabavubira imigisha.

[email protected]