Ese ujya ubabarira?


LUKA 23:34
Yesu aravuga ati “Data,ubabarire kuko batazi icyo bakora.

Yesu ku musaraba yatanze imbabazi. Umukristo wese utaragera igihe yumva ko akwiye gutanga imbabazi no kwakira imbabazi, aba ataragera ku musaraba neza. (Kuko abantu benshi bumva ari byiza ko bagirirwa imbabazi, ariko bo ntibazi kuzisaba cyangwa kuzitanga iyo bakoze ikosa). Yesu yigisha abigishwa be gusenga isengesho rya Data wa twese, yababwiye ko bazajya basenga ngo “Uduharire imyenda yacu, nk’uko natwe twahariye abarimo imyenda yacu.” Matayo 6:12.

Ikibazo: Imana ikubabariye nk’uko ubabarira abandi, wajya mu ijuru? Niba atari uko biri, tangira ubabarire n’ubwo baba bataragusaba imbabazi.ariko wibohore uzabone uko ujya mu ijuru.

Ikindi gihe Yesu yaravuze ngo nimutababarira abantu ibyaha byabo, na Data wo mu ijuru ntazababarira.

Ariko ko imbabazi ari ubuntu, kuki abantu batakira imbabazi? mwibuke ko mu butayu Abisirayeli bakoze ibyaha bakaribwa n’inzoka z’ubusagwe, Mose agatakira Imana na yo ikamubwira ngo acure inzoka mu muringa, ayimanike ku giti umuntu wese uri buyirebe arakira. Ariko Abisirayeli banga kuyireba, abenshi muri bo bicwa n’ubumara bw’inzoka. Na n’ubu umusaraba urahari, ariko abantu baracyicwa n’ibyaha. Namwe murabona ibyaha biri mu isi uko bingana, no mu matorero naho birahari.

Iyo ubabariye uwaguhemukiye nubwo yaba ataragusaba imbabazi, uba wibohoye umugozi ukomeye, kuko iyo utarababarira ari wowe wahemukiwe ari n’uwaguhemukiye, mwese ntimubasha kugira amahoro n’ubwo mwayihesha ariko umutima uhora ugutungira urutoki icyo ukwiye gukora. nuko rero ubwo tuzi ko amahoro yo mu mutima ari ikintu gikomeye ni byiza kubabarira ugasigara usengera wa wundi kugira nawe yihane asabe n’ imbabazi.mukomezanye urugendo no kwakira imigisha yo mu gakiza.

Tekereza abantu bose baguhemukiye, urumva warababariye koko? Cyangwa hari abo ukiboshye mu mutima kuko bataragusaba imbabazi? Yesu yaravuze ngo ubababarire kuko batazi icyo bakora. Sitefano nawe yaravuze ngo ubababarire kuko batazi icyo bakora , Nagira ngo nkubwize ukuri: Ntushobora kuzura Umwuka wera, ntushobora kwakira imigisha y’ Imana utarabasha gutanga imbabazi, cyangwa ngo ubashe kuzisaba niba hari icyo umutima uguciraho urubanza.

Iyo utarasaba imbabazi cyangwa ngo uzitange, uba ufite umugozi ukuboshye, utakwemerera kwinjira mu bwiza bw’Imana. Dawidi yari yarasobanukiwe imbabazi.

Yakundaga kuvuga ngo “Mana umpaze imbabazi zawe, kuko yari yiyiziho intege nke. Kandi iyo yasengaga, yaravugaga ati “Nimushimire Uwiteka yuko ari mwiza, imbabazi zawe zihoraho iteka ryose”

Nyuma Imana yamusezeraniye isezerano ry’imbabazi zihoraho. Imana yaramwemeye ku bw’imbabazi. Natwe Imana izatwemera ku bw’imbabazi zayo.

Dukwiye gutunga umutima uhora uca bugufi usaba imbabazi kdi natwe tukazitanga hari abantu bibeshya ko bageze ku musaraba ariko ntibibaho ko wagera ku musaraba utarabasha kubabarira ndetse no gusaba imbabazi.

Dutunze abakristo buzuye mu rusengero badashobora kubabarira kandi ugasanga imirimo yo munzu y’Imana barayikora ,baratura,batanga icya cumi,bafasha abababaye,n’ibindi ariko ni ukuri uraruhira ubusa kuko imigisha yo mugakiza warayikingiye ,nimureke turebere ku gihugu cyacu abagiye bicira abandi ababo bagiye basaba imbabazi bakazihabwa ariko mu nzu y’Imana bananiwe kubabarira iyo ugiye kureba, usanga ntanigikomeye cyatumye bibohesha uwo mugozi, tekereza kuzabuzwa ijuru n’umuntu ngoyarakuvuze,yaragusuzuguye,ntagusura,n’utundi.

Dukwiye kwisuzuma tukareba ko mu mitima yacu, twuzuye imbabazi z’Imana, niba nta mbabazi zirimo dusabe Imana iduhe imitima mishya, yoroshye kuko ni isezerano yadusezeranije, wisuzume,biragatsindwa kuba wabura ijuru kubwo kutabasha kubabarira mbabarira ukaba wifunguriye inzira watanga imbabazi ukaba wifunguriye umuryo w’imigisha ryomugakiza umva
Kubabarira ni urufunguzo rw’imigisha, naho kutababarira twabigereranya n’ingufuri igukingira imigisha yawe.
[email protected]