Ese nyuma yo gupfa bigenda bite?

Mu myemerere ya gikristu, harimo urujijo rwinshi ku birebana n’uko bigenda nyuma yo gupfa. Bamwe bavuga ko nyuma y’urupfu, umuntu asinzira kugeza ku munsi w’ urubanza, ruzahesha bamwe kujya mu ijuru abandi bakajya I kuzimu. Abandi bizera ko mu gihe cy’urupfu,umuntu ahita acirwa urubanza ako kanya agahita ajya aho yateguriwe. Abandi bavuga ko nyuma yo gupfa, roho y’umuntu ijyanwa ahantu habugenewe igategereza umuzuko wa nyuma ndetse n’urubanza ruzamwinjiza aho yagenewe haba i kuzimu cyangwa mu ijuru.

Icyo Bibiliya ibivugaho:

Mbere ya byose, ku bizera Yesu Kristo, Bibiliya itubwira ko nyuma y’urupfu, Roho z’abizera zijyanwa mu ijuru, kuko ibyaha byabo babibabariwe igihe bakiraga Kristo nk’umukiza (yohana 3:16, 18, 36). Ku bizera, urupfu ni “inzira ijyana umuntu ku Mucunguzi”(2Abakorinto 5:6-8 )

Ariko n’ubwo bimeze bityo abakiranutsi bazazuka bahabwe imibiri mishya (1 abakorinto 15:50-54) na (1 abatesaronike 4:13-17) Nonese niba iyo umuntu apfuye ahita ajya mu ijuru ako kanya kubana na Kristo, ni iyihe ntego y’uyu muzuko twabonye? Bimeze nk’aho niba nyuma y’urupfu roho(souls) z’abakijijwe zihita zijya mu ijuru kuri Yesu ako kanya, bivuze ko uyu mubiri w’inyuma(physical body) usigara mu mva “usinziriye.” Ku munsi w’umuzuko w’abizera, umubiri w’inyuma uzazurwa uhindurwe mushya, Maze uhuzwe na roho yawo hanyuma umuntu ajye mu ijuru.

Icya kabiri rero, ku bantu batigeze bakira Yesu Kristo nk’umukiza, urupfu rusobanuye igihano kidashira. Abatizera nabo bahita bajya ahantu habugenewe, bagategereza umuzuko wa nyuma,urubanza no guhabwa umugabane wabo ukwiriye abanyabyaha.
Mu butumwa bwiza bwa Luka “16:22-23” hatubwira umugabo w’umutunzi utarigeze wizera Imana uko yababajwe akimara gupfa. Abapfuye batizeye Imana bazazukira urubabanza hanyuma bajugunywe mu muriro. Abanyabyaha ntibahita bajyanwa mu muriro wateguriwe abanyabyaha ako kanya bakimara gupfa, ahubwo baba bari ahantu habugenewe bategereje urubanza no gucirwaho iteka (ibyahishuwe 20:11), n’ubwo badahita bacirwa urubanza ako kanya nyuma yo gupfa, ntibaba bari mu munezero ahubwo baba barimo kubabazwa nk’uko wa mugabo w’umukire yavugaga ati:” ndi mu mubabaro” aha n’ubwo twumvise ko yari amerewe nabi ariko mu by’ukuri umuriro wateguriwe abanyabyaha bazawujugunywamo ku munsi w’ imperuka. (Luka 16:24)

Ku bw’ibyo rero, nyuma y’urupfu, umuntu ajya aho ategerereza ijuru cyangwa i Kuzimu. Nyuma y’ibyo ku muzuko wa nyuma , abantu bamaze gucirwa imanza umuntu azagenerwa aho gutura iteka hatazahinduka ukundi. Abizeye Yesu Kristo bazagororerwa kwinjira mu ijuru ndetse baragwe isi nshya. (Ibyahishuwe 21:1) Ngayo rero amaherezo y’abantu baba abizeye Imana ndetse n’abanze kuyizera.
Source: www.got .questions.org
[email protected]