Ese ni gute twinjira mu buruhukiro bw’Uwiteka?

Igitekerezo cyo kwinjira mu buruhukiro bw’Uwiteka kiva mu rwandiko rw’Abaheburayo 3—4. Ubu buruhukiro busobanuye iki? Tubwinjiramo dute? Tunanirwa gute kubwinjiramo?

Umwanditsi atangira iki gitekerezo cy’uburuhukiro bw’Uwiteka mu gice cya 3, aho agaruka ku Bisiraheri bazerera mu butayu. Mu kubaha igihugu cy’I Canaani, Imana yabasezeranyije ko izabajya imbere ikabaneshereza abanzi babo bose kugira ngo babe mu mahoro (Gutegek 12:9–10). Ibyo yabasezeranije byose byari kwizera Imana n’amasezerano. Ariko kandi, banze kuyumvira. Ahubwo bakajya bayivovotera Uwiteka, ndetse bakajya bashaka gusubira muri Egiputa mu bucakara (Kuva 16:3; 17:1–7; Kubara 20:3–13).

Uburuhukiro buvugwa aha bwari igihugu cya Canaan. Nbwo Imana yirahiraga ikavuga ko batazabwinjiramo (Abaheb 3:11). Bimuye Uwiteka, ntibamwumvira. Imana byatumye ibakuraho imbabazi zayo, hanyuma irahirana uburakari ko batazinjira mu gihugu yabasezeranije (Abaheb 3:16–19). Ariko, hanyuma, urubyaro rwabo rwizeye Imana, bayobowe na Yosuwa, binjira mu buruhukiro bw’Uwiteka, aricyo gihugu cy’i Canaan, nyuma y’imyaka 40 (Yosuwa 3:14–17).

Akoresheje urugero rw’Abisraheri batagumye mu masezerano y’Uwiteka, umwanditsi w’Abaheburayo akomeza mu gice cya 4, abahuza n’Abaheburayo b’Abakristo ndetse natwe: “Nuko rero, ubwo isezerano ryo kwinjira mu buruhukiro bwayo rikiriho, dutinye kugira ngo ahari hatagira uwo muri mwe wasa n’aho atarishyikira” (Abaheb 4:1). Isezerano rikiriho ni isezerano ry’agakiza Imana yateguye muri Kristo Yesu.

Ashobora gutanga uburuhukiro bw’iteka bw’agakiza binyuze mu maraso yamennye ku musaraba kubwo kubabarirwa ibyaha. Ubu buruhukiro na none, ni ukuba mu isi y’umwuka, ibirenze ku gakiza. Kwizera, umwanditsi akomeza asobanura, ni urufunguzo rutwinjiza mu buruhukiro bw’Uwiteka. Abaheburayo babwirijwe ubutumwa bwiza, nkuko Abisraheri bari bazi ukuri, nyamara ijambo bumvise ntiryabagiriye umumaro kuko abaryumvise bataryakiranye umutima wizeye” (Abaheb 4:2). Bamwe bumvise inkuru nziza ya Kristo, ariko ntibayakira kubera kutizera.

Abaheb 4:10–13 hasobanura uku kwizera uko ariko. Kwizera kutwinjiza mu buruhukiro bw’iteka ni ukwizera gusaba ko turuhuka imirimo yacu. Gusa umwanditsi asa n’aho yivuguruza aho avuga ngo tugire umwete: “Kuko uwinjiye mu buruhukiro bwayo nawe aba aruhutse imirimo ye, nkuko Imana yaruhutse iyayo. Nuko tugire umwete wo kwinjira muri ubwo buruhukiro, kugira ngo hatagira umuntu ugwa akurikije ikitegererezo cya babandi cyo kutumvira” (Abaheb 4:10–11). Uku si ukwivuguruza ahubwo biblia idusaba ko kwizera kwacu kugomba kudutera umwete wo kwiha Imna cyangwa kuyumvira ngo twinjire muri ubwo buruhukiro.

Nubwo tutakihatira gukora imirimo yacu ngo tubone agakiza n’isezerano ry’uburuhukiro bw’iteka, ariko tugira umwete wo kubwinjiramo, igihe duhitambo kwishingikiriza ku witeka wenyine, kumwizera byuzuye, no ku masezerano y’Imana binyuze mu buntu bwayo buduhesha agakiza. Kubera iki? “Kugira ngo hatagira ugwa akurikije ikitegererezo cya babandi cyo kutumvira” (Abaheb 4:11).
Ese twizera ko tubasha gukora imirimo ibasha kuduhesha agakiza cyangwa, twizera Imana ishobora kudukiza binyuze mu gitambo cya Kristo ku musaraba? Iyo tutizeye Imana byuzuye, duhinduka abatayumvira ndetse ntitube tukinjiye mu buruhukiro aribwo bugingo bw’iteka, nkuko Abisraheri batumviye ntibinjire mu gihugu cy’isezerano, Canaan.

None twaba tugeze he turi kwizera ko imirimo yacu yaduhesha agakiza? Twizera gute Uwiteka n’amasezerano ye? Twinjira mu buruhukiro bw’Uwiteka mbere na mbere iyo tumenye ko tutabishobora ku bwacu. Ikindi, twinjira mu buruhukiro bw’Uwiteka iyo twizeye byuzuye igitambo cya Kristo kandi tukumvira Imana n’ubushake bwayo. “Ni bande Imana yarahiriye ko batazinjira mu buruhukiro bwayo? S abatumviye? Kandi tubona ko batashoboye kwinjiramo kuko batizeye” (Abaheb 3:18–19). Uretse Abisraheri babujijwe kwinjira mu gihugu cy’iseerano kuko batizeye, twebwe ho twizere kugira ngo twinjire mu buruhukiro bw’Uwiteka, kandi ntibiva mu mirimo yacu ahubwo ni impano y’ubuntu.

[email protected]