Ese kwatura ibyaha ni ngombwa ? /Pastor Desire HABYARIMANA

Bamwe bavugako twaturira Imana ibyaha aribyo byiza ko bitari ngombwa kwaturira undi muntu, wicarane n’umushumba wawe cyangwa undi mwene data umwaturire bavuga ko bitari ngombwa.

Abandi bantu bavugako nta wundi muntu n’umwe wo kwizerwa wabona wakwaturira ibyaha. Abandi nabo bamezako iyo utatuye utababarirwa ,iyo wumvise ibitekerezo byinshi abantu bafite usanga bamwe batazi icyo bibiliya ivuga ku kwatura, abandi bafite ibikomere ko hari uwo baturiye bakabisanga hanze, abandi nabo bahisha ibyaha byabo kuko batinyako ibyaha byabo byamenyekana mu bandi bantu, bagahitamo kutatura ,bagatekerezako aribyo byabaha amahoro.

Yakobo 5:16 "Mwaturirane ibyaha byanyu kandi musabirane, kugira ngo mukizwe. Gusenga k’umukiranutsi kugira umumaro mwinshi, iyo asenganye umwete"

Abaroma 10:9-10 "Niwatuza akanwa kawe yuko Yesu ari Umwami, ukizera mu mutima wawe yuko Imana yamuzuye uzakizwa, kuko umutima ari wo umuntu yizeza akabarwaho gukiranuka, kandi akanwa akaba ari ko yatuza agakizwa"

Ibyakozwen’itumwa 19:18 "Nuko benshi mu bizeye baraza bātura ibyaha byabo, bavuga n’ibyo bakoze."

Ni gute ikintu cyemerwa na bibiliya abantu bemezako kitari ngombwa ?