Ese koko stress yaba ishobora gutuma umuntu yongera ibiro?

Muri iyi nyandiko tugiye kuvuga kuri iki kibazo abantu benshi batavugaho rumwe, turagagaza impamvu ebyiri(2), zishobora gutuma umuntu yunguka( kongera) ibiro mu gihe yagize stress.

Nibyo koko stress, ishobora gutumwa umuntu yunguka(kongera) ibiro cyangwa se bigabanuka, bitewe nizi mpamvu ebyiri (2):
 Imikorere y’imisemburo mu gihe umuntu afite stress
 Imyitwarire umuntu ashobora kugira mu gihe afite stress

Iyo umuntu afite stress, umubiri ukora imisemburo myinshi harimo n’uwitwa korutizolu(Cortisol), uyu musemburo rero, ituma umuntu agira ubushake bwo kurya ibiribwa biryohereye cyane, mbese birimo isukari n’amavuta byinshi, muribyo twavugamo nk’ibiribwa bikorwa mu ifarini(Snacks), amafiriti, n’ibindi nkibyo. Bene ibi biribwa rero, bikungahaye ku masukari menshi n’amavuta, ninako biba bikungahaye kuri karoli(Calories), izi kalori rero iyo umuntu yinjije nyinshi kuruta izo asohora, kunguka ibiro biba mu buryo bwihuse cyane.

Indi mpamvu ni imyitwarire umuntu agira mu gihe afite stress, imwe muriyo twavugamo nko kubura ibitotsi mu masaha yo gusinzira, kwiyambura agaciro ntiwiyiteho, haba ku mubiri inyuma ndetse no mu buryo ufata amafunguro, fungura, hari n’abagira stress bakagira ubushake bwinshi bwo kurya, hakaba n’abandi bagira ubushake buke bwo kurya mu gihe bafite stress, aba bo baba bagomba guhomba ibiro mu gihe bafite stress.

Kunguka ibiro no kubihomba,mu buryo budasobanutse, ni ikibazo gikomeye mu buzima, mu gihe bibayeho, umuntu aba agomba kubyitaho, kuko hari ubwo biba biterwa n’uburwayi runaka, wenda butaranamenyekana.

Source: www.yurielkaim.com
[email protected]