Ese koko guhurwa no gutwarira ikintu runaka bibaho igihe umugore atwite?

Muri iyi nyandiko, tugiye kuvuga ku kuri kwihishe inyuma yo guhurwa no gutwarira ikintu biba ku mugore utwite, aho bamwe bavuga ko iyo umugore atwite ashobora guhurwa cyangwa akaba yatwarira ikintu runaka,ibi byombi bivugwaho byinshi, aho bamwe bavuga ko, ari uburwayi, abandi bakavuga ko ari ukubyishyiramo.

Ubusanzwe,iyo umugore yamaze gusama, mu mubiri we habamo impinduka nyinshi zitandukanye, zizanwa nuko haba hinjiyemo undi muntu utari asanzwe arimo, izi mpinduka rero zishobora gutuma umuntu agira imyifato n’imyifurize itandukanye, idasanzwe,gutwarira no guhugwa ikintu runaka nabyo ni zimwe muri izo mpinduka.
Gutwarira ni imvugo isobanura ibyiyumvo bikomeye byo gushaka ikintu runaka, rimwe na rimwe no kubihagarika bikaba bidashoboka cyangwa se bitoroshye, naho guhurwa byo ni ukuba umuntu yagira ibyiyumviro byo kwanga bikabije cyangwa kuzinuka ikintu runaka, bishobora kuba ku kiribwa, ikinyobwa cyangwa se umuhumuro runaka, kuburyo awumvise ashobora kugubwa nabi akaba yagira iseseme no kuruka.

Nkuko tubikesha inzobere mu by’ubuvuzi Professor Susan Robert, umuyobozi w’ikigo cy’ubushakashatsi mu by’ubuzima n’imirire, atangaza ko guhurwa no gutwarira ikintu runaka biba ku bagore batwite hafi ya bose, bidakuyeho ko hari n’abandi batagira iyi myifato yo guhurwa no gutwarira ibintu runaka.

Iki kigo gikomeza gitangaza ko, gutwarira no guhurwa bigira aho bihurira n’imisemburo(hormones), iba iri gukorwa, ndetse ngo burya umuntu atwarira icyo umubiri ukenera kuruta ibindi, aha ni mu biribwa ndetse n’ibinyobwa bitewe n’intungamubiri ziba zirimo, naho mu guhurwa umuntu akaba yahurwa icyo umubiri udakenera, naho ku bahurwa abagabo babo, ngo biba bifitanye isano n’imibanire yabo isanzwe itari myiza.

Mu gihe watwariye ikintu ubasha kubona, ni byiza kugifata ariko mu rugero rukwiriye, naho mu gihe watwariye ikintu utabasha kubona, ni byiza ko mu gihe wumva ibyiyumviro byo kugishaka bibaye byinshi, wagerageza kubyibuza ndetse no gushaka ibiguhuza, mbese ukabyima umwanya, kuko akenshi bishobora gushira mu gihe cy’amezi ane(4) abanza, naho kuri babandi bagira ikibazo cyo guhurwa uwo mwashakanye, ni byiza ko mubiganiraho mukaba mwanafatanya kubishakira igisubizo kuko bishobora no kubaho bidatewe n’umubano utari mwiza ahubwo bikaba byabaho bitewe n’indi mpamvu runaka, bityo mukaba mwanakwitabaza inzobere mu by’ubuvuzi bw’imyororokere.

Source: www.healthline.com
[email protected]