Ese dukomeze gukurikiza isezerano rya kera,kandi Yesu yararangije ibyategekwaga n’amategeko ?

Abakristo b’uyu munsi bakora amakosa akomeye yo kutita ku isezerano rya kera, ahubwo bakizera gusa ibivugwa mu isezerano rishya.

Isezerano rya kera ryagaragazaga ko nta wukiranuka n’umwe, kuko ntawabashije gukurikiza amategeko y’Imana “Nk’uko byanditswe ngo “Nta wukiranuka n’umwe.”(Abaroma3:10)

Ku rundi ruhande ariko ,isezerano rishya rivuga ibya Yesu Kristo n’umubabaro yagize , kuzuka kwe ndetse n’uko yujuje ibyategekwaga n’amategeko kugira ngo umuntu agaragarweho gukiranuka.

“Nyamara tumenye yuko umuntu adatsindishirizwa n’imirimo itegetswe n’amategeko, ahubwo atsindishirizwa no kwizera Yesu Kristo. Dore ndetse natwe twizeye Kristo Yesu kugira ngo dutsindishirizwe no kumwizera, bitavuye ku mirimo itegetswe kuko ari nta muntu kuko uzatsindishirizwa n’imirimo itegetswe n’amategeko.(Abagalatiya 2:16-17)

Bibiliya itubwirako ko gukiranuka kwacu guturuka muri Kristo gusa.Ibi se byaba bisobanuyeko tugomba kureka ibyategetswe byo mu isezerano rya kera , ntitubikurikize kuberako Kristo yarangije byose byari bitegetswe n’amategeko?

Abakristo benshi bakunze guhinyura amategeko y’Imana ari mu isezerano rya kera kuko batabashije kuyakomeza no kuyubaha , bityo ntiyabahesha gukiranuka. Yesu ubwe yavuze ko tugomba gukomeza amategeko y’Imana kugira ngo tuzabashe kwinjira mu bwami bwo mu ijuru.

“Mwitekereza ko naje gukuraho amategeko cyangwa ibyahanuwe.Sinaje kubikuraho , ahubwo naje kubisohoza.Kandi ndababwira ukuri yuko ijuru n’isi kugeza aho bizashirira, amategeko atazavaho inyuguti n’imwe cyangwa agace kayo gato, kugeza aho byose bizarangirira.Nuko uzica rimwe ryo muri ayo mategeko n’aho ryaba ryoroshye hanyuma y’ayandi, akigisha abandi kugira batyo, mu bwami bwo mu ijuru azitwa mutoya rwose.Ariko uzayakora akayigisha abandi, mu bwami bwo mu ijuru azitwa mukuru.Kandi ndababwira yuko gukiranuka kwanyu nikutaruta ukw’abanditsi n’ukw’Abafarisayo , mutazinjira mu bwami bwo mu ijuru.(Matayo5:17-20)

Kristo ariko yujuje ibyategekwaga n’amategeko ku bwacu kuberako nta muntu n’umwe wigeze ashobora kuyubahiriza:

“Kuko ibyo amategeko yananiwe gukora ku bw’intege nke za kamere yacu, Imana yabishohoje ubwo yatumaga Umwana wayo afite ishusho ya kamere y’ibyaha kuba igitambo cy’ibyaha, acira ibyaha bya kamere ho iteka. Kugira ngo gukiranuka kw’amategeko gusohozwe muri twe, abadakurikiza ibya kamere y’umubiri, ahubwo bakurikiza iby’Umwuka.(Abaroma8:3-4)

Ese dukomeze dukurikize kandi twubahe ibiri mu isezerano rya Kera?

Nshuti, gukiranuka kwacu gaturuka gusa mu kwizera Yesu Kristo.Turumvako agakiza yaduhaye katurutse ku mategeko. Twese twakoze nabi, nta muntu n’umwe wabashije gukora ibyo gukiranuka Imana yashakaga. Mu rukundo rwayo, Imana yohereje umwana wayo w’ikinege kuzuza ibyategekwaga n’amategeko .Kurokoka kwacu kwaguzwe amaraso y’igiciro y’utigeze gukora icyaha ,umwana w’intama w’Imana.

Isezerano rya kera ntirikwiye kwirengagizwa kuko ritubwira uburyo Imana ari Iyera, ko twe muri kamere yacu turi abanyabyaha. Ariko kubera urukundo rwayo n’ubuntu byayo binyuze kuri Mesiya wari warasezeranijwe byatumye tudacirwaho iteka.
Byongeye kandi ,twahawe kumenya Imana binyuze mu magambo yayo ari muri bibiliya, si amagambo aboneka mu butumwa bwiza bwa Yohana 3:16 gusa , ahubwo ni ayo kuva mu gitabo cy’Itangiriro kugeza mu Ibyahishuwe .

“Ibyanditswe byera byose byahumetswe n’Imana kandi bigira umumaro wo kwigisha umuntu, no kumwemeza ibyaha bye no kumutunganya, no kumuhanira gukiranuka kugirango umuntu w’Imana abe ashyitse, afite ibimukwiriye byose ngo akore imirimo myiza yose.(2 Timoteyo3:16-17)

Dukwiye kubaha ibyahumetswe n’Imana byose kuko ari byo bibasha gutunganya umuntu ,akabaho ubuzima bushyitse kandi bwubaha Imana.

Sophie @agakiza.org