Ese Imana yaturemye ite?

Bibiliya itubwira ko twese twabumbywe n’Imana kugirango tubashe gukora ibikorwa byiza idushakaho .Twese abari muri Kristo dufite inshingano yo guhesha Imana icyubahiro dufite kandi inshingano yo kubwiriza ubutumwa bwiza ku bantu bose.Dukwiye gukora ibintu byose neza dutinya Imana.

Abakristo benshi bagerageza gukora neza ariko bikarangira bibananiye.Ntibashobora kugerageza impano zabo ngo bagere ku cyo Imana ibashakaho.Nubwo bafata igihe, batakaza imbaraga,amafaranga n’indi mitungo ariko ntibashobora gukora icyo Imana ibashakaho.

Kuki abakristo benshi badakora icyo baremewe gukora?Impamvu ni uko bagerageza gukora nk’uko abandi bakora.

Reka turebere hamwe uko Imana yaturemye n’inshingano dufite

Bibiliya itubwirako Imana itubona nk’ibyaremwe. Mu by’ukuri,niyo yaduhaye ishusho.
“Kuko ari wowe waremye ingingo zanjye,wanteranirije mu nda ya mama.
Ndagushima yuko naremwe uburyo buteye ubwoba butangaza, imirimo wakoze ni ibitangaza, ibyo umutima wanjye ubizi neza.Igikanka cyanjye ntiwagihishwe, ubwo naremerwaga mu rwihisho,ubwo naremesherezwaga ubwenge mu byo hasi y’isi.( Zaburi 139:13-15)

Imana yaturemye buri wese ukwe.Yaturemye buri wese atandukanye n’undi.
Imashine zikora ibintu bitandukanye zishobora kuba zimeze kimwe. Amatelefone cyangwa ibindi bintu by’ikoranabuhanga bigira imibare ibiranga itandukanye,ariko iyi mibare ifite akamaro kerekana igikoresho utunze.

Imana yo rero yaremye umuntu atandukanye n’undi ,nta muntu usa n’undi kuko ibasha no kumenya umubare w’imisatsi yacu.
“Ndetse n’umusatsi wo ku mitwe yanyu wose warabazwe.Ntimutinye rero, kuko muruta ibishwi byinshi. (Luka 12:7).

Ibikoresho bikora ibintu ,nka mudasobwa zishobora kuba zikozwe kimwe,zifite ibiziranga bimwe,n’ibyapa bimwe, zikaba zifite ubushobozi bumwe bwo gukora ibyo zishobora.Umuntu kuko yihariye kandi akaba atandukanye n’undi yahawe ikigero cyo kwizera n’impano zitandukanye n’iz’abagenzi bacu.(Abaroma 12:3-8)

Ugendeye kuri iyi nkuru,ndifuzako dutekereza kandi tukumva ko twihariye .Uko twaremwe bitandukanye n’abandi.Imana yaturemye bitandukanye n’abandi iduha imimerere,ubumenyi,ubushobozi n’impano zitandukanye n’iz’abandi. Imana yaturemye muri ubu buryo kuko twagombaga gukora ibintu ishaka ko dukora,bityo yaturemye kugirango twe ubwacu tube ababasha gukora ibyo ishaka.

“Kuko turi abo yaremye ituremeye imirimo myiza muri Kristo Yesu, iyo Imana yiteguriye kera kugira ngo tuyigenderemo.”(Abefeso2:10)

Nshuti Urihariye, kandi Imana yifuza ko ukora ibishimwa nayo ugendeye kuko yakuremye,bityo ntukwiye kwigana iby’abandi bakora. Tuzarushaho gukora neza nitwigira ku ngero z’abandi bantu, ariko tugomba gukora ibijyanye n’ubushake bw’Imana bitewe n’uburyo yatubumbye.Dukwiye gushaka Imana ,kuyubaha tutiganye abandi bantu.

Sophie @agakiza.org